Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Asselmed n tmaziγt deg Ldzayer : assebded n tseqquma ara yefrun uguren
 
07/04/2007
 
Deg wass n Larebεa iεeddan (4 Yebrir 2007), tella-d yiwet n temlilit gar weγlif (ministère) n usselmed, Aseqqamu Unnig i Timmuzγa (HCA) d yiselmaden n tmaziγt deg tenγimt (siège) n weγlif.  
 
D Aseqqamu Unnig i Timmuzγa (HCA) ay d-yessuttren ad d-tili temlilit-a yernu d amaru amatu (secrétaire général) n weγlif (ministère) n usselmed akk d umaru amatu n Useqqamu Unnig i Timmuzγa ay d-yellan d iselwayen n temlilit.
 
Annejmeε-agi ḥedṛen deg-s daγen yimasayen (responsables) yemxallafen iqeddcen deg weγlif (ministère), gar-asen imḍebber n yiqeddacen n ussileγ (formation), am wakk-n ay ttekkan deg-s yemḍebbren niḍen n Useqqamu Unnig i Timmuzγa d yiselmaden n tmaziγt ay d-yusan seg twilayin yemgerraden (yemxallafen). Iswi (lmeqsud) n temlilit-a netta d assebded n tlata n tseqquma ara d-yelhun d ferru n wuguren n usselmed n tmaziγt d wuguren ay d-ttemlilin yiselmaden n yiles-a.
 
Yuγ lḥal, taseqqamut (commission) tamezwarut ad d-telhu d ferru n wuguren yeqqnen γer leqdic n yiselmaden, ladγa aslugen-nsen (régularisation) d ussekcem n yiselmaden imaynuten akk-n ad qedcen deg usselmed n tmaziγt. Taseqqamut tis snat ad d-telhu d wuguren n usselmed, ladγa aḍfar d ussenqed n usselmed n tmaziγt, u gar wuguren-a yella wugur n wemgerrad (amxallef) n wamek tettwaru tmaziγt seg tama γer tayeḍ [llant tmiwa anda ay ttselmaden tamaziγt s ugemmay alatini, llant tmiwa niḍen s ugemmay aεṛab neγ s tfinaγ]. Ma d taseqqamut tis tlata ad d-telhu d ussileγ (formation) n yiselmaden.  
 
Timlilit-a la tt-ttwalin akk yidisan yettekkan deg-s dakk-n d taγawsa yelhan, d acu kan, Aseqqamu Unnig i Timmuzγa d yiselmaden n tmaziγt la ttwalin dakk-n tiγawsiwin la tteddunt s taẓeyt. Iselmaden nnan-aγ-d "la nettsaram dakk-n maci imi ara d-ttqerribent tefranin (lbuṭ) ay gan timlilit-a, imi ay neẓra dakk-n deg weγlif (ministère) n usselmed, d tifranin ay ten-yessewliwilen akk-n ad gen timliliyin".  
 
"Assebded n tseqquma-a d ay-n ay ssefran ad t-gen yagi deg temlilit ay d-yellan d Mass aneγlaf (lewzir) deg wass n 13 Dujembeṛ 2005, d acu kan, ur gin acemma, yernu deg temlilit-nni, aneγlaf d weγlif (ministère) n usselmed qqnen-aγ ad aγ-gen aṭas n tγawsiwin, d acu kan, ur aγ-gin acemma". D ay-a ay aγ-d-nnan yiselmaden yeqqlen ur la ttamnen ara am zik timliliyin-a, d acu kan, iselmaden n tmaziγt mazal-iten εewwlen ad nnaγen akk-n zemren akk-n ad d-awin lḥeqq i yimeddukal-nsen d tnegwa (matières) ay ssγarayen.  
 
Yessefk kan ad d-nini dakk-n tiseqquma-a ad bdunt ad qeddcent seg wass n Ssebt (7 yebrir 2007) d asawen yernu yal taseqqamut ad ttekkin deg-s yimaslaḍen (membres) n weγlif (ministère), wid n Useqqamu Unnig i Timmuzγa d yiselmaden n tmaziγt.
 
Sγur B.M.
 
Taγbalut : La Dépêche de Kabylie (Ssebt 7 Yebrir 2007)
 
Tasuqilt : Omar Mouffok
 
Ẓer daγen :
 
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37