Make your own free website on Tripod.com

Tiddukla Tadelsant Imedyazen

Utt'un 13
Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | EspaŮol | FranÁais | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

Tiddukla Tadelsant Imedyazen
BP 129, Poste Didouche Mourad, 16006, Alger, Algťrie
imedyazen89@yahoo.fr

Tabrat n Yimedyazen

Taghmist n Tiddukla - Utt'un 13
(ddur't n 23 gher 29 Ghuct 2003)

Zik neqqar win yebghan tamazight, ad yissin tira-s
Ass-a neqqar win yebghan tamazight, ad tt-yaru

Tigejdit :

Azul fell-awen ay atmaten d teysetmatin

At'as n medden, d lfer'h' ay ferr'h'en mi ara slen d akken teffegh-d tghawsa s tmazight. Hata yeffegh-d wedlis amaynut, hata yeffegh-d useghz'an (logiciel) amaynut s tmazight negh hata nexdem-d unughen iteddun (dessins animťs) s tutlayt-nnegh ... at'as n leqdicat igerrzen ay nexdem i lmend n ussider n tutlayt-nnegh, nesseqdec deg-sen ttawil yelhan akk d tmussni ifazen, xas akken, llan kra n yemdanen, anect-a ur d asen-yettcur' tit', yernu dima qqaren-as : "lemmer di t-xdimen s tefr'ensist negh s ta‚r'abt ay axir". Di tegnit n zz'mik i deg tettidir tmazight ass-a, ur ilaq ara ad ncuhh' fell-as. S kra n win izemren, lemmer d lebghi ad yexdem, akken yu‚a, akken yessen, i wakken ad yesnerni tutlayt-nnegh. S kra ay nes‚a d ttawil, s kra n tmussni izaden ay nes‚a ger n yifassen-nnegh, tewwi-d ad tt-nesseqdec akken ad nenfe‚ yis-s tutlayt-a yellan d tagujilt yernu deg yir tagnit. Tamazight n wass-a teh'wadj-anegh yernu skud wer‚ad d-lhin yid-s "yimeqqranen ay terza temsalt", ayen i d as-nexdem d-yettban ara, am tiqit n waman di lebh'er', ihi meqqar ilaq ad nexdem akken ad d-yili cwit'. Ma d medden yugin tikli gher sdat, ttwalin deg wid yettaken si lweqt-nsen, yettaken si tezmert-nsen akk d tedrimt-sen akken ad ‚iwnen tamazight d wid itelfen di le‚qul-nsen negh d wid id'a‚en, d wid umi ye‚req ccghel. Imdanen am wigi ferr'h'en s wakk ayen yettwaxdamen s tutlayin nnid'en, ttawd'en alamma ay ttzuxxun s wayen ur nelli nsen, d acu kan, mi ara d-teh'der' d tamazight umi ara nexdem akken xeddmen wiyad' i tutlayin-nsen, imdanen-agi wehhmen, qqaren-as "amek akka ?", amzun tamazight ur tutklal ad tes‚u ula d cwit' n wayen s‚ant tiyad'. Maca fih'el amennugh akk d wem‚ewrar (polťmique) akk d yamdanen am wigi, wanag s leqdic kan ara ten-nernu, yis-s ara ten-nessusem, ad d-nerr yis-s kra deg-sen s abrid, ma d wiyad' awer d-ughalen si tidderghelt n wallaghen-nsen. Ass-a, aql-agh nettwali, nes‚a  ilmez'yen d telmez'yin, irgazen d tilawin, arrac akk d tullas akk d yemgharen d temgharin ay iqeddcen negh ay yebghan ad qedcen i tmazight, d wid yebghan ad d-fken seg wul akken ad ‚iwnen tutlayt-nsen. Atni zer‚en di yal amkan, maca yal yiwen si tama-s, yal yiwen di te‚cuct-is iqeddec, yettnadi, yettxemmim ghef wamek ara yenfe‚ tutlayt n lejdud. Yernu at'as deg-sen ur tt‚uzzun tazmert, wala tamussni-nsen ghef tmazight, yernu d ayen ara yefk wab‚ad' i tefr'ensist negh taglizit ara fken wigi i yiwet n tutlayt ur nelli ula deg ugherbaz. D acu kan, tutlayt-agi ‚zizet, imi d nettat ay d agh-d-issekren, d taqburt ... d tamghart ... imi yiwen ur s-d-icfi melmi ay d-tlul, d tamud'int, tugh-itent di tezmert-is, imi maci akken llant akk tutlayin n wass-a ay tella nettat. D acu kan, ur ilaq ara ad nettu wi gh-ilan, nekni d Imazighen yernu ghur-negh nekni, maci d amer'kanti, d bab n tezmert negh d bab n cci umi nrennu, tabe‚ neqqar-it deg wanzi : "Ad ternu te‚wint i lebh'er'", wanag nekni d win yellan d amghar, d win yellan d amud'in, d winna ay ye‚zizen fell-anegh, yernu d winna ay nett‚awan deg wexxam, nettagh-as-d uttci akk d yisufar yelhan, nett‚awan-it, nettabdad-as i lmendad akken ad yeqqim gar-anegh. Ihi tamazight tuklal ad d-nessuffegh yis-s idlisen ifazen, tuklal ad d-neg yis-s id'ebsiyen ussiden (CD-Roms), tuklal ad d-nessuffegh yis-s isura (films) akk d wunughen iteddun, yernu tuklal ayen yugaren aya. Wid yerban ifassen-nsen ass-a, ur xeddmen acemma i tmazight xas zemren ad tt-nef‚en yernu kkaten deg wid ixeddmen fell-as, maci ala kan d afus ay fkan ghef tutlayt-nsen, wanag rnan-as ula d leh'sed. Ma d tamazight, anfet-as kan ad tkemmel abrid-is, ma ulac d acu ay d-rnan wigi, ur yettili wacu ara d as-kksen. Tutlayt-nnegh ad tali s lmezga n R'ebbi, wanag icenga-yines (i‚dawen-is), ama d wid yellan sufella-nnegh negh d wid nerra s ddaw-atnegh, ur ttazmaren ad tt-d'urren deg wacemma. 

