Make your own free website on Tripod.com

Tiddukla Tadelsant Imedyazen

Utt'un 9
Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | EspaŮol | FranÁais | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

Tiddukla Tadelsant Imedyazen
BP 129, Poste Didouche Mourad, 16006, Alger, Algťrie
imedyazen89@yahoo.fr

Tabrat n Yimedyazen

Taghmist n Tiddukla - Utt'un 9
(ddur't n 26 Yulyu gher 1 Ghuct 2003)

Zik neqqar win yebghan tamazight, ad yissin tira-s
Ass-a neqqar win yebghan tamazight, ad tt-yaru

Tigejdit :

Azul fell-awen ay atmaten d teysetmatin

Ass-a lemmer ad d-nessiwel tidet ghef wamek xeddmen kra seg wid yeqqaren i yiman-nsen d Imazighen i tmazight, ad d-yewwet wedfel di ss'mayem, ad d-meddjden lejdud-nnegh seg yiz'ekwan-nsen, d acu kan, akka ay d ddunit, yewwed'-d wass i deg ara yenker' Umazigh las'el-is u ad yughal ad yettihi s wayen i s-d-ddjan lejdud. Xas ma yella ass-a nettwali deg wid ijebbden s tuffra iman-nsen ghef tmazight, mi gh-walan, ad rren iman-nsen h'emmlen-tt, mi neb‚ed fell-asen, ad tt-ttun, llan wiyad' d ta‚inanit kan ay ker'hen tutlayt-nnegh, kkaten-d deg-s s ledjher', ur ttseth'in, ur ttnefd'ah'en. D acu n timmuzgha i s-d-yeqqimen ihi i win ara d ak-yinin "nekk d amazigh maca ula ay xedmegh s tmazight ma lemdegh-tt, smenyafegh ad lemdegh kan tutlayin tiberr'aniyin acku yis-sent kan ara ttcegh aghrum". D acu n timmuzgha ay d-yeqqimen i tyemmat yessnen taqbaylit, yettidiren di Fr'ansa, ara d-yinin d akken "nekk ttmeslayegh-asen i warraw-iw deg wexxam ala kan s tefr'ensist d teglizit akken asmi ara kecmen s agherbaz, ad ilin ssnen-tent yagi". Tugh, nekni di rr'ay-nnegh, imdanen-agi d imcumen yernu ulac imcumen ay ten-yugaren. D acu yexs'er wemdan ma yexdem citt' n tghawsa is'elh'en di ddunit-is ? Ad yemmeslay tutlayt-is. D acu ay yexs'er wemdan ma yexdem lwadjeb-is di ddunit-is ? Ad asen-yesselmed tutlayt-nsen i warraw-is akken ur ten-yettara ara d iberr'aniyen ghef yedles-nsen yernu asmi ara imghuren ad d-afen iman-nsen ger n yiberdan, ur ssinen las'el-nsen wala tinettit-nsen. ‚ni tenza-yasen tixxubta akk d wenkar' n las'el i yemdanen n zzman-agi ? Ass-a, asmi ay wwd'ent akk tutlayin gher tallit i deg ara d asent-d-yegri liser, yewwed'-d wakud i deg tamazight teh'wadj-iken yernu teh'wadj yal yiwen seg-wen. Ghef wanect-a, xas akka nettwali deg yiman-nnegh nett'uqet, nekni s Yimazighen, maca yal tikkelt i deg ara d agh-ir'uh' yiwen, yettghad' lh'al mlih', yernu nekni ttrun wulawe! n-nnegh. Ass-a, mi akka ara nettnadi ad d-nessider tinettit-nnegh (identitť), amek nebgha ad d-tidir mebla tutlayt ? Ghef wanect-a ay ilaq ad nili seg wid yuklalen ad semmin i yiman-nsen d Imazighen, dgha awfan ma nbedder-d lejdud yecban Masensen, Yugurten negh Utumert, ilaq ad as-nessiwed' tameddit i wawal u ad nemmeslay tutlayt-nsen. I lmend n waya, yal yiwen deg-negh ilaq ad iz'er d akken yes‚a tamasayt (responsabilitť) yernu terza-t temsalt. I yellan fell-as ala kan "ad yefk ddh'is" i yiles-is, ad yesseqdac tamazight yal tikkelt i deg ara ya‚u, yernu ad yefk lwe‚d i yiman-is akken ad tt-yesselmed i warraw-is. Neghmulac, ma mazal gar-anegh wid yettwalin d akken tamazight d isem kan, d taghennant kan negh d tin n zzux, ur nettr'uh'u ara gher meb‚id. Win d-yes‚an mmi-s, isemma-yas "Mazigh" yili netta yeddja tamazight yernu ur tt-id-igir di lbal-is ad as-tt-yesselmed i mmi-s-nni, fih'el ma yeh'seb iman-is d Amazigh imi timmer'kantit n timmuzgha ur teh'bis ara ! deg yisem kan. Mmi-s-nni ara d-yekkren ur yessin ula d awal si tutlayt-is, ad yaki d yiman-is d akken zi  ghmana maci d isem-nni "umazigh" ara t-yerren d Amazigh dgha s tidet, wanag at'as ay txuss' timmuzgha-nni-yines. Tugh asmi ay d-ilul, baba-s yefka-yas kan "lqaleb ilem", wanag ur s-yerni ara ayen akken ara yettcar'en lqaleb-nni. Ihi tamazight maci d isem, xas akken aql-agh di tallit n twaghit i deg ara ttmettaten yizmawen u a d-ttlalen kan yismawen.

