Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Takanna teldi tamkarḍit*-ines
 
*bibliothèque
 
Deg wass n 20 Yebrir ay tettwaldi temkarḍit n Tkanna, i lmend n wesfugel (célébration) n Tefsut n Yimaziγen. Taddart-a tuzga-d deg tγiwant n Wayt Yeḥya ay γef tebεed s 5 n yikilumitren. Aseggas-a, tameγra n Tefsut n Yimaziγen deg Wayt Yeḥya ur d-telli am leεwayed. D acu kan, tiddukla ”Tafrara” tga akk ay-n umi tezmer akk-n ad tesfugel ass n 20 Yebrir akk-n iwata.
 
Deg taddart-a, anda ulac amkan anda ara zhun yelmeẓyen neγ ad kken lweqt-nsen, alday n temkarḍit-a (bibliothèque) d ay-n llan ssaramen-t seg zik. Arezki Aït Salah, aselway n tiddukla, yenna-aγ-d dakk-n d imezdaγen n taddart ay igan tacemlit, sgerwen-d idrimen, uγen-d tiγawsiwin n lebni u ssulin tamkarḍit-a. Llan qeddcen ula deg wussan n westeεfu, deg tgara n dduṛt. Ass-a, leqdic-nsen nettwali-t : tamkarḍit tuzga-d s ddaw n tmesgida (ljameε) n taddart, yernu yecbeḥ mi ara tent-nwali akk-n d tijiratin.
 
Mi nuweḍ γer-s, nufa-n ssbiγa d tamaynut, u zik ay teldi yagi akk-n ad d-asen yelmeẓyen, ladγa igerdan, akk-n ad γren, am wid-nni ay d-nufa ṭṭfen taḥnact u la qqaren s taγect εlayen. Idlisen rsen anda ara ten-walin akk medden yernu ssawalen-d γef yinurar yemxallafen s sin yilsawen (taεṛabt d tefṛensist).
 
Tamkarḍit-a εawnen-tt-id s 520 n yedlisen, gar-asen 350 seg Wexxam n Yedles n Tizi Wezzu d 120 n yezwal (titres) seg teẓrigin El Amel (Tizi Wezzu). Wiyaḍ, d ayt taddart ay d-yettekkan yes-sen. Tiddukla Tafrara la tessefray ad tesseqdec amkan-a daγen akk-n ad ttgen deg-s timsirin (dduṛus) n uεiwen baṭel i yigerdan n taddart ara d-yettheyyin iman-nsen ad sεeddin ikayaden (examens). Kra n yelmeẓyen igurdisen (diplômés) wejden akk-n ad d-lhun s ccγel-a. Ad d-nebder kan, deg tgara, dakk-n deg tmeγra n welday n temkarḍit-a, yeḥdeṛ wenmazul n uselway (vice-président) n wegraw n twilayt (APW) akk d ugensas (représentant) n tγiwant (commune) n Ayt Yeḥya, ”d win ay aγ-yettεawanen mebla cceḥḥa”, γef leḥsab n Arezki.
 
Dépêche de Kabylie, 22 Yebrir 2007, uṭṭun 1485
 
Sγur Nacer B.
 
Tasuqilt sγur Omar MOUFFOK
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37