Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Ccna n teqbaylit aqbur : Ferhat Madani neγ inuẓar* yettwattun

 

*ifennanen

 

Ferhat Madani yella icennu deg yiseggasen-nni ay deg terbeḥ Ldzayer, maca ass-a yettwattu yerna ur yufi ara anwa ara t-iεawnen akk-n ad qqlent tezlatin-ines ”ur yettεeddi zzman” γer lemwaj n Ṛṛadyu taγelnawt (nationale).

 

 

Madani d yiwen seg wid ay d-yezwaren s anrar n ccna aqbayli. Yecna ugar n meyya n tezlatin, amur ameqran deg-sent d tid ay deg yecna γef yimeγrasen (ccuhada) n Tegrawla n 1954, maca ass-a, Ferhat Madani la yettḥulfu i yiman-is yettwaεzel seg Ṛṛadyu.

 

Deg yiwet n lkaγeḍ n Tmehla n taṛcibin ed tmidyatikt (Direction des archives et de la médiathèque), nezmer ad naf ismawen n 124 n tezlatin n Ferhat Madani, maca ass-a yiwen ur asent-isell. Ass-a, Madani yesεa 78 n yiseggasen deg tudert-is yerna yedderγel. Madani la yessuttur ad as-yettunefk ”ciṭṭ n ccan”. ”Bdiγ la cennuγ seg trewara n yiseggasen n 1950”, ay aγ-d-yenna, u yerna-aγ belli yeqdec akk ed kra seg yicennayen imeqranen n teqbaylit am Ccix Nuṛdin, Jamila, Ḥnifa, Anisa, Said El-Ghoubrini, El Ankis ed waṭas n yicennayen niḍen n zzman yettwassnen deg ccna-a.

 

Ferhat Madani iwet-d deg wid umi isemma ”imesxerben n tgemmi (patrimoine) n ccna”. Madani yerfa γef ljal n ”tḥeqranit ay d-sbanen” wid yeṭṭfen u lhan-d ed tgemmi n ccna, ladγa wid n Terga tis Snat n Ṛṛadyu. ”Bγiγ ad ttεeddint tezlatin-inu akk-n ad iyi-d-tefk idrimen Tnarut Taγelnawt n Yizerfan n Umeskar [Office national des droits d’auteurs - ONDA]”. Ferhat Madani la yettwali iman-is deg tegnit n waṭas n yinuẓar (ifennanen) niḍen, yettwattu yerna rran-t deg yidis, u γef way-a ay yebγa ad d-yeg tizlatin timaynutin.

 

”Ih ! Mazal zemreγ ad cnuγ, mazal sεiγ ljehd ed nnif n wasmi ay sεiγ tlatin n yiseggasen” ay aγ-d-yenna. ”Ayγer ay ttwaεezleγ seg lemwaj n Ṛṛadyu ?”, asseqsi-a ur yezmir yiwen ad d-yerr fell-as menγir wid ay d-yelhan s ṛṛadyu.

 

Ass-a, llan wid yebγan ad aγ-kellxen u ad mḥun aḥric d ameqran seg tgemmi (patrimoine) n yinuẓar-nneγ (ifennanen) iqburen, ladγa wid n zzman-nni ay deg yerbeḥ ccna n teqbaylit.

 

Seg Dépêche de Kabylie, laṛebεa, 10 Tubeṛ 2007, uṭṭun 1631 

Sγur Mohamed Mouloudj
 
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37