IMEDYAZEN
 

 
TIBRATIN-NWEN
 
Mhamed Alilouche, si Merr'uk :
 
Azul ay aytma Imazighen, ar ken-snimmergh bezzaf xef tebrat-nnun acku tghuda tessfreh'-i at'as . Imkilli tennam iqqen ad nessawal d ar nterra s tmazight afad ad tt-nissan d nemyaret (s'habituer), imkilli inna Mass Katib YASIN : "parler une langue c'est assumer une culture" [win yessawalen kra n tutlayt am win yeddmen idles-is]. Iqqen ad nasi awal-nnegh s afella ad ilkem [ad yawed'] winna urta ilkim d ar seqsagh : mad iran ad issawel xef tmazight bla Imazighen ? ur inni awd yan ... (...).
                       
Tiritit : Azul fell-ak a gma-tnegh ‚zizen, awal tennid'-t-id, ur nezmir ad nerfed tutlayt-nnegh, ad tasi s afella, ma yella ur tt-nettaru ara negh bitt, ula d awal ur tt-nessawal. Dgha, akken ad nasi tutlayt am ta, aql-agh di tegnit is'e‚ben. Tutlayt teh'wadj at'as n leqdic, wid ara iqedcen ulac. D acu kan, nefr'eh' imi ay nufa atmaten di Merr'uk, qeddcen akken ilaq ghef tutlayt-nnegh ama deg wennar, ama di internet, yernu tewwi-d ad nem‚iwen akken ma nella afad ad nesnerni tamazight-nnegh. S uddukel n yighallen ara ifsusent t‚ekmin u ad d-rsent tsawnin. Aghmis-nnegh yeggar tighri i watmaten-nnegh Imazighen n yal tama, n yal tamurt akken ad agh-d-ttarun s tmazight yernu tewwi-d ad z'ren merr'a d akken aghmis-a, Tabrat n Yimedyazen, d aghmis-nsen ula d nitni, ur yelli n Leqbayel kan, ur yelli n Yimazighen kan n Ldzayer, wanag d aghmis yessawalen i Yimazighen merr'a n Tefriqt n Ugafa, n Tmazgha. Dgha, neqqar ans'uf i tebratin-nwen, ladgha tid yuran s yiles amazigh, yernu nettnadi ghef wid d tid ay izemren ad d-ttekkin di tirawt (rťdaction) n weghmis-nnegh, ad agh-d-aznen imagraden (articles) negh s kra n tghawsa yuran s yiles-nnegh ara d-nessers deg yisebtar (pages) n Tebrat n Yimedyazen. Nessefray d akken aghmis-nnegh ad zemren ad t-qqaren akk watmaten-nnegh izedghen di tmiwa akk d tmura nnid'en, nessaram ad d-yawed' wass i deg ur yettiw‚ir' ara ghef Umazigh n Libya ad yefhem Amazigh n Merr'uk, ghef wanect-a ara nqeddec deg weghmis-nnegh akken ad nesnerni tamazight u ad tt-nerr teddukel akken nezmer, afad ad ilin wat'as n wid ara tt-ifehhmen syad d tasawent. I lmend n waya, nenced-iken (inviter) ula d kenwi akken ad d-tettekkim. Ans'uf s tebratin-nwen, ans'uf s tughac-nwen.  
Tanemmirt.
Sghur Tiddukla tadelsant Imedyazen.
 

 
Taluksemburgit negh tutlayt di Luxembourg
 
[Aqeddem : Luxembourg d yiwet n tmurt tamect'uh't ay d-yuzgan ger tlisa, ger yiberdan. Sufella d Biljik ay tt-id-ilessen, swadda d Fr'ansa, ma seg wegmud' (ccerq) d Lalman. Akal-agi amect'uh' ay d-iweh'len ger n "yimeqqranen", xas ur yewwid' ara wezgen n umelyun n medden ay t-izedghen, ass-a nefren ad awen-d-nawi fell-as awal, acku tikwal, at'as ara d-nelmed si tghawsiwin timect'ah'. Nagh yeqqar-as wanzi ghur-negh "Izem yeh'wadj s agherda". Luxembourg, d tamurt i ghef ur nsel ara at'as n tghawsiwin, d acu kan, aghlan-agi (nation) amect'uh' yes‚a tutlayt-is i yiman-is, d tin umi qqaren taluksemburgit, ur telli d tantala (dialecte) n tefr'ensist wala d talgha tadigant (forme locale) n talmanit, wanag d tutlayt i yiman-is, d tin ay d iles anes'li n yimezdaghen n tmurt-agi yernu yis-s ay ttidiren di tudert-nsen n yal ass. D ayen ibanen ma nenna-yawen-d d akken imezdaghen n Luxembourg, Iluksemburgiyen, d agdud yes‚an nnif ghef wazalen-is (valeurs), ghef tnettit-is (identitť) akk d tutlayt-is. Dgha xas ma yella idles afr'ensis yedjhed, yeffegh i tlisa n Fr'ansa alammi ay yewwed' ass-a s idurar n Djer'djer' akk d tmura n Tefriqt, xas ma yella tutlayt talmanit tewwed' gher tt'erf n wemd'al, anda ma nedda nezmer ad naf wid yettmeslayen yis-s negh ay tt-ilemmden, di Luxembourg, ayen yellan d aberr'ani iban, ma d ayen yellan n tmurt d netta ay yes‚an azal meqqren, ur t-rrin di rrif am wiyad', wanag refden-t d asawen akken ad yagar akk ayen d-ikecmen si berr'a. Di Luxembourg, yal taghawsa tes‚a amkan-is, yal yiwen yes‚a ccghel-is. Iberr'aniyen keccmen-d ssbeh' ad qedcen, tameddit, yal yiwen ad yughal s axxam-is negh gher tmurt-is, ma d tutlayin tiberr'aniyin ay d-ikecmen gher Luxembourg akken kecment gher tmura nnid'en, sseqdacen-tent Yiluksemburgiyen di les'lah'-nsen, rran-tent d taklatin-nsen deg wexxam-nsen, yal yiwet fkan-as ccghel-is, d acu kan, mi ara d-tawed' tizi n tidet, mi ara terzu temsalt asselh'u n tghawsiwin n tmurt, asselmed n yigerdan akk d usseqdec n tutlayt di tudert-nsen, Iluksemburgiyen d tin-nsen kan ay sseqdacen, xas ssnen mlih' tafr'ensist akk d talmanit. Tutlayt taluksemburgit ay yellan d yiwet si tutlayin tighelnawin timect'ah' akk deg wemd'al, yerfed-itt unabad' (gouvernement) aluksemburgi d asawen akken ad tili d tutlayt tamens'abt (officielle) tamenzut di tmurt, yugh lh'al, tamurt-agi tamect'uh't, tez'ra d akken imi ay d tamect'uh't, ldjiran-is zemren ad as-ughalen d icenga-yines, zemren ad tt-ttcen s tefses. Ghef wanect-a ay terra tutlayt-is, xas akken d tamect'uh't d tutlayt n tmurt yernu d yiwen seg yizumal meqqren n tfernant (patrie) taluksemburgit. Anect-a yesskan-d tikkelt nnid'en d akken tutlayt ur telli d awal kan, wanag d tigejdit meqqren di tnettit (identitť) n tmura akk d yegduden. D acu kan, nnig waya, tutlayt taluksemburgit yerfed-itt ula d agdud-is deg wul-is, imi ay yuki d akken d nettat ay d tar'wih't n tmurt-is, dgha yefka-yas tamkant ‚layen, xas ad naf at'as n Yiluksemburgiyen iqeddcen s tefr'ensist negh qqaren aghmis-nsen s talmanit, iles ay sseqdacen wagar-asen ur d asen-ye‚riq ara, zzux-nsen d tutlayt-nsen, wer‚ad ur lmiden ara ad zuxxen s wayen ur nelli nsen. Afud igerrzen].
 