Imedyazen  


 
TIBRATIN-NWEN

Mass Hamdis Cherif, Aselway n Tiddukla Tadelsant n IMAZIGHEN.
Bruxelles, Biljik.
A
zul fell-awen merr'a dinna di tmurt. Tanemmirt-nwen i yal yiwen deg yiqeddacen n tmazight n Tiddukla Tadelsant Imedyazen ghef snat tebratin i d agh-d-tuznem gher Beljiq. Nekni si zik akka nugh tanumi nattaru kan s tutlayt tafr'ensist, acimi ? D tutlayt-agi i nessen cwit' d syes-s i nettnagh ghef wayen ye‚nan tamazight di Bruqsel [Bruxelles]. Gar-anegh nessawal tikwal s tmazight (taqbaylit), lame‚na d tidet at'as i neste‚gaz akken a nemmeslay s taqbaylit. Yal tikkelt mi nuqqa, ad njelleb gher tfr'ensist, dgha d ayen ad neddu gher sdat. Nekk s yiman-iw ach'al n tebratin deg yal ass n lh'ed (am wass-a) i ttarugh gher tmurt i yimeddukal n tiddukla-nnegh s tfr'ensist. Ihi tikli-nwen [ghef tmazight] di Internet telha, ula d nekni sya d asawen a nared' akken am Imazighen merr'a di ddunit [ad] awen-naru s tutlayt-nnegh, a! ma d kenwi negh d wiyad' xas nxuss' at'as deg wanect-a, surfet-iyi, xers'um [ad] [asen]-d-nerr tiririt i wid i agh-d-yuran s tmazight.
(...)

Tiririt : (...) Tabrat-nwen tella-d si tid ay d agh-yesfer'h'en mlih', ladgha imi ay tura s tmazight, ladgha imi ay d agh-d-tesseknem d akken tfehmem izen (message) ay nebgha ad t-nes‚eddi i medden, ladgha imi ay d agh-tr'eggmem ad agh-t‚iwnem. Tanemmirt-nwen u ad aken-is'ehh'i R'ebbi. Tamazight arut-tt kan, ayen i ken-ixuss'en aql-agh da, ma yebgha R'ebbi. Deg wayen yerzan lexs'as' ay txuss' tmazight deg wawalen, aql-agh la nessefray ad asen-nefk i yimeghriyen-nnegh (lecteurs) s kra n wayen ara h'widjen akken ad issinen tamazight tatrart u ad s‚un ayen ara ten-yeddjen ad ttarun tamazight akken d-tewwi. Nessefray ad d-nessedday id'risen yesseqdacen tutlayt d tamer'kantit, nessefray ad d-nessedday imawalen n tmazight tatrart deg yinurar yemxall! afen n tudert, nessefray, di tgara, ad d-nessedday timsirin n tmazight s tutlayt yemgerraden. Anect-a akk deg weghmis-agi-nnegh amect'uh' ara nettazen di internet.
(...). Tanemmirt. Imedyazen.


Ddunit terra-tt tmara ad tettmeslay kan taglizit ?

