Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Espa˝ol | Franšais | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
"Ijjigen n tidi" d tudert n yiminigen

tifinagh.jpg
 
Melmi kan ay d-yessuffeγ Mohamed Akunad ungal-ines (roman) wis sin s tmaziγt, d win umi isemma "Ijjigen n tidi".

Ungal-ines (roman) amezwaru, "Tawargit d imik" d win iεejben aṭas n medden yernu qrib ad t-id-yerr Lahcen Nachef γer tefṛensist. Ma d wungal-ines wis sin, Akunad yettsawal-aγ-d γef yiwen n wemdan d Amaziγ, am wakk Imaziγen. Γas ma yella yunag γer Fṛansa d ameẓyan, deg tlemmast n yiseggasen n settin, maca yegguma ad yettu tamurt-ines d yizuran-is.

Asmi ay d-yekker, aqcic-a ur t-ye
ḥsib yiwen deg taddart-is yernu yexdem d ameksa γer yiwen n umeṛkanti yesεan lmal, dγa wagi yessukk fell-as lbaṭel. Maca γas kkant akk fell-as tigi deg tmurt, asmi ay yekka kra n yiseggasen deg Fṛansa, yeqqel-d alama ay d akal-is.

Ungal-a (roman) yura-t-id bab-is am wedlis n ccfawat, d win ay deg aqcic-nni ay
γef d-iḥekku yettmektay-d asmi tudert-ines n wegrud neγ n unubi (adolescent), d tudert ay yekka deg lḥif, d tudert ay deg yettwaṛem seg waṭas n tγawsiwin. Asmi ay d-yeqqel seg lγerba, aqcic-nni yessuli axxam s "ugerruj-nni ay d-yejmeε" asmi yella iqeddec deg lminat n Nord. Meqqar yessaweḍ ad yessali axxam u yesεa lḥeqq ma yefṛeḥ s wanect-a. Ihi yeqqel yettḍilli-d seg nnig n useqqif n wexxam-is, u yettsawal i yiman-is, itteg amunulug ay deg d-yesmektay, itteqqel γer deffir, iḥekku i yiman-is γef wamek ay tella tudert deg taddart, amek yesεedda temẓi-s, alama ay d asmi ay t-yessekcem Moura akk-n ad yexdem deg lmina, am netta, am waṭas seg tezzyiwin-is, dγa yettkemmil iḥekku-d γef lḥif akk ay yekka deg tmurt n lγ erba.

Ungal-a (roman) iwe
ṣ̣ṣ̣ef-d s udeqqeq amek yettxemmim yiminig d wamek ttbeddilen medden, amek ttbeddilent leεwayed-nsen d lεeqleyya-nsen deg lγerba. Ameskar (auteur) yura-aγ-d γef tγawsiwin-a iṣ̣eεben, maca imelleḥ ungal-ines s ciṭ n uqeṣer d taḍsa, d ay-n ay yejjan adlis-a ad yiẓid i tγuri. D ungal yuklalen ad t-teγrem u ad tweṣ̣ṣ̣im wiyaḍ ad t-γren.

Taγbalut : Albayane (Meṛuk)
Yettwaddem-d seg  
: http://www.tamazight.biz/article741.html
 
Tasuqilt sγur Omar MOUFFOK
 
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - AlgÚrie
Tel. 064 77 07 37