Robert Bruch, yiwen seg wid d-igan amawal n tluksemburgit
Di Luxembourg, imdanen ttmeslayen yernu ttarun at'as n tutlayin ghef tikkelt yernu deg yiwet kan n tmurt. Dgha ad naf d akken din ismawen n yizenqan akk d th'una uran s tefr'ensist, yernu d tutlayt-a digh ay yettuseqdacen s wat'as di tektuyin n yinig (billets de voyage), deg usiggez deg yisensa (inscription dans les hotels) akk d yisefraen (menus). D acu kan, kra n yismawen n yizenqan akk d yemd'iqen ttarun-ten digh ula s tutlayt taluksemburgit, tin umi qqaren LŽtzebuergesch di tmurt-a. Ma d ighmisen n Luxembourg, amur meqqren deg-sen d talmanit ay sseqdacen xas ma yella teddun-d deg-sen kra n yimagraden (articles) idelsanen akk d yidellilen d tullghiwin (annonces) s tefr'ensist. Ula di tmura nnid'en n wemd'al, medden ttmeslayen at'as n tutlayin, d acu kan, tutlayin-a, yal yiwet deg-sent tes‚a tama-yines, ala kan tid yettuseqdacen di tmurt merr'a. Wanag di Luxembourg, tutlayin mbabbent ta ghef ta, amzun yal yiwet deg-sent tekka-d s nnig tayed', anda ma nedda nettaf-itent ssnen-tent akk medden yernu ttuseqdacent di yal akud. D acu kan, tagnit yemcubbaken am ta yella wamek ay nezmer ad tt-id-nessefhem.  
 
Iluksemburgiyen, akken yebghu yili wemkan-nsen di tmetti (sociťtť), ala kan yiwet n tutlayt ay sseqdacen mi ara ttmeslayen wagar-asen : d taluksemburgit. D tagi ay d tutlayt-nsen timserreh't n yal ass yernu d nettat ay d azamul n tnettit taghelnawt (identitť nationale) di Luxembourg. Xas ma yella taluksemburgit tefruri-d si tutlayt tajirmanit di lqern wis 4 n Sidna Aisa (germanique, d tutlayt taqburt n Lalman i seg ay d-tefruri ula d talmanit), tutlayt n Luxembourg tughal isker ay temgerrad (temxallaf) ghef tutlayt-nni tajaddiwt ay tt-id-yefkan, alammi ay tughal ass-a, at'as n Walmaniyen ur fessus ara fell-asen ad tt-fehmen ma yella slan-as. Win yettmeslayen talmanit yezmer ad ye‚qel awal-a negh awal-adi, negh yezmer ad yefhem amek tebna kra n tefyirt (phrase) s tluksemburgit -akken ay yezmer Walmani n kra n tama "ad yefhem" tantala (dialecte) talmanit n kra n tama nnid'en- d acu kan, tikwal win yettmeslayen talmanit tikwal iwehh'el-d d kra n wawalen akk d tefyirin ur nelli d tijirmaniyin yernu sseqdacen-tent di tluksemburgit, dgha d anect-nni ay sen-yesse‚raqen ad fehmen tutlayt-a akken ilaq lh'al, ala kan ma lemden-tt si swadda.
 
Taliksemburgit sselmaden-tt ama i yigerdan deg yigherbazen, ama i yiberr'aniyen ay izedghen di tmurt n Luxembourg. D acu kan, xas ma yella taluksemburgit tessifsis-as (tessishil) mlih' tudert i wemdan yettidiren di tmurt-a yernu tenfe‚-it, tutlayt-a ur tes‚i idles d anesbaghur (amer'kanti) akken t-s‚ant tutlayin idjehden nnid'en am tefr'ensist akk d talmanit. Mi ara ttmeslayen sin n yemdanen s tluksemburgit zemren ad tt-sellken yis-s deg wat'as n tghawsiwin n tudert n yal ass, d acu kan, akken kan ara yawed' wawal-nsen gher temsal timedwanin (abstraites) negh gher wayen yerzan afrayen ilqayanen (sentiments profonds), tettawed' tluksemburgit gher tlisa-yines, dgha wid yettmeslayen yis-s tettara-ten
tmara ad d-red'len awalen si tutlayin nnid'en.
 