Sghur n Roland J.-L. Breto*

[Aqeddem: ass-a, yett'uqet wawal ghef tutlayt taglizit ayen ara yettnernin di yal annar, di yal amd'iq di ddunit, yernu at'as i d as-yeqqaren d akken tughal d nettat ay d tutlayt tagraghlant n tmura merr'a u d nettat ara yughalen d tutlayt n yemdanen n merr'a n ddunit s wazekka. Llan wid yettwalin anect-a d tanneflit (dťveloppement), dgh ghur-sen win ilemden taglizit atan iga ah'urif gher sdat akken ad yidir tudert n l‚ali, tin i deg ara yaf iman-is di zzman-agi i deg qrib kulci ilehh'u s tutlayt-a. Ma d wiyad', yernu tt'uqten at'as, tecgheb-iten temsalt n wezra‚ n teglizit di ddunit yernu a tta‚rad'en ad xedmen akk ayen umi zemren akken ad tt-h'ebsen. Yugh lh'al, imi ay tt'uqtent tutlayin akk d yegduden di ddunit, ulac ughilif ma tella-d tutlayt n wemsefham (lingua franca) ara yessifessen taywalt (communication) ger medden, maca ma yella tutlayt-a tteddu akken ad asent-tekkes am! kan-nsent i tutlayin nnid'en di tmura-nsent, anect-a ur yettwaqbal ara. D anect-a ay yeddjan tutlayin timeqqranin n ddunit ad bdunt, yal yiwet si tama-s, ad d-snejma‚ent ighallen-nsent akken ad beddent deg wudem n teglizit-agi ur d-newwi ara ala kan tutlayt, wanag tezre‚ di ddunit ula d idles n wid-n akken ay tt-yettmeslayen. D acu kan, xas ma yella tutlayin yes‚an amkan (akken yebghu yili-t) di ddunit-a s‚ant tazmert i yes ara qablent tafnat (adversaire) meqqren akka am teglizit, d acu ara d-nini ghef tutlayin timect'ah', tutlayin n tdersiyin (minoritťs) ur nufi amkan ula di tmura-nsent. D tid-nni ay ttun akk medden, xas tt'uqtent, ur tt'uqten ara wid ay tent-yettmeslayen yernu qqiment kan d tigujilin di rrif. Dgha di lweqt i deg kra n tutlayin s‚ant akk ttawil h'wadjent akken ad nnaghent mgal n tmattant-nsent, tiyad' ur ufint ara ula d citt' n tegnit akken ad d-init "aql-agh da". Tugh, ddunit-a, akken s-qqaren wat zik ghur-negh, tt-yeqd'i‚ yiwen, ma d nettat ur ter'dji win! ye‚yan. Afud igerrzen].  

Imdanen n ddunit zemren ad qqlen kra n wass ad ssawalen akk taglizit ? Ass-a, azgen seg yemdanen n wemd'al (ddunit) ay yettmeslayen yiwet si tutlayin timeqqranin n ddunit menghir taglizit, yernu ma sduklen yimawlan n tutlayin-a ighallen-nsen akken ad qablen tazrirt (influence) n teglizit, s tefses ara ssiwd'en ad qenn‚en tuddsiwin (organisations) tigraghlanin akken ad fkent s‚unt azal ula i
tutlayin-nsen deg wayen yerzan asselh'u n tghawsiwin n wemd'al.

Di 1919, asmi ay mlalent tmura n Yemsisan (Alliťs) akk d Lalman akken ad gent amtawa (traitť) n Versailles, yecred'-d uselway amarikani Woodrow Wilson d akken amtawa-nni ad yaru s teglizit akk d tefr'ensit. Seg yimir-n ay d-th'ettem teglizit *iman-is ghef tesnassaght (diplomatie), yernu cwit', cwit', tughal digh d nettat ay d tutlayt tagraghlant di tdamsa (ťconomie), deg uselghu (mťdias) akk d wayen nnid'en. Bitt ass-a, tutlayt-a attan ! a tteddu akken ad tett'ef amunupul n teywalin (communication) di ddunit merr'a. 

