*caravane
Deg wass n
23 Yebrir iεeddan ay d-tebda Teγlamt (caravane) n Tfinaγ tis tlata deg tmurt n Meṛṛuk. D tiddukla Ziri ay tt-id-yebdan
deg temdint n Wejda, u yettekka deg-s Usudu Ageldan n Yedles Amaziγ (Asinaw Ageldan i Tussna Tamaziγt IRCAM) akk
d Ittisalat Al Maghrib. Taγlamt-a d yiwet n terbaεt ara yezzin γef yiγerbazen (llakulat) n Meṛṛuk deg tmiwa yemgerraden akk-n
ad sεelmen medden γef tfinaγ yernu tikkelt-a, tikli n teγlamt-a ad teqqim alama d ayyur n Tubeṛ
n useggas-a. Alγu (communiqué) n tiddukla Ziri yettxebbir-d dakk-n ass n lexmis, taγlamt ad teddu γer
tama n Waṭlas u ad teḥbes dinna deg 8 n tkadimiyin, tigi d tikadimiyin n Fas-Bulman, Γarb-Crarda-Bni Ḥsen,
Meknas-Tafilalt, Tadla-Azilal, Ccaweyya-Urdiγa, Dukkala-Abda akk d Wexxam Amellal Ameqran, u ad taweḍ teγlamt
alama d Rbaṭ-Salé-Zemmur-Zaër u terzu, deg tikli-agi-ines taγezfant ugar n 100 n yiγerbazen.
Taγlamt-a
(caravane) d tin ara iqedcen akk-n ad d-tessaki medden γef wazal ay yesεa usselmed n tmaziγt akk d tfinaγ akk d ussebded n temkarḍiyin
(bibliothèques) timaziγin deg yiγerbazen (llakulat). Daγen, γef leḥsab n welγu (communiqué) n tiddukla Ziri, teγlamt-a
ad d-tnadi γef wuguren ay yettemlili ussekcem n tmaziγt deg uγerbaz.
Seg tama niḍen,
Taγlamt n tfinaγ tettnadi ad tεawen iselmaden d tdeblin (administrations) akk-n ad srebḥen assekcem n tmaziγt deg
usselmed, imi ay-a d ay-n ara yettekkin deg wesnerni n tγerma (civilisation) n tmurt. Dγa yessefk γef wigi akk ad gen ay-n
yessefken akk-n slemden iles amaziγ neγ ad d-ssilγen (former) wid ara t-yeslemden. Taγlamt n tfinaγ ad
tefreq daγen iqraben d yedlisen n tmaziγt n uγerbaz i yigerdan yessnen ad γren akk d wid n twaculin tigellilin.
Deg lḥemla-ines
tamezwarut (2004-2005) d tis snat (2006), Taγlamt n Tfinaγ terza γef wugar n 200 n yiγerbazen (llakulat) deg tmiwa n Rrif, Agmuḍan
(Oriental), Lḥusima, Taza, Tawnat d Tiṭwan, u tεawen ugar n 2600 n yinelmaden.
Deg snat-a
n lḥemlat, taγlamt tefreq iqraben (cartables) d dduzan n uγerbaz (llakul), u tessewjed i wakk-n ad ttwaldint temkarḍiyin
(bibliothèques) deg yiγerbazen anda ay sselmaden tamaziγt.
Taγbalut : MAP (20 Yebrir 2007)
