|
Hamid Oubagha d aselway n tiddukla tadelsant Imedyazen seg wasmi ay d-tennulfa, deg 1986,
ar ass-a. Hamid yeghra deg tesdawit n Bab-Ezzouar, deg Ldzayer tamaneght u seg-s ay d-yewwi agerdas deg tusnakt (mathématiques).
Deg 2000, Hamid Oubagha d Nadia Yarmeche ssuffghen-d adlis-nsen amezwaru ghef tmazight, Ilughma i Tira
n Tmazight, ay deg d-jemâen akk timsirin (ddur'us) d yilughma (exercices) ay yes tella tiddukla n Imedyazen la tesselmad
tamazight deg tesdawit deg tezwara n yiseggasen n 1990. Sakk-in, deg useggas n 2003, Hamid yerna yessuffegh-d adlis amenzu
n wezrar (série) n Tizi n Tira, win umi isemma Nuja d kra n tmucuha nnid'en. Adlis-a d ammud n tmucuha ay d-yelqed' seg tama-nsen.
Hamid yez'wer daghen deg tmedyazt tamazight, yernu yerbeh'-d deg 1993 arraz n temzizzelt taghelnawt n tmedyazt
tamazight deg Bgayet (Ldzayer), u yura isefra-yines deg yiwen n wammud (recueil), maca werâad ur t-id-yessuffegh ara.
|
