Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Tafsut n Yimaziγen deg Wayt Maεuc
Asarag γef Tsekla*
 
*littérature
 
22 Yebrir 2007 
 
Imḍebbren n wexxam n yelmeẓyen n Ayt Maεuc εerḍen ad sfuglen (célébrer) ass n 20 Yebrir akk-n iwata.
 
I lmend n wass-nni, axxam n yelmeẓyen yeεreḍ-d imseḍru (réalisateur) Abderrahmane Bouguermouh akk d memmi-s n umaru Mouloud Feraoun, Mass Ali Feraoun, u gan yiwen n usarag (conférence) deg sin yid-sen, yeεjeb-asen aṭas i wid ay iḥedṛen. Mass Bouguermouh yenna-d deg usarag-nni dakk-n « s lfeṛḥ d ameqran ay d-qqleγ akk-n ad ẓreγ tamurt ay deg d-yettwakles (tourner) usaru (lfilm) aγezfan amezwaru s tmaziγt, Tawrirt Yettwattun », am wakk-n ay d-yessawel γef wuguren yemgerraden (yemxallafen) ay d-ttemlilin wid ixeddmen isura deg Ldzayer u yenna-d « nesḥissif imi ala d wid d-yettgen leqdicat n diri umi ttgen ifadden ».
 
Ali Feraoun, seg tama-s, yessawel-d, s tewzel, γef way-n ay d-yura baba-s s umata, sakk-in iqeddem-d adlis aneggaru ay d-yura baba-s uqbel ma yemmut, « Tamdint n Tlellac » (Cité des Roses), d win ay d-yeffγen seg melmi kan. Ali yessefhem-d ayγer ay iεeṭṭel wedlis-a akk-n ad d-yeffeγ. Wid iḥedṛen fkan-as i Ali Feraoun aṭas n yesteqsiyen γef tudert d leqdic n baba-s, yellan d yiwen seg yimura (écrivains) imeqranen n Ldzayer s yiles afṛensis. Wid iḥedṛen i usarag-nni gan ddqiqa n tsusmi, u walan timzikkent (exposition) γef umezruy (ttarix) n tedyanin n Tefsut n Yimaziγen. Daγen, ttwagant-asen temsirin (dduṛus) igerrzen γef ssinima d tsekla (littérature). Tameddit, yella-d yiwen n ubaraz (gala) ay deg yecna Mohand Ouali (d yiwen seg terbaεt n Imaziγen Imula) akk d Ouazib Mohand Ameziane. Amγiwan (maire) n Ayt Maεuc, ay iḥedṛen deg wesfugel-a (célébration), yenna-d dakk-n « Ass n 20 Yebrir n useggas-a i yiman-is, acku d tikkelt tamezwarut anda ara iεeddi deg lfeṛḥ d unnecṛaḥ u mebla ma llan-d wuguren ».
 
El Watan, 22 Yebrir 2007
 
Sγur Alem Arezki
 
Tasuqilt : Omar Mouffok
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37