D ayen ibanen d akken di ts'ebh'it n lqern wis 21, tasertit n ussemd'el (mondialisation) ara yettazzalen deg wayen yerzan tadamsa tesnerna azal n teglizit deg wembaddal n wawal ger n tmura akk d yegduden. Dgha simmal ara ttnernin yemdanen ay terra tmara ad sseqdacen taglizit deg wemkan n tutlayin-nsen i lmend n teywalt, yernu at'as deg-sen ur d-necli‚ ara seg wanect-a : yugh lh'al anect-a atan a iteddu akken ad yesdukel ddunit u ad yerr at'as n medden zemren ad mselghun (communiquer) wagar-asen srid, s usseqdec n yiwet kan n tutlayt i yes ara ttemsefhamen merr'a. Ma nwala lumur' am wakka, azra‚ n teglizit d ayen ara yeddjen amd'al ad yennerni mebla ma yesseqdec ttawil akk d yedrimen meqqren deg wayen yerzan assuqel (traduction) am wakken ara yifsus wembaddel adelsan (ťchanges culturels) ger n yegduden akk d tmura, yernu qqaren-d d akken wid izerr‚en tutlayt taglizit deg wemd'al maci d tutlayin tiserwin (autochtones) ay bghan ad tent-snegren, wanag sseqdacen kan tutlayt-a d allal (instrument) akken ad ldin tiwwura i yemdanen akken ad snernin iman-nsen. Yezmer lh'al ad ilint tghawsiwin akka. Yugh lh'al, annerni n wemdan di ddunit-a yeqqen gher tezmert-is akken ad yesseqdec tutlayt/tutlayin ara t-inef‚en ugar di tudert-is, d acu kan, mi ara tt‚eddint tsutyin (ledjyal), tutlayt yes‚an ccan [tin n weghrum, ghef umedya] trennu akk tiyad' yernu tneqq-itent.

Tamnukda (impťrialisme) tadelsant d ayen ur d-nettban ara akken d-tettban temnukda n tdamsa, am wakken digh taneggarut-agi ur s-tthu'lfun ara medden akken i s-tth'ulfun i temnukda tasertit negh taserdasit (militaire) ay d-igellun s lbat'el ibanen ay zemren ad t-walin akk ledjnas. D acu kan, ur is'ehh'a ara ma nenna-d d akken aghmar (domination) n teglizit di ddun! it d timura taneglusaksiyin (anglo-saxonnes) idjehden ay t-yebghan, ay s-yessulin leh'sabat yernu beddent deffir-s di lweqt i deg timura-ya attan a tettnerni tezmer-nsent di tsertit n ddunit yernu tikebbaniyin-nsent kecment gher ssuq agraghlan. "Amgaru (guerre) n tutlayin" qlil kan i deg ay s-h'ulfan medden yernu werdjin yelli win ay d-mmeslayen fell-as, ay t-id-ikecfen.

Xas ma yella nezmer ad ngher u ad d-nekcef s tefses leh'sabat n tmura timeqqranin deg wayen yerzan tighawsiwin tiserdasiyin (militaires), tasnassaght (diplomatie), tasertit negh tadamsa, leh'sabat-nsent deg wayen yerzan tutlayt d ayen ara d agh-d-ibanen yeffer, ulac awal fell-as, amzun d taghawsa ur nelli. Ma yella ayen jerr'bent tmura timeqqranin di lqern-agi i‚eddan yeddja-tent ad sneqsent si th'eqranit-nni ay h'eqrent tutlayin timect'ah', yesselmed-asent wanect-a amek ara beddent deg wudem n tutlayt ay izemren ad d-th'ettem iman! -is ghef ddunit merr'a ?

Mbe‚d ma dduklent tmura yettmeslayen ta‚r'abt di 1945 akken ad d-sbeddent Tamghunt Ta‚r'abt (Ligue Arabe) i deg ttekkant ass-a 22 n tmura ay yes‚an 250 n yimelyunen n yimezdaghen, timura ay yettmeslayen tutlayt tafr'ensist sbeddent-d ula d nitenti tuddsa (organisation) i lmend n lem‚awna deg yinurar n tutlayt, n tdamsa akk d tsertit, d tin umi qqaren Tuddsa tagraghlant n tefr'unkufunit yernu ttekkant deg-s (am tuddsa n Commonwealth) ugar n 50 n tmura ay d-yesduklen ugar n 500 n yimelyunen n yimezdaghen. Si 1991 ara d-ttilint digh temliliyin tigraghlanin ara d-yesnejma‚en 8 n trebba‚ yettmeslayen tahulandit di ddunit (azal n 40 n yimelyunen n yemdanen), am wakken ara d-ttilint yal sin n yiseggasen tqucac i deg d-ttemlilint tmura yettmeslayen taspenyulit deg wugar n 20 yid-sent, d tid ay yesduklen azal n 350 n yimelyunen n yimezdaghen. Si 1992 ara d-ttilint digh yal sin n yisegga! sen tiqucac n tutlayt tat'erkit ara d-yesnejma‚en setta n tmura timzirag (indťpendants) n Tur'uft ak k d Asya, i deg ttidiren 120 n yimelyunen n yimezdaghen akk d kra n yegduden mect'uh'en, yernu si 1996 ara d-tettnejma‚ Tiddukla n tmura n tutlayt tapur'tugalit seb‚a n tmura i deg ttidiren 200 n yimelyunen n medden.

