Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Adeg i yiselmaden n tmaziγt

Akk-n kan εeddan wussan-nni n ussileγ (formation) n yiselmaden n tmaziγt deg Zeralda (d asselmed yeṭṭfen snat n ledwaṛ), iselmaden n tmaziγt fehmen d acu ay d azal ay yezmer ad t-yesεu "usselmed n usenfar" (pédagogie de projet) u bγan ad d-stenfεen seg tikli-a tamaynut. D ay-a ay yejjan Arab Aguini, yellan d aselmad n tmaziγt deg Tubiret, ad d-yebnu adeg (site) n http://asenfar.ifrance.com. Adeg-a iga-t uqbel ma yebda-d kra n usenfar (projet) akk d yiselmaden-ines yernu mazal-it la iqeddec fell-as. Aguini la yettsefray ad yerr adeg-ines d win ay deg ara zemren medden ad d-afen isalan γef wakk ay-n la iḍerrun deg wenrar n usselmed n tmaziγt.

Deg usebter n wermas (page d'accueil) n udeg, nezmer ad d-naf yiwen n weḍris s tefṛensist, isem-is "Ar melmi a Mass Aneγlaf ?". Aḍris-a la d-yettsawal γef usaḍuf-nni (lqanun) ay d-iga uneγlaf amezwaru (premier ministre) deg Magu 2005 ay deg d-yenna dakk-n iselmaden n tmaziγt ay yebdan leqdic deg 1995 ad sεun aẓayer (statut) am nitni, am yiselmaden niḍen n tmurt.

Asaḍuf-a (lqanun) (05-168 n wass n 7 Magu 2005) d win ay d-yeffγen "sdeffir n waṭas n temliliyin gar Weγlif (Ministère) n Usselmed Aγelnaw, Aseqqamu Unnig i Timmuzγa d tiddukliwin n yiselmaden n tmaziγt n Tubiret, Tizi Wezzu d Bgayet". Iselmaden mazal la ttṛajun melmi ara yettunefk lameṛ i yinemhalen (directeurs) n usselmed n twilayin-a akk-n ad bdun ad qeddcen s usaḍuf-a.

Yessefk, deg taggara, ad d-nger tamawt dakk-n Aguini la yettsefray ad yeg aṭas n tγemmar (rubriques) deg udeg-ines, d tid ara yeḥwijen ad tent-neccaṛ. Ihi, wid yebγan ad ttekkin deg wesnerni n udeg-a, γas ad bdun tira seg tura !

Sγur T.O.A.

Seg "La Dépêche de Kabylie", ass n lexmis 6 Yebrir, 2007

Tansa n udeg :

http://asenfar.ifrance.com

Tasuqilt : Omar Mouffok

Ẓer daγen :

Iselmaden n tmaziγt n Tubiret ad gen asunded n laẓ* (23 Tubeṛ 2007)

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37
 
Tararast taneggarut : 06 - 04 - 2007