Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Itri Adelsan d wesmekti n Tefsut n Yimaziγen 

 

17 Yebrir 2007 

 

Kra kan n wussan uqbel n wesmekti wis 27 n Tefsut n Yimaziγen d wesmekti wis 7 n Tefsut taberkant (ussan n 20 d 21 Yebrir), tiddukliwin tidelsanin deg Bgayet la qeddcent akk-n ad d-heyyint ahilen (programmes) yemxallafen akk-n ad asen-rren tajmilt i yergazen n yedles d wid yefkan tudert-nsen d asfel i lmend n tefsut-agi n lqerḥ. Leqdic yegget (yeṭṭuqqet) deg wakk timiwa n twilayt n Bgayet.

 

Deg Weqbu, Tiddukla Itri Adelsan yemεawen d tseqqamut n tmeγriwin n temdint akk-n ad d-heyyin ahil (programme) n leqdic-nsen. Gar n leqdicat-a, ad d-nebder ussan n tewwura yeldin γef ugezdu (département) n tmaziγt n tesdawit n Tizi Wezzu. Ussan-a ad d-ilin gar 17 d 19 Yebrir deg wexxam n yelmeẓyen “Abderrahmane Fares”, deg Weqbu. Ass n lexmis 19 Yebrir, ad d-yili usarag (conférence) umi semman ”tamaziγt ass-a », d win ara d-yeg Youcef Merrahi seg Useqqamu Unnig i Timmuzγa (HCA). Deg tekrict (crèche) n tγiwant (commune) n Weqbu, ad ttwagan yisaragen niḍen γef wuguren n tmaziγt : sin n yiselmaden seg ugezdu (département) n tmaziγt n tesdawit (université) n Tizi Wezzu, Saïd Chemakh akk d Mohamed Akli Salhi ad d-ssiwlen γef way-n yettwagan yagi deg wenrar n tmaziγt d way-n d-mazal yessefk ad yettweg.

 

Deg wass-nni n 19 Yebrir, ad d-tili daγen temlilit gar yemḍebbren n tesnawiyin (lycées) akk-n ad ssiwlen γef yedles d yiles amaziγ. Deg way-n yerzan Tafsut Taberkant, tiddukla Itri Adelsan n Weqbu tessefra ad d-tzuṛ timeḍlin n yimeγrasen (martyrs) n Weqbu am wakk-n ara ṛuḥen ad ẓren tamḍelt n Mouloud Mammeri deg taddart n Tewrirt n Mimun (Ayt Yanni, Tizi Wezzu).  

 

Deg wass n ljemεa 20 Yebrir ara as-rren tajmilt. D ass yesεan azal meγγren γer Leqbayel. Menγir isaragen-a, ad tili daγen temzikkent deg wexxam n yelmeẓyen n Weqbu. Deg temzikkniyin-a, ad d-ssersen iceṭṭiḍen imensayen (traditionnels), tikla (peintures) γef leḥrir (s rrqem amaziγ), amezruy n Tefsut n Yimaziγen d yejdal (thèses) ay gan kra n yinelmaden γef temsalt-a.

 

Sγur F. L.

 

Taγbalut : La Dépêche de Kabylie (17 Yebrir 2007)

 

Tasuqilt sγur Omar MOUFFOK

 

Aru-d ay-n tettwaliḍ, ttekki deg wenmager-nneγ (forum).
 Ẓer daγen :
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37