"Assenger n tutlayt" negh timenghiwt n yedles n yegduden :

Maca, xas akka yal yiwet si tutlayin timeqqranin n ddunit a tettnagh si tama-s akken ad teh'rez amkan-is di ddunit, yezmer waya ad iqam akken ad yeh'bes addukel-agi ay yezmer ad t-yeddukel yedles s wazekka s ddaw n tecd'ad't n tutlayt taglizit ? Yella ccek d akken ur ssawad'ent ara ad gent aya, ladgha ma nez'ra d akken ur ye‚dil ara wamek tettuseqdac yal yiwet si tutlayin-a di ddunit. Lemmer ad d-nejme‚ imdanen merr'a yettmeslayen ‚ecr'a-nni n tutlayin timeqqranin akk deg wemd'al, ad ten-naf wwd'en gher tlata n yimelyar'en n yemdanen -negh azgen n wanect yellan d lghaci di ddunit-, d ayen yugaren s wat'as anect yettmeslayen taglizit (imezdaghen n tmura n Commonwealth akk d Yiwunak Yedduklen -USA) ay yes‚an sin yimelyar'en. Dgha ma ssawd'en wid yettmeslayen tutlayin-a ad d'efren tasertit yedduklen i lmend n weh'raz n tutlayin-nsen, ad ssiwd'en ad tent-id-h'ettmen s tefses ghef tsuda (institutions) tigraghlanin ara tent-izer‚en merr'a di ddunit. 

D acu kan, tamsalt n yimal (futur) n tutlayin ur terzi ara kan tutlayin timeqqranin yeddan mlih' deg wemd'al, wanag ula d tawinest-nni (centaine) n tutlayin timens'abin (officielles) i yes sset‚er'fent ddewlat akk d tmura yes‚an kra n leh'kem, terza-tent temsalt am tutlayin n Yiwunak (Etats) n Lhend akk d tid n tdersiyin minoritťs) n Rusya [imi di tmurt-a, yal Awanek negh yal agdud yes‚a tutlayt-is tamens'abt]. Imi ay ssawd'ent tutlayin-agi ad d-h'ellint amkan ay s‚ant ass-a, ttalasent digh ad nnaghent akken ad asent-d-yeqqim yernu ur ighelli ara ccan-nsent. Ma s ddaw n tutlayin-a, llan digh yigiman (milliers) n tutlayin tiserwin (autochtones), tid umi qqaren digh tutlayin timeddursa (minoritaires), tutlayin n trebba‚ negh tutlayin n yegduden. Yugh lh'al, amur meqqren deg-sent deg umihi (danger) ay yella yernu llan 3! 00 n yimelyunen n medden ay tent-yettmeslayen di ddunit.

Nnger n tutlayin timect'ah' yezmer dgha ad d-yedr'u ? Ih, acku win yebghan ad inegh kra n tutlayt ad yesselmed tayed' deg wemkan-is. Tawinest-nni n tutlayin tighelnawin yellan deg wemd'al rrant tutlayin-nni timect'ah', ur qqaren ara deg ugherbaz, d tutlayin ay ttmeslayen kan deg wexxam negh d tid yes‚an kan amkan deg ufuleklur', dgha d anect-a ay tent-yessawd'en ad sr'uh'ent amkan-nsent deg wayen akk ay izemren ad tent-yeddj ad s‚unt ccan deg yedles. 

"Timenghiwt n tutlayin" negh assenger-nsent, ama s tma‚mada ara d-yili negh ala, d yiwen seg yiberdan ay yessawad'en gher tmenghiwt n yedles n yegduden, yernu d ayen ay xedment akk ddewlat timennekcamin di tmura i gher kecment. Timenghiwt n yedles tettghimi-d digh d iswi (but) n ddewlat merr'a ur neste‚r'if ara s tdersiyin-nsent (minoritťs). Dgha ma kemmlent tutlayin timect'ah' a ttwa‚zalent seg uselmed, anect-a d asse‚jel kan ara d-yesse‚jel nnger-nsent.

