Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Tafaska n tmedyazt tamaziγt deg Wayt Smaεil
 
*Tafaska n tmedyazt : festival de poésie.
 
 
alikhadaoui.jpg
Tafaska taγelnawt n tmedyazt (poésie) tamaziγt tga-tt aseggas-a tiddukla n Adrar n Fad yellan texs (tebγa) ad as-terr tajmilt s tmeγra-a daγen i Dda Lmulud Mammeri. Tafaska-a tettwaxtem ass n ljemεa 30 deg Meγres 2007 s yiwet n tmeγra meγγren ay deg feṛḥen ama d wid yettekkan, ama d wid ay tt-id-igan, ladγa imi tafaska n useggas-a tgerrez.
 
Uqbel ma ttunefken warrazen (prix) i yimedyazen (poètes) irebḥen, taseqqamut n ferru (jury) tga timlilit ay deg ttekkan yergazen iqeddcen deg wenrar n tsekla (littérature) gar-asen Kamel Bouamara, Z. Meksem, L. Mahrouche d Allaoua Rabhi. Ineggura-a sfehmen-d amek ay fkan tizmilin (notes) i wakk imedyazen-nni yettekkan. I wesmekti, 107 n yimedyazen ay d-yeγran isefra-nsen deg wussan n tfaska-a. Arraz amezwaru yettunefk i Abdelkader Ouali ay yuwyen talemmast (moyenne) n 16. Arraz  wis sin yettunefk i Sadia Bennamar yuwyen talemmast n 14,88, ma d arraz wis kraḍ d Mouhamed Serkasseti ay t-yuwyen s tlemmast n 14,83.
 
Nnig warrazen (prix) yettunefken i yimedyazen irebḥen deg tfaska, ttunefken daγen ṛebεa warrazen a waytmaten-nneγ ay d-yusan seg Wewras akk-n ad ttekkin deg tfaska-a akk-n ad asen-gen ifadden ad kemmlen deg tira n yisefra, am wakk-n yettunefk daγen warraz n ussebγes (encouragement) i uttekki n tmeṭṭut, arraz i umedyaz yettekkan xemsa yiberdan deg tfaska yernu yesselha aswir-ines (niveau) d warraz n umedyaz ameẓyan akk yettekkan (gar 18 d 20 yiseggasen).
 
Deg wussan ay deg d-tella tfaska-a, γran-d yimedyazen isefra-nsen, am wakk-n ttwagant temzikkniyin (expositions) γef Mouloud Mammeri, γef wedlis amaziγ, γef tẓuryin taplastikiyin d tγawsiwin tiqdimin n tmurt, am wakk-n ay d-uraren kra n tmezgunin (pièces théâtrales). Nnig way-a, llan-d daγen tlata n yisaragen (conférences), amezwaru deg-sen iga-t Ali Mammeri u yessawel-d deg-s γef Ssi Muḥ u Mḥend, sakk-in, i wakk-n ad as-yerr tajmilt, yeγra-d yiwet n tullist (nouvelle) ay yura fell-as u isemma-as « Aseqqif n Ḍḍmana ». Sin-nni yisaragen niḍen gan-ten γef Mouloud Mammeri. Yiwen deg-sen d win ay iga Younes Adli, u isemma-as «Ad nxemmem seg yiman-nneγ », ma d wayeḍ d win n Malika Kebbas, isem-is « Mouloud Mammeri, tasnaγreft (ethnologie), seg tmuγli seg beṛṛa γer tmuγli seg sdaxel », ay deg ay d-tessawel γef weḍris amezwaru ay yura Moukoud Mammeri γef tesnaγreft deg 1938, uqbel ma yekcem γer wenrar n tsekla (littérature) u yella deg tallit-nni yesεa kan 21 n yiseggasen. Aḍris-a isem-is Timetti tamaziγt (La société berbère), d aselmad n Mammeri deg tfelsuft, Jean Grenier, ay as-yennan ad t-id-yaru akk-n ad t-id-ssuffγen deg tesγunt Aguedal.
 
Tiddukla Adrar n Fad seg gar tiddukliwin iqeddcen mliḥ, tuklal tajmilt yernu mazal la tettsefray ad tales (ad tεawed) ad teg tafaska-a yal aseggas, u ay-a, nnig n leqdicat-ines idelsanen niḍen.
 
A. Fersaoui

Deg Dépêche de Kabylie, Laṛebεa 4 Yebrir, 2007
 
Tasuqilt sγur Omar Mouffok
 
Aru-d ay-n tettwaliḍ, ttekki deg wenmager-nneγ (forum).

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37
 
Tararast taneggarut : 06 - 04 - 2007