Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Tiddukla Tad’art tesfugel* Tafsut n Yimaziγen
 
*célébrer
 
23 Yebrir 2007
 
Mkira (Tizi Wezzu) – Aseggas-a, deg Mkira, d tiddukla tadelsant Tad’art, n taddart n Imεanden ay igan tameγra n Tefsut n Yimaziγen, deg lweqt ay deg ilindi, d tiddukla Aider n taddart n Taṛemmant ay d-yelhan id-s.
 
Γas ma yella tlata kan n yiseggasen ay-a seg wasmi ay d-tettussebded, tiddukla Tad’art tga tameγra-a akk-n iwata. Ahil (programme) ay d-theyya tiddukla-a d win yeṭṭfen dduṛt s lekmal-is, d ay-a ay yejjan akk ilmeẓyen d yigerdan n taddart ad ttekkin deg leqdicat n yedles d waddal (sport) deg temsizizlin-nni (concours) akk ay yettwagan.
 
Ass n ljemεa, 20 Yebrir, yella-d yiwen n usarag ay deg ttekkan kra seg wid yellan, deg Tefsut n 1980, d inelmaden : Mass Omar Hamadache, yellan la yeqqar deg Bab Ezzouar (Ldzayer), Rebah Balamane d Kamel Makour (yellan qqaren tussniwin tudmisin [sciences économiques], Abdellah Chenoui (n terbaεt Icenwiyen, yella la yeqqar lqanun), Smaïl Hocine (yellan la yeqqar tasengama [physique]) akk d Merzouk yellan yettekka deg terbaεt n Debza. Wigi akk ssawlen-d γef way-n walan, γef way-n ddren deg wussan-nni yernu rran tajmilt i ljil amaynut yefkan 120 n yemdanen d asfel deg Tefsut taberkant. Nnig n usarag-a, tettwaga temzikkent (exposition) d tameqrant deg tγiwant (mairie) taqburt imi ay  teqqel Mkira tura tesεa taγiwant d tamaynut. Deg temzikkent-a, ssersen-d idlisen, tiftarin (documents) d yimagraden (articles) n yeγmisen. Mohand Amokrane Zorelli, ay d-ilulen dinna u yesselmad tamaziγt deg Bgayet, ifuṛes tagnit n temzikkent-a akk-n ad yeg assenzi s heddu (vente- dédicace) i wedlis-ines amezwaru, "Le cas de la Kabylie" (Tajṛut n Tmurt n Leqbayel) ay d-yeffγer γer teẓrigin "Le Savoir" u yeεjeb aṭas n medden. Lawan n yimekli, tiddukla Tad'art teεreḍ akk wid iḥedṛen akk-n ad ccen seksu deg taddart n Imεanden.
 
Tameddit, nezzhen medden i kra n tmezgunin (pièces de théâtre) akk d yiwen n ubaraz (gala) ay deg cnan yicennayen n tama-nni sdat n waṭas n lγaci ay sen-yewten afus. Mass Amar Hellal, aselway n tiddukla "Aider" (ay igan tameγra n Yebrir n yilindi), yenna-d γef tmeγra n useggas-a : "Ayyuz i tiddukla Tad'art akk d uselway-ines Mass Ali Ziat, imi ay  qedcen s tezmert meγγren akk-n ad d-gen tameskant (manifestation) am ta".
  
Dépêche de Kabylie, ass n Letniyen 23 Yebrir 2007, uṭṭun 1486  

Sγur E. N’A. K.
 
Tasuqilt : Omar MOUFFOK
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37