Ihi ugur n tutlayin deg wemd'al n lqern wis 21 ih'uza tutlayin merr'a, ama d timeqqranin negh d timect'ah'. Si tama, zemrent tutlayin timeqqranin yeddan mlih' di ddunit akk d tutlayin tighelnawin ad beddent deg wudem n teglizit ? Si tama nnid'en, amek ara d-nsellek tutlayin yettwah'eqren akk d tid yellan deg umihi u ad tent-nesnerni ?

* Roland J.-L! . Breto d ameklesnilsi (gťolinguiste) yernu d aselmad ameqqran di tesdawid n Paris VIII. Ger n yedlisen ay d-yura, ad d-nebder "Gťographie des langues" (Taklunught n Tutlayin, PUF, 1995) akk d wedlis n "Du Langage aux langues" (Si Tmeslayin gher tutlayin) ay d-yura akk d Ranka Bijeljac u yeffegh-d
gher tez'rigin n Dťcouvertes Gallimard di 1997.

Tasuqilt sghur Omar MOUFFOK

Ghret daghen :

Tabrat n Yimedyazen : Utt'un 4 : tutlayin iteddun akk-n ad negrent

I tmerniwt n yisallen, rzut ghef wemd'iq n Unesco :

http://www.unesco.org/


Tidet iqerrh'en : Imazighen n uqemmuc

[Wagi d ad'ris ay d agh-d-icegge‚ gma-tnegh, Mass Akli Kebaili si Lalman ghef wayen yerzan asseqdec n tmazight, ghur-negh nekni s Yimazighen n wass-a, yura-t netta akk d umassan ameqqran n tutlayt tamazight, Mass Kamel Nait-Zerrad].

"Win yebghan tamazight, ad yissin tira-s"
"A nerrez' wala  ad neknu"
"Imazighen n ddkir"

Anwa/anta ur nessin ara imeslayen-a ?
Anwa/anta ur nesli ara ghef wacu yecrew tidi  Dda Lmulud d wid nnid'en ?
Anwa/anta ur nessin ara ayen ghef wacu cnan yicennayen-nnegh ?
Anwa/anta ur nessin ara ayen ghef wacu uran yimussnawen-nnegh ghef tmazight ?
Anwa/anta ur nesli ara s yad/tid yemmuten ghef tmazight ?

Nekni d iminigen yeddren di tmura n medden, nettwali yal ass amek ttmeslayen yemdanen n tmura n nnid'en, amek xeddmen, amek ttarun s tutlayt-nsen, d ayen yellan d amagnu, yettili di tudert n yal ass. Nettmektay-d ihi addad n tmeslayt-nnegh di tmurt, ur teddir am tid nnid'en, ur temmut ad nethenni. Dgha tetten-agh wulawen-nnegh, nh'eqqer iman-nnegh.

D aya i gh-ideggren ad d-nini awal i wid izemren ad sekren kra akken yiwen wass ahat tamazight ad tes‚u amd'iq-is am tmeslayin-nnid'en. Anecta mattci d assefcel, maca nebgha  ad nendje‚ iman-nnegh, ur ntettu ara ghef wayen i nekkat, i wakken a nawed' gher wayen i nessaram.

Nettmurud kan:

S tidet, ur yessefk ara ad nettu ayen akk i d-yennulfan di tmurt. Ma nessaked gher taluft n tmazight si tefsut n 1980 ar ass-a, ad naf nessawed' kra : nezmer ad tt-naru, ffghen-d yeghmisen, idlisen, isura; llan yigherbazen (likulat) i tt-yessgharayen; adabu yekkes drus akuffir-nni i d-yeghlin fell-anegh.

D acu kan, ma nebgha ad d-nini tidet iqerrh'en, ad naf tamazight mazal-itt tesqudur. At'as deg-negh ur nbeddel ara iman-nsen iwakken tutlayt-nnegh ad tedder am tid nnid'en. Ur nessawal ara da ghef wid yerghan ghef tmazight, xeddmen akk ayen iwimi zemren fell-as, maca ur tt-ssinen acku ur tt-lmiden sghur yimawlan negh ur ufin ara allalen akken ad tt-ghren negh ilmend n taluft nnid'en, negh daghen timgharin d yemgharen ur neghri imi akken tella tmeddurt zik-nni.

Tidett iqerrh'en:

Ma yefka yiwen tit'-is, yeskikked' acemma allagh-is, i wakken ad imeyyez anida tewwed' taluft-a n tmazight, amek i teddren(t) Yimazighen/Timazighin isemman iman-nsen d Imazighen n "ddkir", ad yaf yiwen, am wakken at'as deg-sen zemren ad mmten ghef tmazight maca ur zmiren ara ad tt-arun.

