Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Tiẓrigin* Tira ed timliliyin n yimura deg tnedlist** n Bgayet

 

*Editions

**Librairie

 

Brahim Tazaghart yesεa tanedlist (librairie) ed wexxam n teẓrigin (édition), yerna yeεzem, netta akk ed yimeddukal-is ad d-rren tudert tadelsant deg temdint n Bgayet, anda ay d-yexsi yedles taggara-a.

 

Tanedlist n Mahindad tettwassen deg temdint n Bgayet. Sya γer da tettawey-d kra n umeskar (auteur) akk-n ad yeg assenzi s heddu (vente-dédicace) i yedlisen-is. Yiwen seg wid iεeddan syenna, deg wussan-a ineggura, netta d Ali Yahia Abdenour, u yessenz din adlis-is La dignité humaine (Nnif n wemdan), ay d-yessuffeγ deg wexxam n teẓrigin (éditions) n Inas. Deg Remḍan iεeddan, bdant la d-ttilint temliliyin akk ed yimeskaren, u ay-a yejja imezdaγen n Bgayet ad qqlen cwiṭ, cwiṭ γer tγuri, γer umezgun (théâtre) akk ed ssinima, am wakk-n ay mlalen ed kra n yimeskaren, inuẓar (ifennanen) ed yemdanen niḍen ay d-yesnulfuyen amaynut deg yinurar yemgerraden (yemxallafen).

 

Deg temliliyin-a, yettili-d weskasi (débat) s « yiεekzan yerrẓen”, yerna askasi amezwaru ay d-yellan, d win yeqqnen γer ”wedlis amaziγ”. Tlata wussan ay qqimen yesdawanen (universitaires) am Kamel Bouamara, la ssawalen γef temsalt-a ed wuguren-ines, u sqerdcen-tt γef tlata tlufa yeqqnen γer temsalt-a : tira n wedlis amaziγ, tasuqilt n yedlisen γer tmaziγt ed wezraε n wedlis amaziγ.

 

Abdelhamid Ghermine, yellan iqeddec d anemhal n tesnawit (directeur de lycée), u ass-a yuwey-d lantrit, iga-d yiwet n temlilit γef wedlis-ines Qui se souvient de la guerre ? (Anwa ay yecfan γef ṭṭrad ?), d adlis ay d-yessuffeγ d netta. Azekka-nni, Djamal Arezki, iqeddcen d amaswaḍ (inspecteur) n tefṛensist, yemmeslay-d γef temsalt niḍen, d tin n ”Uεiwed n tγuri n Taos Amrouche”.

 

Timliliyin-a ḥuzant-d ula d ssinima imi, deg yiwet seg ssehṛat n Remḍan, sεeddan-d asaru n yiwet n tdiwennit (interview) ay as-gan i Kateb Yacine. Mi ifuk, yella-d weskasi (débat) akk ed Mohand Ameziane Ben Cheikh yettekkan deg terbaεt n umezgun (théâtre) ”Debza”.

 

Djoudi Attoumi, yellan d afesyan (officier) aqbur deg ALN, u d win yessnen mliḥ tudert n weknaner (colonel) Amirouche, iga-d ula d netta askasi (débat) γef yiwet n temsalt ay γef yegget wawal ussan-a, d tin n tira n umezruy (ttarix). Attoumi yessawel-d, seg ssehṛa ay deg d-yusa, γef ”tira n umezruy n Tegrawla tadzayrit”.

 

Wid yettekkan deg temliliyin-a rran-as tajmilt i yiwen n uneγmas (amesjeṛnan) skud mazal-it yedder. Yuγ lḥal, deg wass n ljemεa iεeddan (12 Tubeṛ), gan timlilit n wesnemmer (remerciement) ed uqader i Mourad Slimani, iqeddcen deg tnarut (lbiru) n El Watan deg Bgayet, imi ay d-yerbeḥ yiwen n warraz agraγlan (prix international). Kamel Touchane, anemhal n teγlamt (directeur de cabinet) n lwali n Bgayet, yeḥdeṛ din, dγa d ay-a ay as-yernan azal i tmeγra-a. Yessefk ad d-nesmekti belli deg 2007, wid d-yelhan ed Euromed Héritage 2007 fkan, deg wayyur n Meγres iεeddan, Tabdart Tusligt (Mention Spéciale) i gma-tneγ Mourad Slimani γef umagrad n ”Tasegdalt n Guraya la tessuttur lḥeqq-is” (Le fort de Gouraya réclame justice). Amagrad-a yeffeγ-d deg El Watan n 13 Γuct 2006. Ineγmasen yettekkan deg wemzizwer-a usan-d seg tmura ay d-yezzin i Yilel Agrakal (Mer Méditerranée).

 

Iskasiyen (débats) s ”yiεekzan yerrẓen” ad kemmlen sdeffir n lεid tameẓyant, u ad d-ttilin, lemmer d lebγi, yal ass n lexmis. Amezwaru ara d-yessiwlen sdeffir n lεid d Omar Fetmouche, anemhal n umezgun (directeur du théâtre) n Bgayet, u ad d-yesqerdec γef weḍris (texte) ed ugenses deg umezgun (représentation théâtrale).

 

Seg tama niḍen, amaru Amine Zaoui, iqeddcen d anemhal (directeur) n Temkarḍit Taγelnawt (Bibliothèque nationale) akk ed Chawki Amari, ay d-yettarun tikṛuniyin (chroniques) deg El Watan, qeblen ad ttekkin deg temliliyin-a. Σni amaru maci s tnedlist (librairie) ay d-irebbeḥ aγrum-ines, u tanedlist maci s yimura ay tettidir ? Ihi, ass-a, imi ay mlalen deg sin, ala lxir ara d-yilin, ladγa imi ula d bab n tnedlist-nni d amaẓrag (éditeur).

 

Sγur Moussa Ouyougoute

Seg El Watan n 20 Tubeṛ 2007

Tasuqilt sγur Omar Mouffok

 


 
 

 

 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37