Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Urfan n yiselmaden n tmaziγt deg Bgayet

 

26 Ctembeṛ 2007

Asselmed n tmazight

 

Iselmaden n tmaziγt n twilayt n Bgayet la ttwalin aseggas-a amaynut n tγuri urd win ara d-yawin lxir. Tiddukla-nsen la tettxemmim belli aṭas seg yinemhalen (directeurs) n yiγerbazen (llakulat) banen, seg tura belli ur yelli deg nneyya-nsen ad gen kra akk-n ad snernin asselmed n tmaziγt.

 

Deg yiwet n tseγrut (déclaration) ay aγ-d-yettuceyyεen, tiddukla Tidmi la d-teqqar belli inemhalen (directeurs) n yiγerbazen ur la ttḍafaren ara leqwanen ay d-yessuffuγ weγlif (ministère) imi ay ”ẓran yagi ur ten-yettεaqab yiwen deg tegnit n menwala”. Seg yidis niḍen, Tamehla (Direction) n usselmed ar ass-a werεad d-tessuffeγ kra n teftart (document) ay deg ara d-tesban amek yessefk ad yettwabnu u ad yili usselmed n tmaziγt i sya ar sdat. Iselmaden la d-qqaren belli aγlif (ministère) ur d-yecliε ara yernu ur la ixeddem ara akk ay-n yessefken akk-n ad yaf yiles amaziγ iman-is.

 

Tiddukla tenna-d daγen ur ttunefken ara yimukan imaynuten i yiselmaden n tmaziγt deg Tubiret, wanag d wid yellan yagi qeddcen s ugatu (contrat) ay ssuffγen. Nnig way-a, γef leḥsab n tiddukla, ”assenqes deg yiselmaden ad iḥaz ula d Tizi Wezzu”.

 

Imi tagnit d ”tamerẓagut”, akk-n d-tenna tiddukla Tidmi, taneggarut-a tessedda-d isuttar-is deg teftart (document) ay d-tessuffeγ. Tidmi la tessuttur akk-n ad ttunefken yimukan n leqdic deg usselmed n tmaziγt i wakk wid ay d-yewwin turagt (licence) deg yiles amaziγ, yerna ad ttunefken yimukan n leqdic i yimaswaḍen (inspecteurs) imaynuten. Nnig way-a, Tidmi tḥettet akk-n ad d-gen tasudist (stratégie) ”ibanen yerna ad msefhamen fell-as akk yidisan” i lmend n wezraε n usselmed n tmaziγt deg wakk timiwa, yerna, leqwanen ara d-yessuffeγ weγlif (ministère), yessefk ad ttuqarεen wid ay terza temsalt ma yella xeddmen yes-sen neγ ala.

 

Sγur B.B.

Seg Dépêche de Kabylie, 26 Ctembeṛ, 2007, uṭṭun 1619

Tasuqilt sγur Omar MOUFFOK

Ẓer daγen :

 

 Sqerdcet amagrad-a deg wenmager-nneγ (forum)

 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37