Wissen anwa izemren ad agh-yefhem nekni s Leqbayel: Nettmettat ghef tutlayt-nnegh, maca ur nessawed' ara ad tt-naru. Ghas akken nnan yimezwura: Kra yella kra yerna, nekni akken nwala d ayen yernan i yugaren ! Kerfen wallaghen-nnegh, cekklen yiz'uran n tutlayt-nnegh. Nghil ma nenna-d kra s tutlayt-nnid'en am tefr'ensist ad yes‚u azal meqqer wala ma nenna-t-id s teqbaylit.

Llan kra ttwassnen ger n Yimazighen mattci drus! Cerwen tidi ghef tmazight s uqemmuc, ma d nutni ttmeslayen d tarwa-nsen, ttmeslayen anida llan s tefr'ensist negh s tutlayt nnid'en.

Ghur-negh icennayen yettwassnen di yal tamurt, ttawin-d ghef taluft n tmazight d wayen id'errun di tmurt-nnegh. Maca yessefk yiwen ad yini, ur as-fkin ara azal-is i tmazight-nni s wayes cennun, i ghef tth'ar'aben : iseggasen-a ineggura, kra ughalen ttarun tamedyazt-nsen ghef yisidiyen i d-ssuffughen, d ayen yelhan ghas tikwal tira-nni d aqedder kan... Negh mi ara mmeslayen di rr'adyu negh tilifizyu, d tafr'ensist kan i ssnen, taqbaylit h'wajen-tt kan akken ad sselfen i medden. 
 
Ghur-negh imussnawen imeqqranen deg yeh'ricen akk n tmussni, ttwa‚erd'en di yal tasdawit, ttwagazen (ttwafhamen) sghur ddunit akk, ad tafed' ssawalen s tefr'ensist, s teglizit, s ta‚r'abt : awal ur ten-id-yettali ghef tmaziŗt negh s tmazight, ghas d Iqbayliyen i tent-yughen, i tent-yettaghen... Am wakken taqbaylit-nsen wissen sani ay tunag.

Ma d wid yettnaghen ghef tmazight, ama d wid yellan di tdukliwin negh anda nnid'en, mi ara mlilen ad ttmeslayen s tefr'ensist negh s teqbaylit yeddzen s wawalen n tefr'ensist... Amek ara fken azal yiberr'aniyen i wannect-a ? Amennugh ghef tmazight ur ddjin ara maca di tmeslayt-nsen ggugmen ... Yernu atan ur teqqim ara kan deg tlufa iwe‚ren. Anwa/anta ur nessin ara amek ttmeslayen tuget taqbaylit. Amedya: "Je ne suis pas d'accord yid-k" ... Amek ur nezmir ara ad nini anect-a s teqbaylit?

Llan kra nnid'en ssnen ad arun tamazight, maca am wakken jem‚en-tt d tijji deg wallaghen-nsen. I melmi, i wumi ? Ur yez'ri yiwen !

Llan kra lemmden timeslayin nnid'en, ma yenna-yasen yiwen: i tmazight ? Nutni ad as-inin: ah, tamazight tew‚er', negh ur s‚in ara akud (lweqt) ad tt-lemden. Negh ur nezmir ara a d-nini negh ad  naru kra n tlufa s tmazight. Dadgha imussnawen akk n ddunit z'ran, ulac tutlayt s wayes ur yezmir yiwen ad d-yini negh ad d-yaru ghef kra yellan d tamussni !
 
Kker tura fhem kettcini/kemmini Imazighen-a-nnegh. Ulac kra n ldjens n ddunit i igan am nekni.

Amek i nettazzal i wakken ad nesseddu tameddurt-nnegh di tmurt-nnegh s yiman-nnegh, ma yella ur nettmeslay ara, ur nettaru ara tutlayt-nnegh ? Ach'al n Yimazighen/tmazighin yeghran nutni ur ttarun ara s tmazight ?

