Iselmaden n tmaziγt n Tubiret ad gen asunded n laẓ*

*grève de la faim

23 Tubeṛ 2007

Azal n ṛebεin n yiselmaden imguta (contactuels) n tmaziγt ara yettgen timeskanin (timesbaniyin) seg wasmi ay d-yebda useggas-a n uγerbaz akk-n ad asen-fken imukan n leqdic ara idumen, maca ar ass-a werεad ay asen-yettunefk way-n ara ssutturen.

Iselmaden-a ulac dduṛ ay deg ur gin ara tiγimit n tmeskant (sit-in) neγ annejmeε sdat n Tmehla n Usselmed (Direction de l’Education) neγ sdat n tnarut (bureau) n lwali n twilayt n Tubiret, maca menγir iγmisen (ijeṛnanen) n tama-nsen ay d-yessawalen fell-asen tikkwal, ula d yiwen ur asen-d-yesli.

Aγlif (ministère) n usselmed ed wid ay t-yettgensisen (représenter) deg twilayt n Tubiret la d-qqaren belli ugur n yiselmaden imguta (contractuels) ur zmirren ara ad gren deg-s iman-nsen imi ay yeqqen γer twuri tazayezt (fonction publique). Γef way-a ay gguman ad asen-fken i yiselmaden-a tamkant n PEF neγ PES, imi ur sεin ara igerdasen (diplômes). Iselmaden fehmen ay-a, d acu kan, la d-qqaren belli ikaramen-nsen (dossiers) ttwaqeblen (llan kra deg-sen seg 2002), γas ur sεin ara igerdasen, yerna d Tamehla-nni (direction) n usselmed ay yugin ad testeεṛef yes-sen ass-a ay ten-iqeblen imir-n.

Yuγ lḥal, iselmaden imguta (contractuels) ssnen d acu-t uẓayer-nsen (statut) imi ur sεin ara agerdas (diplôme) yerna ur bγin ara ad ffγen i lqanun. D acu kan, la ttwalin belli yessefk ad tili tifrat i wugur-nsen. Iselmaden-a zemren ad ttussilγen (être formé) u ad asen-yettunefk ugerdas (diplôme). Γef umedya (lemtel), ammas n usseqεed n yiles (centre d’aménagement linguistique) yezmer ad ten-yessγer. Maca, skud werεad yefri wugur-nsen, iselmaden imguta εezmen, deg yiwen n lkaγeḍ ay d-ssuffγen, ad gen asunded n laẓ (grève de la faim) seg wass n ssebt (27 Tubeṛ 2007) d asawen, deg Ldzayer tamaneγt.

Sγur B.D.B

Seg Dépêche de Kabylie

Ass n ttlata 23 Tubeṛ 2007    -    uṭṭun 1640