D lexs'as'-agi digh i deg txuss' tluksemburgit deg wawalen yerzan kra n yinurar ay yeddjan Iluksemburgiyen ad sseqdacen tutlayin tiberr'aniyin, tafr'ensist akk d talmanit, di teywalin-nsen (communications) yuran. D acu kan, ach'al d abrid ay ‚erd'en Yiluksemburgiyen ad rren taluksemburgit d tutlayt yuran. Di 1914, aneghlaf n welmud (ministre de l'ťducation) Nicolas Welter iga-d taghdirawt (orthographe) tamenzut i lmend n usselmed n tira n tluksemburgit deg yigherbazen n tmurt. Anect-a yella-d sin n yiseggasen mbe‚d ma tekcem tluksemburgit i tikkelt tamenzut s agherbaz n Luxembourg, asmi ay d-tesbedd tmurt-agi Asad'uf-yines (lqanun) n Welmud di 1912. Anagraw-agi (systŤme) n tira werdjin yughal d amens'ab (officiel) xas ma yella tella-d tsuta (ldjil) n yinelmaden iluksemburgiyen ay t-ilemden, ughen yid-s tanumi. Asmi ay yekker Wemgaru Amad'lan (Guerre mondiale) wis sin, s tira-ya ay ughalent trebba‚ n wezbu (rťsistance) n Luxebourg yettnaghen mgal n Lalman, ssuffughent-d tiwriqin n yisallen ay ferrqen ghef medden, sakin, d tira-ya ay yughal yesseqdac-itt weghmis aluksemburgi, D'Un'ion,  ay yellan iteffegh-d di tallit-nni n wemgaru, yernu ikemmel tlata n yiseggasen mbe‚d n 1945, iteffegh-d ala kan s tluksemburgit. D acu kan, ughalen Yiluksemburgiyen h'ulfan d akken tira-ya tes‚a at'as n wuguren, ur fessus ara ad ttarun dima yis-s, dgha d talmanit tizeght (standard) ay rran d tutlayt-nsen n tira. Ger waya d wayen nnid'en, aneghlaf n welmud n Luxembourg n yimir-n, Nicolas Margue, ikellef Jean Feltes ay yellan d amsisli (phonťticien), akken ad d-yesnulfu taghdirawt tamaynut i tluksemburgit, d tin ara yifen tin ay d-yesnulfa Welter azal n 30 n yiseggasen uqbel. D acu kan, taghdirawt n Margue, tin umi isemma "LŽzebuurjer Ortografi", tella-d d tin yemgerraden s wat'as ghef teghdirawt talmanit, alammi ay tughal talmanit ur tezmir ad tili d tutlayt ara i‚iwnen iluksemburgiyen akken ad arun tutlayt-nsen.
 
Dgha xas ma yella yeddem-itt udabu aluksemburgi yernu yerra-tt d taghdirawt tamens'abt deg yiwen n weghtas (arrÍtť) n 5 Yunyu 1946, taghdirawt-a werdjin tezri‚ deg yigherbazen, xas ma yella anabad' yis-s ay yella yessuffugh-d idlisen n ugherbaz. Di 1950, ttukellfen tlata yemdanen, Joseph Tockert, Helene Palgen akk d Robert Bruch, akken ad d-heggin amawal amaynut n tutlayt taluksemburgit. Dgha, taghawsa tamenzut akk ay ssefran ad tt-gen nettat d asnulfu n yiwet n teghdirawt tamaynut ara ilin fessuset ugar n tin n Feltes, yernu ad tili teqreb ugar gher tin n talmanit. D Bruch ay d-yelhan d temsalt-agi n tira, yernu d taghdirawt ay d-yessebded netta ay yettusqedcen deg yeh'ricen merr'a n umawal n tluksemburgit, Luxemburger Worterbuch, seg wasmi ay yebda a d-iteffegh di 1950 alammi d asmi ay t-fuken di 1978. Asmi ay yemmut Bruch deg yiwet n twaghit n webrid di 1959, d Henri Rinnen ay d-yelhan d leqdic n ussuffegh n umawal n tluksemburgit, yernu yughal d yiwen seg yimaslad'en (membres) imeqqranen n terba‚t n Actioun LŽtzerbuergesch u yeqdec akken ara yerr taghdirawt n umawal-nni d taghdirawt tamens'abt ara tesseqdac tmurt merr'a. Di 1976, yessawed' Rinnen gher lebghi-yines, imi ay yeddja unabad' aluksemburgi taghdirawt n Feltes s wudem amens'ab u terra-d deg wemkan-is tin yettuseqdacen deg umawal amaynut n tluksemburgit. Dgha seg yimir-n ay tughal terba‚t n Actioun LŽtzebuergesch tqeddec mlih' akken ad tesselh'u taghdirawt tamens'abt tamaynut ama s tsufight-is (publication) umi qqaren "Eis Sprooch" negh anda akk tezmer ad teg aya. Seg wasmi ay d-tga Luxembourg asad'uf amaynut n tutlayt, di 1984 [ay yerran taluksemburgit d tutlayt taghelnawt], tennerna teghdirawt n Bruch yernu s kra yellan d igalisen (panneaux), d inazalen (affiches) negh d ayen nnid'en yuran s tluksemburgit ilaq ad yaru s teghdirawt-agi tamens'abt. Ma yella ur tt-ssinen ara yinawaren (fonctionnaires), yella wanda ara tt-lemden akken ad ughalen ad tt-sseqdacen, yernu yiwen ur yettazmar ad yaru negh ladgha, ad d-yessuffegh taghawsa yuran s tluksemburgit ma yura-tt s teghdirawt taqburt negh s tin ay yebgha netta, wanag tura ala kan d taghdirawt tamens'abt ay yettwaqbalen, xas ma yella kra n Yiluksemburgiyen ur ten-ye‚djib ara tegnit-agi i deg ara ttuh'asaben ghef tuccd'iwin n tira ay tgen di tutlayt-nsen.
 