Ur nebghi wara ad nefk da tifrat i tlufa-nnegh, aya ahat ur s-nezmir ara, maca atenta kra n timawin: tamezwarut, d tamughli gher sdat, d ayen nebgha i tmazight ass-a d uzekka, d anect-a i gh-ixuss'en. Asughu ur neddji wara, aqemmuc ur neddji wara, maca assekcem n tmazight di tudert-nnegh, di tmeddurt-nnegh ulac, am wakken yura deg uqerruy-nnegh ur nettawed', ur nessawad'. Acugher ? Acku ur numin ara s yiman-nnegh, ur numin ara tamazight tezmer ad tili am tutlayin nnid'en, ur numin ara yiwen wass tamazight ad tili d tin n weghrum, yid-s ara nexdem, yid-s ara nsewweq,  yid-s ara nessgher tamussni, yid-s... ad as-tinid' di tama llan kra yimussnawen d kra yicennayen ur nez'ri sani teddun (negh bghan ayen nnid'en, mattci d tamazight i ten-iceghben, di tama nnid'en llan Yeqbayliyen n tmurt, yettmettaten ghef tmazight :  d asif ih'emlen ay yellan gar-asen.

D tira i d abrid n tidet

Ihi tura nekkni ne‚ya deg Yimazighen n uqemmuc !

Win iran tamazight ad tt-yaru !!! Mattci kan ad yissin tira-s ! Ad tt-yemmeslay anida yedda ama di tmeghriwin negh di lmut! Ama gar-anegh ama ger yiberr'aniyen, ma yella nebgha kra n wass a nes‚u amd'iq-nnegh di tmeddurt s wudem amazigh, ur ttad'san ara ledjnas fell-agh.

Ayen-nnid'en merra d asbelwet' kan!

Win yebghan tamazight ihi mattci kan ad yissin tira-s, yessefk daghen ad tt-yaru.

Kamal Nait-Zerrad
Akli Kebaili

Lalman Furar 2002


Agemmay n tmazight akken ay t-id-tessumer WAAC, i lmend n tira n tmazight di internet :


   a ----- azul, argaz, amazigh
   ‚ ----- ‚iwen, cegge‚, a‚essas
   b ----- baba, ibki, abuqal
   c ----- acawi, uccen, taccuyt  
   d ----- dadda, tidet, udi
   d'----- ad'u, id'elli, ad'ad
   dj ---- afendjal, taddjalt, tajeddjigt
   e ----- enz, amenzu, kkes
   f ----- tafat, uffal, ifires
   g ----- agu, tagmart, amger
   gh ---- ighi, imghi, ilelli
   h ----- ahuddu, ahrawan, ahil
   h' ---- tah'anut, ah'bib, ah'riq
   i ----- iri, izimer, icimmi
   j ----- ajerrid', ajemmid', ajellab
   k ----- aksum, ikkil, ikerri
   l ----- tilelli, tala, iles
   m ----- tama, tament, amkan
   n ----- annar, inighem, inisi
   q ----- aqbayli, tuqqna, ameqqran
   r ----- amrar, ifer, tiririt
   r' ---- r'wu, takerr'ust, tar'umit
   s ----- tasa, isem, tasusmi
   s' ---- las'el, tibs'elt, afess'el
   t ----- tata, tamdint, tamurt
   tc ---- ettc, kettc, atcamar
   t' ---- tit', t'umat'ic, aqent'ar
   u ----- ulac, tuyat, udem
   w ----- awal, wali, weltma
   x ----- axxam, taxsayt, tabexsist
   y ----- yemma, amezruy, amayeg
   z ----- azedgan, uzzal, izi
   z' ---- az'idan, zz'el, iz'i

GM : agemmay-agi ur yelli d asumer (proposition) n tiddukla-nnegh akken ad nbeddel  agemmay-nni n tmazight amagnu (normal - agemmay agrigi-alatini) ay nessexdam i tira n tutlayt-nnegh, wanag imi ur nezmir ara ad naru di internet isekkilen yes‚an izumal n ussemgerrad (lettres diacritiques) akk d yisekkilen-nni igrigen (lettres grecques) yellan deg ugemmay amazigh, nessumer-d agemmay-agi akken ad nefru, si le‚d'il (provisoirement) ugur-agi.

Win yeslan ad yini i wiyad'


Arut-agh-d, gret-d tamawin-nwen, neqqar l‚eslama i s kra n tebrat ara d agh-d-yawd'en sghur-wen. 

Tiddukla Tadelsant Imedyazen
BP 129, Poste Didouche Mourad
16006, Alger, Algťrie

E-mail : imedyazen89@yahoo.fr


<<< Qqel γer Ụṭ̣̣ṭ̣un 8                                                              Ddu γer Ụṭ̣̣ṭ̣un 10 >>>


 Akk ụṭ̣̣ṭ̣unen


Qqel γer usebter n umager

Qqel d asawen

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algťrie
Tel. (+213) (0) 64 77 07 37