Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla


 
Tiregwa n nnfid
 
”Aṭṭuqqet n lxir ur yettḍurru”. Akk-a ay as-yeqqar yiwen n wanzi inefεen deg wakk inurar n tudert, ladγa deg wenrar n tmaziγt, imi s kra n wedlis ara d-yeffγen s yiles-a, nesteṛḥib yes-s imi ara yejj tamaziγt ad taf amkan-is u ad tejhed.
 
Ussan-a, yeffeγ-d wedlis n yisefra n Djamila n Tferka, tamedyazt-nni yettwassnen deg tesgilt (nnuba) n « Tamedyazt war tilas », ay d-yettqeddim Mohamed Taferka deg BRTV.
 
”Tiregwa n Nnfiḍ”, ammud (recueil) n Djamila, d Mohamed Taferka s timmad-is ay as-d-yuran timsegrit (post-face) ay deg nezmer ad nγer « Ttawil inefεen akk ay tesseqdac tmeṭṭut taqbaylit akk-n ad d-tessiwel γef ddunit d yiγeblan-ines netta d isefra ». Djamila n Tferka tessen amek ara d-tecnu kullec s usefru, u tid yettgen am nettat, tikkwal yettwakkes-asent wawal. (Kemmel ...)
 

 
(15/04/2007)
tifinagh.jpg

Melmi kan ay d-yessuffeγ Mohamed Akunad ungal-ines (roman) wis sin s tmaziγt, d win umi isemma "Ijjigen n tidi".

Ungal-ines (roman) amezwaru, "Tawargit d imik" d win iεejben aṭas n medden yernu qrib ad t-id-yerr Lahcen Nachef γer tefṛensist. Ma d wungal-ines wis sin, Akunad yettsawal-aγ-d γef yiwen n wemdan d Amaziγ, am wakk Imaziγen. Γas ma yella yunag γer Fṛansa d ameẓyan, deg tlemmast n yiseggasen n settin, maca yegguma ad yettu tamurt-ines d yizuran-is.

Asmi ay d-yekker, aqcic-a ur t-ye
ḥsib yiwen deg taddart-is yernu yexdem d ameksa γer yiwen n umeṛkanti yesεan lmal, dγa wagi yessukk fell-as lbaṭel. Maca γas kkant akk fell-as tigi deg tmurt, asmi ay yekka kra n yiseggasen deg Fṛansa, yeqqel-d alama ay d akal-is. 
 (Kemmel ...)
 
 
 

 

 Tabrat n Yimedyazen uṭṭun 15

 

Iminigen irlandiyen deg uγerrabu ara iteddun γer Marikan

Amezruy n usider n tirlandit di lγerba

Tamsalt n tutlayt tirlandit deg Temrikt qqnen fell-as allen wid yettarun amezruy yernu ulac kra n leqdic n unadi ilelli ay yettwaxedmen i lmend n tmussni n wayen ay as-yeḍran i tirlandit deg tmurt-agi n lγerba, γas ulamma yella ttbut dakk-n aṭas seg yiminigen ay yellan ttṛuḥun zik γer Temrikt d wid yessnen ad mmeslayen tirlandit. Yuγ lḥal, ur neẓri acemma γef wayen ay d asen-yed'ran i yiminigen-agi asmi ay wwd'en gher Temrikt. D acu kan, neẓra d akken tasuta (lğil) tis snat n yiminigen-agi [arraw n yiminigen ay d-yekkren di Temrikt] d tin yeğğan tirlandit yernu d taglizit kan ay teqqel tettmeslay. Ma yella d anect yellan ttmeslayen tirlandit ger n yiminigen, amek ay llan ttwalin tutlayt-nsen deg lγerba
akk d ssebbat ay ten-yessawḍen ad ğğen tutlayt-nsen ur nufi fell-as acemma deg wayen yuran. Kemmel ...


 Tabrat n Yimedyazen uṭṭun 14

Tasertit n tutlayin di Isunya

Tilawin tisṭuniyin s yiceṭṭiḍen-nsent imensayen

Ger n yiseggasen n 1940 d 1991, d Tadukli Tasuvyatit ay yeṭṭfen Isṭunya, ala kan
ger n yiseggasen 1941 d 1944, asmi ay d-kecmen Yinaziyen n Lalman γer tmurt-a. D acu kan, asmi ay tebda thezzel (affaiblir) Tdukli Tasuvyatit, yebda leḥkem yettbeddil afus di tmura ay teḥkem tneggarut-agi, yernu tisertiyin tisuvyatiyin n peristroika* akk d glasnost* snernant ifadden i yegduden isuvyatiyen akken ad ssutren ugar n tlelli. Dγa yessaweḍ wanect-a γer γellu n Tdukli Tasuvyatit di 1991 yernu yuqqel-as-d uzarug-is (indépedance) i Isṭunya ay deg ay beddlent tzemmar
iḥekmen tamurt.  Kemmel ...
 

Enter supporting content here