D acu kan, nezmer ad nger tamawt seg citt'-agi n umezruy ay d-nebder ghef tluksemburgit d akken xas ma yella anabad' n Luxembourg yesnulfa-d taghdirawt tamens'abt i tmurt-is yernu xas ma yella imesnilsiyen (linguistes) ssawd'en ad sbe‚den talmanit ghef tluksemburgit, Iluksemburgiyen n menwala mazal smenyafayen ad sqedcen talmanit -imi ay tettemcabi at'as gher tutlayt-nsen- yernu wid yettwalin iman-nsen d tadghert n waggagen (ťlite intellectuelle) mazal smenyafayen ad sseqdacen tafr'ensist di tira imi ay tedjhed deg wat'as n yinurar yernu  tes‚a ansay (tradition) meqqren di tira akk d tsekla. Anect-a id'erru-d yal tikkelt i deg ara h'widjen Yiluksemburgiyen ad mmeslayen ghef tghawsa yeffghen ghef tudert n yal ass, d tighawsiwin i deg ur tezmir tluksemburgit i yiman-is. Dgha di tegnatin-agi n tmara, tid n tira, tafr'ensist sseqdacen-tt yal tikkelt i deg zemren, ma d talmanit sseqdacen-tt yal tikkelt i deg yettuh'ettem lh'al, ladgha mi ara yih'widj unabad' ad yemmeslay negh ad yessiwed' kra i yimezdaghen n tmurt ur nes‚i ara aswir (niveau) meqqren n leqraya. Ur d-neqsid ara s wanect-a d akken wid yettmeslayen talmanit di Luxembourg ur ghrin ara mlih', d acu kan, at'as seg wid ay d-yekkren di Luxembourg di tallit-nni n wemgaru negh akken kan yefra ur ghrin ara s tefr'ensist imi ala kan d talmanit ay ddjan ad tili d tutlayt n usselmed di tallit n wemgaru, yernu deg yiseggasen ay d-id'efren, imi ay d-telha Luxembourg d u‚iwed n lebni n tmurt, ur s-yettunefk ara wazal meqqren i temsalt n usselmed n tutlayin tiberr'aniyin deg yigherbazen n tmurt, d imi igerdan akk n tallit-nni ughalen d talmanit i deg ay z'ewren at'as, maci d tafr'ensist.  
 
Dgha di Luxembourg, xas ma yella d taksemburgit ay d tutlayt taghelnawt, d tafr'ensist ay d tutlayt tamens'abt n udabu. Dgha s tefr'ensist ay d-ssuffughen tiftarin n wemni (documents du parlement), isenfaren n yisud'af (projets de lois), iz'maz'en (procŤs) n ccre‚ akk d s kra yellan d asad'uf yeqqnen gher tedbelt (administration) negh taghdemt (justice). D acu kan, ayen i ghef ttemcawar'en lh'ekkam deg wemni, xas ma yella s tluksemburgit akk d tefr'ensist ay ttmeslayen fell-as, agzul-is (rťsumť) s talmanit ay t-id-ssuffughen, yernu ferrqen-t ghef twaculin merr'a ay izedghen di Luxembourg [akken ad z'ren ayen ay d-yeffghen d amaynut deg unabad']. Inawen (dicours) isertiyen ama d wid ay d-yettilin di temliliyin ger n yisertayen (politiciens) negh d wid i deg ara yemmeslay wab‚ad' i lghaci, s tluksemburgit kan ay d-ttilin. D acu kan, ttilin kra n yed'risen ay d-yessuffugh unabad' aluksemburgi s wat'as n tutlayin ladgha di kra n tegnatin i deg ara yebghu ad yessiwed' isallen i yemdanen merr'a n tmurt, akken yebghu yili wemkan-nsen di tmetti. Ghef umedya, asmi ay d-tessebded Luxembourg yiwen n usad'uf yerzan lekra yernu tughal a txeddem yis-s, tessuffegh-d id'risen n usad'uf-nni s xemsa n tutlayin deg weghmis, yal tutlayt tett'ef asebter i yiman-is (taluksemburgit, tafr'ensist, talmanit, tapur'tugalit akk d tespenyulit). Snat-agi n tutlayin tineggura, tapur'tugalit akk d tespenyulit, sseddan-tent-id imi ay llan wat'as n yiminigen si Portugal akk d Spenyul ay yettidiren yernu qeddcen di Luxembourg (azal n 36% seg yimazdaghen n tmurt), am wakken digh 48 % seg yiqeddacen n Luxembourg d wid yes‚an affagh (passeport) aberr'ani.
 
D amezruy n tmurt-agi, d tadamsa-s akk d lebghi n yimezdaghen-is akken ad s‚un tutlayt-nsen i yiman-nsen, akken ur ten-ssebla‚en ara wiyad' s tutlayin-nsen, ay yessawd'en Luxembourg ad tili di tegnit tawh'idt am ta.  Xas ma yella att'uqqet n tutlayin di Luxembourg yegla-d s taz'eyt deg uselmed deg yigherbazen, ilaq ad d-nini digh d akken inelmaden n Luxembourg is'ah'-iten-id ad lemden at'as n tutlayin yernu s wayagi, ad issinen at'as n yidelsan nnid'en, d ayen ur ufin ara yinelmaden n wat'as n tmura nnid'en.
 
