Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Asselmed n tmaziγt deg Tizi Wezzu : 250 n yimunan* deg wenrar
*Stagiaires
tifinagh.jpg
Tnac n yiseggasen seg wasmi ay tekcem γer uγerbaz (llakul), tamaziγt mazal ur tufi ara iman-is ar ass-a. Γas ma yella aγlif (ministère) n usselmed yefka idrimen akk-n ad d-heyyin imukan n leqdic i wid ara tt-yeslemden deg yal tama, tamaziγt werεad ur tekcim akk iγerbazen. 
 
D acu kan , aseggas-a yella ussirem akk-n ad beddlent lumuṛ. Deg umekraḍ (trimestre) wis tlata n useggas-a, 250 n yinelmaden ara d-yettheyyin ajdel-nsen (thèse) deg usselmed n tmaziγt yernu atni tura d imunan (stagiaires), la ttṛuḥun γer yiγerbazen anda ay ttselmaden tamaziγt akk-n ad ssnen ula d nitni amek ara slemden iles n Masensen. Deg uγerbaz alemmas n Waytmaten Harchaoui, deg Dreε Lmizan [Tizi Wezzu] nemlal-d ṛebεa n tmunan.
 
“Nusa-d ad neḍfer timsirin (dduṛus) ay d-ttqeddimen waytaten-nneγ iselmaden. Kullec la itteddu akk-n yessefk. La nlemmed aṭas n tγawsiwin. Aselmad n wesnas (application) itteg deg-neγ laman imi ay aγ-yettafk tagnit ad d-nqeddem timsirin s nnuba, sakk-in nettmeslay γef temsirin-nni”, ay aγ-d-tenna yiwet seg tmunan-nni. Aselmad ay d-yelhan s ussileγ-nsent (formation) yettwali dakk-n ay-a d ay-n yelhan ladγa imi ara ay mazal la nettsawal γef usselmed n tmaziγt deg yal aγerbaz (llakul) deg wakk timiwa n tmurt.
 
Asmi ara d-teffeγ tesmilt-a (promotion), nettsaram dakk-n ad yili weḥric seg yiγebazen imenza d yilemmasen n Tizi Wezzu ara yesεun iselmaden n tmaziγt. Γef leḥsab n yisalan nesεa, ula deg Ldzayer Tamaneγt tella tesmilt niḍen n yiselmaden ara d-yeffγen.
 
Yagi, aγerbaz-nni alemmas ay d-nebder iεedda seg-s, deg tgara n umekraḍ wis sin yiwen n uselmad amanun (stagiaire) yellan yeqqar deg Ben Aknoun (Ldzayer Tamaneγt). Tarbaεt n yiselmaden la yeqqaren dinna d wid ikecmen γer din akk-n kan d-uwyen lbak.
 
Taswiεt-a, aṭas n yiγerbazen ilemmasen ur yesεin ara iselmaden n tmaziγt. Yuγ lḥal, ssebba n way-a nettat d ccuruṭ ay d-yessers Weγlif (ministère) n usselmed akk-n ad yettwaqbel yiwen ad yeqdec d aselmad n tmaziγt. Aγlif la yettnadi imdanen yeγran leqdic-agi i wakk-n ad yili usselmed n tmaziγt igerrez, yettwabna γef llsas ijehden, maci d leqdic ur nettṛuḥu ara γer lbeεd.
 
Γef wakk-n nettwali, aseggas aγurbiz (scolaire) ara d-itteddun ad yili d win ay n wesmatu (généralisation) n tmaziγt, yernu s way-a kan ay tezmer ad teqqel s tidet d iles aγelnaw (langue nationale).
 
Sγur Amar Ouramdane
 
La Dépêche de Kabylie, 9 Yebrir 2007 (uṭṭun 1474)
 
Tasuqilt sγur Omar Mouffok
Ẓer daγen :

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37