Tiddukla Tadelsant Imedyazen

Lmed tamazight
Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

Lmed tamazight s tebr'atin

 
Timsirin ay tesselmad tiddukla d tid yerzan agerrez n tira yernu ttuwehhant i wid yettmeslayen tamazight (taqbaylit) maca ur gerrzen di tira-s wala ad tghuri-yines. Zik tella tiddukla tesselmad tamazight di tzeqqa, d acu kan, nebüel asselmed-agi imi ay d-ttnulfun waüas n wuguren seg wanect-a (lexs'as' n wemkan anda ara nesselmed, lbeâdan n wemkan, atg.), ma d asselmed s tebratin si zik ay yella u mazal-it d abrid yelhan i usselmed imeânen n tutlayt tamazight.
 
Akken ad d-yessiggez (ad d-yaru) wemdan iman-is gher temsirin n tmazight, ilaq ad agh-d-iheggi akaram (dossier) am wakka :
 
1- Aselkin n tlalit negh tawriqt n waddad agharim  (certificat de scolarité ou fiche d 'état civil)
 
2- Aselkin n ugherbaz negh aselkin n leqdic (certificat de scolarité ou certificat de travail)
 
3- Snat n tugniwin n tnettit (deux photos d'identités)
 
4- Tacer't n testurt n ussiggez n tiddukla (formulaire d'inscription), d win ay ilaqen ad t-d-tessutred' sghur-negh
 
5- Axelles' n wayen ara d-sqament temsirin, 750 DA (yidinar'en), s lmanda n CCP. Uüüun n umid'an (compte) n tiddukla d wagi :
  44523 85 Clé 08
 
Mi ara d-yessiggez wemdan iman-is gher temsirin-nnegh, ad as-d-nceggeâ s tebrat yettuwekklen (recommandé) adlis n temsirin akk d yilughma (Ilughma i Tira n Tmazight - Exercices pour l'Ecriture de tamazight), tasfift n tzuba (dictées) akk d tedlist n yed'risen  (textes) n tghuri. Ad kemmel digh ad as-nettazen i unelmad tikayadin (devoirs, interrogations) ghef yal tamsirt deg wedlis, d tikayadin i ghef ay ilaq ad d-iwajeb u ad tent-id-yerr i tiddukla akken ad tent-nesseghti. Sakkin, ad as-d-nernu takayad't nnid'en. Tikayadin-agi i deg llan waüas n yesteqsiyen akk d yilughma  sâant azal imi ay d agh-ttaddjant ad ned'fer tikli n unelmad deg welmad-yines am wakken ay ttaddjâunt digh anelmad ad yesselhu aswir-is (niveau) u ad yelmed aüas n tghawsiwin nnid'en, imi asseghti-nni ay d-ttaken yiselmaden-nnegh d win yettcur'en d assefhem, d ayen ara yernernin di tmusni n unelmad. Asmi ara ifak unelmad tikayadin-is (azal n 10 s ujemmal), ad as-d-nessiwel akken ad d-yas ad yesâeddi akayad-is (examen) aneggaru ghur-negh, sakkin, ma yewwi-t-id, ad as-nefk tagerdast (attestation) ara d-yesbegnen d akken yessen ad yaru u ad igher mlih' tamazight.
 
Inelmaden ay d-yewwin talemmast (moyenne) iâeddan i 16 ghef 20 zemren, ma bghan, ad ughalen d iselmaden n tmazight di tiddukla-nnegh, di lweqt i deg akk wid ara d-yawin akayad (s tlemmast n 10 ghef 20 d asawen) ad sâun azref akken ad ughalen d imaslad'en ikemlen di tiddukla.
 
Imi ay llan digh wat'as n medden ur nessin tamazight yernu ssuturen-d ad tt-lemden, tiddukla-nnegh attan tettheggi-d ahil (programme) d amaynut i lmend n waya. Ahil-agi ara ilaq ad yili yettcur' d ttfas'il yernu ad yesâu adlis n temsirin (tajerr'umt, idiwenniyen - dialogues, id'risen), tasfift i welmad n wenüaq akk d yiwen n umawal d amect'uh' i deg ara yilin wawalen yettuseqdacen aüas di tutlayt. D taghawsa ara d-iwejden sya ghef kra n wagguren.
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37