Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Aqbu : Tiwwura yeldin γef Ugezdu* n tmaziγt n Tizi Wezzu
 
*département
 
22 Yebrir, 2007
 
Deg wussan n 17 ar 19 Yebrir iεeddan, tiddukla Itri Adelsan n Weqbu tesfugel asmekti wis 27 n Tefsut n Yimaziγen s wussan n tewwura yeldin γef ugezdu (département) n yiles d yedles amaziγ n tesdawit Mouloud Mammeri n Tizi Wezzu.
 
Inebgawen ay d-yusan seg ugezdu-a (département) d Mohand Akli Salhi, iqeddcen d aselmad n tmaziγt deg tesdawit n Tizi Wezzu, Saïd Chemakh yettekkan deg Useqqamu Unnig i Timmuzγa (HCA) akk d tlata n yinelmaden n tmaziγt deg tesdawit n Tizi Wezzu yellan qrib ad faken tizrawin-nsen (études).
 
Wigi akk gan yiwen n usarag (conférence) deg wass n 19 Yebrir deg tekrict (crèche) n tγiwant (commune), u ssawlen-d γef « Wuguren n tmaziγt : ay-n yettwagan d way-n yeggunin » (La problématique amazighe : bilans et perspectives). Asarag-a ḥedṛen deg-s yiselmaden n tmaziγt, wid yettekkan deg tiddukliwin, imeγnasen (militants) n tmaziγt d kra n yinelmaden n ugezdu n tmaziγt n Bgayet. Wid ay d-yessawlen deg-s bedren-d isurifen ay tga tmaziγt γer sdat seg wasmi ay yettwaldi ugezdu n tmaziγt n Tizi Wezzu deg yiseggasen n 1990, yernu ssawlen-d γef umecwaṛ γezzifen n leqdic ay d-mazal yegguni tamaziγt. Gar temsal ay γef d-yella weskasi (débat), nezmer ad d-nebder assizeγ (standardisation) n yiles amaziγ, assuffeγ n yedlisen d way-n niḍen s tmaziγt, asnulfu s tmaziγt d teẓri n tsekla (théorie de la littérature), yernu d imdanen ay d-yesεan ttejṛiba deg temsal-a ay iḥedṛen deg usarag. Deg temlilit-a daγen, rran tajmilt i yimezwura deg yimenγi γef tmaziγt, d imdanen ay yemmugren aqmaḍ (répression) n leḥkem amesbaṭli mebla tugdi. Yagi, uqbel ma bdan leqdicat-a akk, wid yettekkan gan ddqiqa n tsusmi i lmend n wid yefkan tudert-nsen d asfel. Nnig usarag-a, tettwaga yiwet n temzikkent (exposition) deg wexxam n yelmeẓyen n Weqbu, ssersen-d deg-s tiqendyar n Leqbayel, tikla (peintures) γef leḥrir, tugniwin (tteṣ̣wirat) n yinuẓar (ifennanen) d wid yettwassnen deg umezruy amaziγ, tugniwin n tγawsiwin tiqburin akk d yimagraden (articles) n yeγmisen (ijeṛnanen). Ma deg tzeqqa n ssinima n 20 Γuct, gan yiwet n temsizwert (concours) gar tesnawiyin (lycées) n Weqbu d Yeγzer Ameqran, d tin ay deg d-fkan isteqsiyen ala kan γef yiles d yedles amaziγ.
 
El Watan, 22 Yebrir, 2007
 
Sγur Mokrane Takerabet
 
Tasuqilt : Omar MOUFFOK
 
 
Ẓer daγen :
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37