Ahil (programme) n usselmed deg ugherbaz amenzu n Luxembourg d win ay d-yettilin s talmanit, d acu kan, akken kan ara awad'en yigerdan s aseggas wis sin, ad bdun ad lemmden tutlayt tafr'ensist. Sakin, skud tt‚eddin yiseggasen, skud irennu wazal n tefr'ensist deg uselmed, ladgha di tesnawiyin (lycťes), dgha akka ay tettkemmil alamma tewwed' tefr'ensist ad tawi amkan n talmanit deg yiseggasen ineggura n welmad. Imir-n, tettughal talmanit d tutlayt kan n usselmed kra n tghawisiwin tusligin (spťciales) negh n tsekla talmanit. Taneglizit digh ula d nettat d tutlayt tahucalt (obligatoire) yes‚an azal meqqren deg uselmed n tesnawit yernu inelmaden iferrnen ad ghren tutlayin ssextaren ma yella ad d-rnun talatinit negh tagrigit taqburt s almud-nsen. 
 
S wanect-a ara nwali d akken aggag (intellectuel) aluksembugi d win ay imalen ladgha s azalen idelsanen (valeurs culturelles) ifr'ensisen, imi tuget seg yinelmaden iluksemburgiyen yettfakan tizrawin-nsen (leqraya) n llsas ttr'uh'un ama gher tesdawiyin tifr'ensisin, negh gher tid yellan di Biljik, ma d wid yettr'uh'un gher tesdawiyin talmaniyin ttasen-d deg wemkan wis tlata. Ayen yerran tadghert (ťlite) taluksemburgit d tin iqerben gher yedles afr'ensis netta d ansay-nsen (tradition) aqbur, imi si zik ay ughen abrid n usselmed n tefr'ensist akk d welmad di tesdawiyin n tutlayt tafr'ensist, maca tettekka-tt digh leh'mala ay h'emmlen Yiluksemburgiyen idles afr'ensis akk d wahil n usselmed ay yettd'afar ugherbaz aluksemburgi : at'as n medden di Luxembourg ay yeqqaren idlisen akk d tsufighin (publications) yuran s tefr'ensist yernu amur meqqren si teywalin (communications) yuran s tefr'ensist ay urant. Tt'aqa akk di tsufighin n waggagen n Luxembourg urant si tt'erf alamma d tt'erf s tefr'ensist, yernu s tutlayt-a ay d-teffghent ula d tisghunin (revues) tidelsanin akk d tid n yelmez'yen. D acu kan, ula d tamussni n talmanit akk d uz'ar ay tecrek tneggarut-a akk d tluksemburgit d ayen ay d-yernan timmer'kantit i yedles aluksemburgi yernu yerra tamurt-a d tawh'idt deg wemd'al, ur telli tmurt ay tt-icuban deg wanect-a.
 
S waya, tettghimi-d Luxembourg d yiwet n tmurt yeldin mlih' ghef yidelsan iberr'aniyen, ladgha imi ay tella d tamurt tamect'iuh't (tes‚a kan 2586 km2) yernu ula d imezdaghen-is ur tt'uqqten ara (ala kan 399.239 n yemdanen), dgha ulamek ay d-yennulfa deg-s yedles aghelnaw amer'kanti yernu yes‚an aswir (niveau) ‚layen akken ay d-yennulfa di tmura ay tt-yugaren.
 
Annefsusi ay nnefsusin Yiluksemburgiyen sdat n yiberr'aniyen akk d weqbal ay qeblen idelsan iberr'aniyen d ayen ay ten-yeddjan ur ttilin ara d imdanen ay ighelqen ghef yiman-nsen, wanag addjudjeg ay yeddjudjeg yedles di Luxembourg akk d wazal yes‚a d ayen yessewhamen akk medden. Di tallit n umezgun (thť‚tre)  ttasent-d gher Luxembourg trebba‚ timeqqrenin akk n umezgun n Fr'ansa, n Lalman negh n Biljik. Tizeghwin n usarug (salles de cinťma) mechur'en akk di tmurt-a sskanent-d akk isura imaynuten ay d-iteffghen deg wemd'al yernu s tutlayin-nsen tines'liyin. Yernu tama i deg d-tuzga Luxembourg d tin ay yeddjan Iluksemburgiyen zemren ad d-tt'fen tiregwa (chaÓnes) n rr'adyu akk d tilibizyu ama d tid Fr'ansa, negh d tid n Lalman negh n Biljik, mebla ma nettu tiregwa tighalnawin tiluksemburgiyin. Tilibizyu n ugensa (tťlťvision satellite) mechur'et at'as di Luxembourg yernu din ay tes‚a tkebbanit n ASTRA taghsart-is (station).
Asseqdec n tutlayin timeqqranin n tgherma di Luxembourg d ayen ay d-yeglan s lfayda tameqqrant, d acu kan, anect-a yegla-d digh s wuguren. Imi ur tes‚i ara Luxembourg idles idjehden yernu d aqbur s tutlayt taluksemburgit, amaru yettarun s tutlayt-a yettaf-d iman-is amzun ur yezmir ara ad d-yesnulfu ayen ara ilin yines negh ara d-yesseknen ayen yettxemmim s tidet s yisem-is d amaru aluksemburgi.
 
