Taluft n yiselmaden imguta n Tubiret
Iselmaden n tmaziγt bdan-d asunded* n laẓ (28 Tubeṛ 2007)
Iselmaden n tmaziγt n Tubiret : Ass wis sin n usunded* (29 Tubeṛ 2007)
Ass wis tlata n usunded* n laẓ n yiselmaden imguta** n tmaziγt (30 Tubeṛ 2007)
Iselmaden igan asunded* la tent-ttaγen deg tezmert-nsen (31 Tubeṛ 2007)
Iselmaden n tmaziγt bdan-d asunded* n laẓ
*grève
28 Tubeṛ 2007
Sdeffir ma gan akk ay-n walan yessefk akk-n ad d-awyen lḥeqq-nsen, iselmaden imguta (contractuels) n tmaziγt
n Tubiret, uwḍen iḍelli (ssebt, 27 Tubeṛ) γer umecwaṛ niḍen deg yimenγi-nsen : d aḥbas
n wucci alama d asmi ara asen-yettunefk way-n ssutturen.
Iselmaden-a la ssutturen ad asen-d-rren imukan-nsen n leqdic deg yiγerbazen (llakulat) ay deg llan qeddcen.
Akk-n ad d-nesmekti, taluft n yiselmaden imguta (contractuels) n tmaziγt n Tubiret tebda-d deg wayyur n Yunyu
iεeddan, asmi ay fuken yiguta (contrats) n leqdic n yiselmaden-a, d iguta yeṭṭfen xemsa n yiseggasen. Iselmaden-a
εerḍen acḥal d tikkelt ad ssuttren ad ten-rren γer leqdic-nsen, ssuttren ay-a seg tkadimit am wakk-n
ay t-ssuttren ula seg Weγlif (ministère) n tteṛbeyya taγelnawt (nationale), maca akk ay-n gan deg lbaṭel,
γef wakk-n ay aγ-d-yessefhem yiwen n umaslaḍ (membre) n tfagla (délégation) n yiselmaden-a.
Yal tikkelt ay deg ara ssuttren lḥeqq-nsen, wid ay d-yelhan ed temsal ttafen-asen-d ssebba s lewṣ̣ayat
n weγlif (ministère) ay d-yeqqaren ”ur yezmir ula d yiwen ad yekcem ad yeqdec ma ur yesεi ara turagt (licence)
deg wenrar-nni ay yebγa ad t-yesselmed”.
Seg tama-nsen, iselmaden ur bγin ara ad ssusmen. Naqal gan tiγimit n tmeskant (sit-in) sdaxel u beṛṛa
n Wexxam n Tγamsa (Maison de la presse) Tahar Djaout, deg Ldzayer tamaneγt, sakk-in, εezmen ad gen asunded
(grève) n laẓ war tilisa, akk-n ad sseknen belli ugin ṛṛay-a n weγlif (ministère).
”La nessuttur ad aγ-d-εawden iguta (contrats)” ay aγ-d-yenna yiwen n uselmad, ma d ameddakel-ines
yerna-d ”aql-aγ newjed ad nesεeddi akayad (test) akk-n ad d-nessken belli nessen”.
Tagnit am ta la tt-ttwalin yiselmaden d tin ay deg ur d-cliεen ara yiduba (autorités) seg-sen, d ay-a ay yejjan
yiwen n uselmad ad d-yini ”iduba sqedcen-aγ kan akk-n ad reglen yes-neγ imerjan”. Yuγ lḥal, iselmaden-a skecmen-tent-id ad qedcen asmi ay d-tebda tallit-nni n wesmatu (généralisation)
n usselmed n yiles amaziγ, imi imir-n, llan xuṣ̣ṣ̣en yiselmaden n tmaziγt.
Ass-a, iselmaden-a igan leqdic-nsen akk-n iwata, amur ameqran deg-sen d ibabaten u d tiyemmatin yesεan tiwaculin,
maca ufan-d iman-nsen deg beṛṛa, war aqeddic.
Yiwet n terbaεt seg yiselmaden n Tubiret tga tiγimit n tmeskant (sit-in) beṛṛa i Wexxam n tγamsa,
γas akk-n iγallen n temsulta (police) ḥeṛsen-ten akk-n ad ttixren syenna. Yiwet seg tselmadin yettekkan
deg tγimit-a tessken-d aẓmaẓ amyagan n tserrusi (procès verbal d’installation) n 2002 u tenna-d ”tiririt-nneγ
γer leqdic maci d assutter ara tt-id-nessuttur, wanag d tin ay d tudert-nneγ”.
