Tiddukla Tadelsant Imedyazen

Leqdicat-nnegh

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

Seg uselmed n tmazight gher yid'ebsiyen uzmid'en

Leqdic n tiddukla tadelsant Imedyazen ass-a yezmer ad yili di yal taghawsa tadelsant i deg tella tira s tmazight acku, iswi n tiddukla d tiririt n ccan i usexdem n tutlayt tamazight ama di tmeslayt ama di tira. Tiddukla-nnegh telha-d s umata d :

-Aselmed n tira n tutlayt tamazight ama di tzeqqa (salle) negh s tebr'atin. (ugar n yisallen

-Asedjhed n tmussni n tutlayt tamazight : i lmend n waya, la nesselmad tasekla tamazight yal ddur't di tzeqqa. (ugar n yisallen)

-Alqad' n tgemmi tatlayt (patrimoine oral), ama d isefra, d inzan, d timucuha negh d ayen akk ay d-yegran d awal qqaren-t-id wat zik yernu la iteddu i wakken ad yenger, ad yettwattu. Ayen d-nleqqed' nessuffugh-it-id deg yedlisen (tiktabin) deg umazrar umi nsemma "Tizi n Tira". (ugar n yisallen)

-Asuffegh n yedlisen s tutlayt tamazight : gher tama n Tizi n Tira (i deg d-nessuffugh ayen ay d-nelqed' seg yimawen n yemgharen-nnegh), nessefray ad d-nessuffegh at'as n yedlisen n uselmed n tmazight (tarrayin, imawalen, atg.), am wakken llan kra deg-negh la ssefrayen ad d-arun ungalen negh ad d-lhun d tsuqilt (ast'erjem) n yedlisen yuran s tutlayin nnid'en gher tmazight. (Idlisen-nnegh)

-Asuffegh n Taftilt, tasghunt n tutlayt tamazight n tiddukla n Yimedyazen : mazal la d-nettheggi i wakken ad d-nerr tasghunt-agi s annar, u nessaram ad tt-id-nerr di tezwara n useggas n 2006, ma yebgha R'ebbi. Taftilt nebgha-tt ad tili d ttawil n usiwed' n yisallen s tutlayt tamazight i deg zemren Yimazighen ad qqaren isallen ghef kulci s tutlayt-nsen u nessaram dakken ad tili d yiwen si ttawilat ara sen-yessighen tanumi ad qqaren s tmazight. (Taftilt

-Asuffegh n yid'ebsiyen uzmid'en (CD) s tutlayt tamazight : tiddukla n Yimedyazen tessefray ad tesseqdec akk ttawilat yellan ass-a i lmend n uselh'u n tutlayt tamazight. D annect-a ay d agh-yeddjan ad nxemmem ad d-neg id'ebsiyen uzmid'en i lmend n uselmed n tutlayt ama s temsirin (leçons), ama s wurar. Dgha, aseggas-agi (2005) ay d-yeffegh yiwen ud'ebsi i deg tettekka tiddukla-nnegh di Fr'ansa, wagi d Urar n Yisekkilen ay d-iga Farid Khaled s tallalt n Mohand Imazaten. (ad'ebsi)

-Asefrek d trarast* n udeg web : (*mise à jour) adeg n internet n tiddukla tadelsant Imedyazen d win ay nebgha ad yili d amer'kanti, yernu amur ameqran deg-s ad yili s tmazight kan, imi d nettat ay d tutlayt i ghef tella tiddukla-nnegh, d nettat i ghef nqeddec, Imedyazen la qeddcen kan i wakken ad d-h'yun tutlayt-nnegh. Yal ddur't, ma yebgha R'ebbi, ad d-yettili umaynut deg yisebtar-nnegh. Tabrat n Yimedyazen, aghmis-nnegh adelsan n internet ad t-id-nerr s adeg-nnegh yernu wid-nni yellan h'emmlen ad t-ghren ad zemren ad ughalen ad t-qqaren yal ddur't. Daghen, wid ay d-irezzun s adeg-nnegh zemren ad d-ttafen deg-s isallen ghef wakk ayen nxeddem di tiddukla d wayen ay d-nessuffugh. Rzut-d ihi gher udeg-agi. Ans'uf yes-wen !   

-Isaragen d temzikniyin : tiddukla tadelsant Imedyazen la tessefray ad teg isaragen (conférences) d temzikniyin) deg useggas n 2006, ma yebgha R'ebbi. Seg wass n 24 n Nwember' d asawen, tiddukla-nnegh tughal ad tennejmaâ deg wammas (centre) adelsan n Taleb Abderrahmane, di Ain-Benian (tawilayt n Ldzayer), u nessaram ad nezmer, deg useggas-agi ara d-ikecmen, ad nessuddes kra temliliyin s wazal-nsent i lmend n uqeddem n leqdic n tiddukla-nnegh i medden d wesnerni n tutlayt tamazight.

D aya i yes d-telha tutlayt-nnegh s umata, yernu yessefk ad tez'rem dakken tiddukla tadelsant Imedyazen d tarbaât yexd'an tasertit, tqeddec ghef yedles u ghef yedles kan, s uqader n yimenzayen (principes) n widak ay yettekkan deg-s, imenzayen n leqder d wazalen n twacult taqbaylit, tazayrit, tamazight. Tarbaât-agi tebgha ad d-tawi tikli zeddigen, ad teddu deg webrid aqeâdan u ad tefk akk lweqt-is d lmedjhud-is i lmend n lebni n wayen inefâen d wayen ara idumen i tmazight. Wid yebghan ad ttekkin di tiddukla s timmad-is yessefk ad qadren imenzayen-nnegh, yernu tiddukla ur tqebbel ara ad ttekkin deg-s negh ad tecrek ssuq akk d widak ara tt-yeskerkren s ayen ixulfen imenzayen-is

 
Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37