Yugh lh'al, anect-a yezmer ad d-yessken d akken ala kan d tutlayt tayemmat, tin i yes yettmeslay yernu yettxemmim wemdan, d tin kan ay izemren ad tili d allal (instrument) n wesnulfu di tsekla. D acu kan, xas ma yella taluksemburgit d tutlayt ay ixuss'en deg wawalen ma neqren-itt gher tutlayin nnid'en, imura iluksemburgiyen snulfuyen-d yis-s, ladgha di tmedyazt tanaftayt (poťsie sentimentale) akk d umezgun aghelnaw, d acu kan, tuget di tsekla-yagi d tin n wawal, maci d tin yuran. Imura iluksemburgiyen yettarun s talmanit sseqdacen yiwet n tutlayt ay iqerben gher tutlayt-sen tayemmat yernu medden akk ughen yid-s tanumi. Talmanit ay yettuseqdacen di tsekla taluksemburgit qlil kan sandi ay tettawed' s aswir n tsekla talmanit ifazen, d acu kan, awalen n tutlayt taluksemburgit ay ssekcamen yimura iluksemburgiyen deg yiqeddicen-nsen n talmanit ttaken-as lbenna nnid'en i tsekla-yagi yernu ttaddjan-tt ad tili d tasekla zeddigen, d tin n wesnulfu. D anect-a ay yeddjan Iluksemburgiyen yettarun tasekla s tefr'ensist ur se‚‚un ara azal meqqren, imi deg wennar-agi n tsekla, tafr'ensist ttawlin-tt d tutlayt kan taberr'anit yettwalmaden deg wakal n tutlayt tajirmanit. Dgha qlil kan sanda ay yettawed' umaru aluksemburgi yesseqdacen tutlayt tafr'ensist ad d-yesnulfu taghawsa ara ilin d taluksemburgit, wanag tuget deg-sen ur ttawd'en ara s aswir n wesnulfu alamma kan ughalen ffghen ghef Luxembourg deg wayen d-ttarun, yernu ddmen idles afr'ensis akken yella. Nnig waya, Iluksemburgiyen smenyafen ad ghren tasekla tafr'ensist ay d-iteffghen di Paris wala ad ghren tin ara d asen-d-yaru umaru n tmurt-nsen. Win yettarun tasekla s tefr'ensist di Luxembourg, ma ir'uh' gher meb‚id, ad yessiwed' kan s aswir n ufernan (critique) yelhan negh n win yettarun tismed'ranin (essais) negh d amaru yettarun ghef tussna.
 
Anda ma nedda deg wemd'al, ad naf d akken tilisa n tutlayin yew‚er' ad tent-id-nh'udd. Dgha ula d taluksemburgit maci ala kan sdaxel n tlisa n Luxembourg ay tt-ttmeslayen wanag llan wat'as n medden ay tt-yettmeslayen ula di tmiwa ay d-yezzin ghef tmurt-agi. Tutlayt "taplattit" ay ttmeslayen di Lorraine, di Fr'ansa, d tutlayt icuban mlih' taluksemburgit am wakken tcuba tintalyin n talmanit ta‚layant talemmast [Rhinefrankisch, Moselfrankisch]. Yernu llan digh wat'as seg yimezdaghen n yiwet n tama n Biljik ay iqerben gher Luxembourg, tin umi qqaren "Areler Land", ttmeslayen deg-s taluksemburgit, xas akken tenned'-asen-d tefr'ensist si yal tama ... Yugh lh'al, timiwa-yagi ay d-yennd'en ghef Luxembourg yernu sseqdacen deg-sent taluksemburgit, idles afr'ensis akk d yedles almani s‚an deg-sent digh lmizan-nsen, xas ma yella tazrirt-nsen (influence) tettemgerrad si tama gher tayed', d acu kan, nezmer s tidet ad d-nini d akken Luxembourg akk d tmiwa ay d-yezzin fell-as d amkan i deg ay d-mlalen yernu mmijwadjen yidelsan afr'ensis akk d walmani.
 
Sghur n Serge Moes
Tasuqilt sghur n Omar MOUFFOK
I tmerniwt n yisallen, tzemrem ad terzum ghef wassaghen-agi :
D amd'iq ay d-yettaken at'as n yisallen ghef tmurt n Luxembourg, imd'iqen-is akk d yimezdaghen.

http://www.eis-sprooch.lu/
D amd'iq ay d-yettmeslayen ghef tghawsiwin akk yeqqnen gher tutlayt taluksemburgit.
 
http://www.igd-leo.lu/igd-leo/linguistics/baleine/igdbaleine.html
Llan deg-s kra n yimagraden ghef tutlayt taluksemburgit akk d tegnit i deg tettili di Luxembourg.
 

 
Tutlayt taluksemburgit s yezwilen*
*chiffres
 
Tutlayt taluksemburgit d nettat ay d tutlayt taghelnawt n Luxembourg seg wass n 24 Fur'ar' 1984, yernu ttmeslayen-tt di tmiwa merr'a n tmurt-agi tamect'uh't am wakken ay tt-ttmeslayen di tmiwa n Fr'ansa akk d Biljik ay iqerben gher Luxembourg.
 
Ach'al ay tt-yettmeslayen ?
 
Di Luxembourg, tutlayt-a d nettat ay ttmeslayen qrib akk imezdaghen n tmurt, dgha tes‚a din azal n 290.000 n yemsiwlen (locuteurs). D acu kan, llan digh di Luxembourg wazal n 110.000 n yiberr'aniyen ay izedghen yernu qeddcen di tmurt-a yernu yal ass keccmen-d wazal n 65.000 n yemdanen nnid'en si Fr'ansa akk d Biljik akken ad qedcen di Luxembourg yernu tuget meqqren deg-sen ur ttmeslayen taluksemburgit, ur tt-fehhmen, d acu kan, anabad' n Luxembourg yesselmad tutlayt-a ama i yimeqqranen ay izedghen di tmurt-a negh i warraw n wigi asmi ara kecmen s agherbaz aghelnaw. Di Fr'ansa, anda ay ttmeslayen taluksemburgit di tmiwa n Thionville akk d Diddenuewen, di Lorraine, xas ma yella ulac addun (recensement) ghef wach'al ay tt-yettmeslayen ad ilin wazal n 30 negh n 40.000 n yemdanen ay tt-yesseqdacen di tmiwa-ya. Ma di Biljik, anda ay ttmeslayen taluksemburgit di tama n Arlon negh Areler Land, ad ilin wazal n 25.000 n yemdanen ay tt-yessnen.