Seg tama-ines, Mass Mahmoud Bouchaklia, yettekkan deg Umussu aγerman (mouvement citoyen) n Tubiret, yenna-d ”amussu
(mouvement) n leεṛac n Tubiret yezga yebded ed yiselmaden imguta (contractuels) u la yessuttur ad rren iselmaden-a
γer yimukan-nsen n leqdic”. Γef leḥsab n Mass Bouchaklia, abdad γer yidis n yiselmaden n tmaziγt
ur yettkafi ara, dγa d ay-a ay t-yejjan ula d netta ad yeg asunded n laẓ akk-n ad yeg tamsetla (solidarité) ed
yiselmaden-nni.
Deg tegnit-a, yessefk γef weγlif (ministère) n tteṛbeyya ad d-yaf tifrat s lḥir i way-n ssutturen
yiselmaden-a.
Asnerni n tmaziγt s yisem-is d iles aγelnaw (langue nationale) d taγawsa yuklalen aqader, maca yessefk
γef uwanak (ddula) ad as-tefk ttawil i yiles-a akk-n ad yennerni, am wakk-n yessefk ad yekkes akk uguren ur nettajja
ara tamaziγt ad teddu γer sdat.
Seg La Dépêche de Kabylie, 28 Tubeṛ, 2007, uṭṭun 1644
Sγur Mohamed Mouloudj
Tasuqilt sγur Omar MOUFFOK
Iselmaden n tmaziγt n Tubiret : Ass wis sin n usunded*
*grève
30 Tubeṛ 2007
Seg yiḍelli (ssebt 28 Tubeṛ) ay d-bdan yiselmaden imguta (contractuels) n tmaziγt asunded (grève)
n laẓ war tilisa.
Iselmaden-a, gar-asen yiwen n tlemẓit s tadist, gan asunded-a (grève) akk-n ad frun ugur-nsen. Iselmaden n Tubiret
la ssutturen ”ad ten-rren γer yimukan-nsen n leqdic, deg usselmed n tmaziγt”, d imukan ay deg qedcen
xemsa n yiseggasen. Iselmaden-a ay igan tameskant (manifestation) sdat Wexxam n tγamsa (Maison de la presse) n Tahar
Djaout, deg Ldzayer tamaneγt, wten-d daγen deg yemsulta (ibulisen) ay ten-id-yessuffγen s ”yiγil”
seg sdaxel n Wexxam n tγamsa, sendiḍelli tameddit. Gar wid ay d-ssuffγen, ”tella yiwet n tmeṭṭut
s tadist”, ula d nettat ssemguclun-tt (brutaliser), γef wakk-n d-yenna uneṭṭaq (porte-parole) n yiselmaden-a.
Tasmizwert n tesnawiyin n Ldzayer (Coordination des lycées d’Algérie) tessuffeγ-d iḍelli (lḥedd,
29 Tubeṛ) yiwen n lkaγeḍ ay deg d-tessummel (dénoncer) ”taluft-a ay γef yettγaḍ lḥal”
[asunded n laẓ] yerna ssuttren-d ”ad tili tifrat” i taluft-a.
Tasmizwert-a (coordination) tenna-d belli tifrat nettat d tiririt n yiselmaden-a γer yimukan-nsen n leqdic deg
usselmed n tmaziγt, akk-n ay d-teqqar tanaḍt (décret) 168/05 n 7 Mayyu 2007 yerzan ferru n wuguren, am wakk-n yessefk
γef yemḍebbren d-yelhan ed temsal n yiselmaden-a ad qadren ay-n d-yeddan deg tebṛat (circulaire) 446/07 [tabṛat-a
teqqar-d belli aselmad yessefk ad yessγer, ma aṭas, setta n trebbaε n yinelmaden, dγa d ay-a ara yejjen
inelmaden ad fehhmen axir]. Tasmizwert tessutter daγen ad d-bdunt lemcawṛat ed yiselmaden, am wakk-n d-tger tiγri
i wakk iselmaden niḍen akk-n ad bedden γer yidis n yiselmaden n tmaziγt u ad ḥedṛen deg tγimit
n tmeskant (sit-in) ay gan.