Tagnit n tluksemburgit deg yisud'af (leqwanin) :
 
Di Luxembourg, xas ma yella taluksemburgit tes‚a amkan n tutlayt taghelnawt, anabad' n Luxembourg d tafr'ensist kan ay yesseqdac di tira n yisud'af (leqwanin), d acu kan, anect-a ur d as-yekkis ara i tluksemburgit ad tettuseqdac deg yinurar merr'a yerzan tadbelt (administration) akk d teghdemt (justice), yernu iqeddacen ay iqeddcen deg yinurar-agi tewwi-d fell-asen merr'a ad issinen ad ghren u ad arun u ad mmeslayen taluksemburgit. Ma di Biljik, yessebded-d Useqqamu n Tmetti Tafr'ensiswalt n Biljik (Conseil de la Communautť Francophone) yiwen n usad'uf di 1990 i lmend n weh'raz akk d wesnerni n tutlayin tiz'iyanin (rťgionales), dgha seg yimir-n ay d-sbedden Aseqqamu n Tutlayin Tiz'iyanin akken ad d-yelhu d wuguren merr'a yeqqnen gher tutlayin-a, yernu taluksemburgit d yiwet si tutlayin i yes d-yelha useqqamu-yagi. Ma di Fr'ansa, ulac akk d acu n uz'ayer (statut) ay tes‚a tutlayt taluksemburgit.
 
Asselmed-ines :
 
Di Luxembourg, d taluksemburgit ay d tutlayt n usselmed deg yelmaten n yigerdan (jardins d'enfants), ma deg ugherbaz amenzu, xas ma yella ah'ric meqqren seg uselmed yettili-d s talmanit, ttilint digh kra n tnegwa (matiŤres) ay sselmanden s tluksemburgit. Di tesnawit (lycťe), ih'ebbes welmad n tluksemburgit yernu tutlayt-a tettuseqdac kan di kra n temsirin tisensanin (cours pratiques). Ma di tesdawit, taluksemburgit ur tettuselmad, ur tettuseqdac d tutlayt n usselmed, ala kan deg wannanen (stages) n wid ara yughalen d iselmaden deg yelmaten n yigerdan negh deg yigherbazen imenza negh digh wid yeqqaren ghef tsekla taluksemburgit. Yugh lh'al, taluksemburgit sselmaden-tt digh i yimeqqranen, ama i yiqeddacen iberr'aniyen akk d i yiminigen negh i yiqeddacen iluskemburgiyen ay ixuss'en di tutlayt-a. Di tmurt n Biljik, tutlayt tamens'abt n usselmed d tafr'ensist, d acu kan, at'as seg wid yettmeslayen taluksemburgit di tmurt-a a yessuturen ad tekcem tutlayt-nsen s agherbaz, yernu deg yiwen n welma n yigerdan n tama-ya, atni a tta‚rad'en yiwen n wahil (programme) n usselmed s tutlayt taluksemburgit. At'as n yimeqqranen ibiljikiyen ara yettnadin digh ad lemden taluksemburgit, ladgha wid ara iqeddcen di Luxembourg, d acu kan, asselmed-nsen yettemlili-d uguren imi tikwal d iselmaden ay d-ilehhun yid-sen d wid ur nez'wir ara at'as di tluksemburgit. Ma di Fr'ansa, tutlayt taluksemburgit qrib tghab akk seg wahilen n usselmed n tmiwa i deg ay tt-ttmeslayen. Tutlayt-a sselmaden-tt kan deg yiwen n ugherbaz alemmas yernu s tin kan n tarmit (expťrimentalement), yernu imd'ebbren n yigherbazen n tmiwa-ya fkan ugar n wazal i uselmed n talmanit. D acu kan, simmal ara ttnernin yimeqqranen ara ilemmden taluksemburgit ula di Fr'ansa, imi at'as deg wigi d wid digh ay ixeddmen di Luxembourg (azal n 31.000 n yemdanen di 1997).
 
Taluksemburgit deg yimediaten* :
 
*mťdias
 
Di Luxembourg, tella yiwet n terga taghelnawt, RTL Letzebuerg, tettmeslay ala kan s tluksemburgit, tesskan-d ahilen yemgerraden (ir'upur't'ajen, tisgilin, isallen, atg.) yernu tes‚a tasghent (ddur') s wazal-is deg wesnerni n tutlayt taluksemburgit ama di tmurt-a, ama berr'a i tlisa, imi ay nezmer ad naf tagra-yagi ula deg ugensa (satellite). Llant digh tregwa n rr'adyu ay yettmeslayen s kra ara yekk wass s tluksemburgit. Xas ma yella amur meqqren seg yeghmisen s talmanit ay d-iteffegh yernu ulac ighmisen n tluksemburgit ay d-iteffghen yal ass negh yal ddur't, ighmisen n tutlayt talmanit akk d tefr'ensist sseddayen-d imagraden s tluksemburgit. D acu kan, llant digh kra n tesghunin ay d-iteffghen ala kan s tluksemburgit yernu sya gher da ad d-yeffegh digh wedlis amaynut s tutlayt-a.
 
Taluksemburgit d tutlayt mect'uh'en s wat'as ger n tutlayin ay s-d-yezzin, d acu kan, tessawed' ad d-tekkes amkan-is di tdamsa (ťconomie) imi ass-a, at'as n yiberr'aniyen ara tt-ilemmden, yernu attan a tneddjer' abrid-is cwit', cwit' akken ula d nettat ad tughal d tutlayt n yedles, am tutlayin nnid'en.
Sghur Omar MOUFFOK
I tmerniwt n yisallen, rzut ghef wemd'iq-agi :
 
 

 
Win yeslan ad yini i wiyad'
 

 
Arut-agh-d, gret-d tamawin-nwen, neqqar l‚eslama i s kra n tebrat ara d agh-d-yawd'en sghur-wen. 
 
Tiddukla Tadelsant Imedyazen
BP 129, Poste Didouche Mourad
16006, Alger, Algťrie
 

 
<<< Qqel γer Ụṭ̣̣ṭ̣un 12                                            Ddu γer Ụṭ̣̣ṭ̣un 14 >>>
 

 
 

 
 
Qqel d asawen

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algťrie
Tel. (+213) (0) 64 77 07 37