Wid yettekkan deg Temγunt n yizerfan n wemdan (Ligue des droits de l’homme), seg tama-nsen, ṛuḥen
γer yiselmaden igan asunded (grève) akk-n ad asen-d-sseknen belli bedden γer yidis-nsen. Seg yidis niḍen,
SNAPAP (Anmalu aγelnaw afulman n yiqeddacen n tedbelt tazayezt - Syndicat national autonome des personnels de l’administration
publique) s yisem n Ferrah Atmane, Mekhanek Benyoucef ed Djillali Hamrouni (aselway
n tfidiṛalit taγelnawt n ussileγ asadar [formation professionnelle] n SNAPAP) nnan-d ula d nitni belli atni
bedden γer yidis n yiselmaden n Tubiret. Yiwen seg wid yettekkan deg tfagla (délégation) n SNAPAP yenna-d belli iselmaden-a,
”imi ay uwḍen alama ay d-usan γer da, lmeεna-s ulac ccek belli sεan uguren d imeqranen”.
Yessefk ad d-nger tamawt belli iselmaden igan asunded (grève) bγan ad d-jebden, tikkelt niḍen, lwelha n
Boubekeur Benbouzid, aneγlaf (lewzir) n tteṛbeyya. Deg tgara, yessefk ad d-nxebber belli sin seg wid ay d-yusan
s yisem n umussu aγerman (mouvement citoyen) ṭṭfen-ten yemsulta (ibulisen). Yuγ lḥal, sin-a usan-d
akk-n ad ttekkin deg usunded (grève) n laẓ n yiselmaden n twilayt-nsen.
Iselmaden εewwlen ad kemmlen asunded-nsen (grève) alama d asmi ara asen-d-gen ay-n la ssutturen, γef way-a
ay yessefk γef weγlif (ministère) ad d-yaf γef zik lḥal tifrat i wugur-a ay izemren ad yaweḍ s
ay-n niḍen.
Seg La Dépêche de Kabylie n 30 Tubeṛ 2007
Sγur Lynda Louifi
Tasuqilt sγur Omar Mouffok
Ass wis tlata n usunded* n laẓ n yiselmaden imguta** n tmaziγt
*grève
**contractuels
30 Tubeṛ 2007
Deg yiwet n tegnit yettuγḍen ay d-bdan yiselmaden imguta (contractuels) n tmaziγt n Tubiret ass-nsen
wis tlata n usunded (grève) n laẓ (iḍelli 29 Tubeṛ) sdat Wexxam n Tγamsa (Maison de la presse) Tahar
Djaout, deg Ldzayer tamaneγt.
S way-a, iselmaden-a la d-sskanayen belli εewwlen ad kemmlen imenγi-nsen alama yettunefk-asen-d way-n la
ssutturen, meḥsub, alama rran-ten γer yimukan-nsen n leqdic. Yuγ lḥal, iselmaden-a qedcen yagi xemsa
n yiseggasen deg usselmed n tmaziγt. ”Nekni maci d imdanen ay yes ara reglen imerjan” ay aγ-d-tenna
yiwet n tselmadt. Uqbel, iεessasen n wexxam n tγamsa (presse) sqedcen iγil ed yiselmaden-a u εerḍen
ad ten-sferqen, yerna ula d tilawin yellan gar-asen ssemguclun-tent. Ay-n bγan ad t-gen iban.
Γef wakk-n d-yenna Osmane, imsulta (ibulisen) ur bγin ara ad jjen iselmaden igan asunded (grève) n laẓ
ad gen tiγimit n tmeskant (sit-in) akk-n ur d-ssawalen ara fell-asen ttawilat n uxebber. Iḍelli, gar yiselmaden
ay ssemguclun, llant ṛebεa n tselmadin, yiwet deg-sent s tadist, uwyen-tent γer sbiṭar n Mustapha Bacha,
imi ay feclent u yeγli uṭunsyu-nsen. Γas lḥal n yigenni icewwel deg wussan-a ineggura, iselmaden-a mazal
εewwlen ad kemmlen imenγi.
Γas iduba (autorités), u gar-asen aγlif (ministère) n tteṛbeyya taγelnawt, ur fkin ara akk azal
i way-n la ttgen yiselmaden-a, inmula (syndicats) n yiselmaden, LADDH (tamγunt n yizerfan n wemdan), ikabaren isertiyen
(partis politiques) iwehhan γer tugdut (démocratie), kra n yemdanen yettwassnen ed yemdanen n menwala, ladγa wid
izedγen sdat n Wexxam n tγamsa, bedden seg wul γer tama n yiselmaden n tmaziγt yeqqimen din. Sin seg wid
yettekkan deg leεṛac u ddan ed yiselmaden-a, ṭṭfen-ten yagi sendiḍelli yemsulta (ibulisen), sakk-in
bran-asen sdeffir ma beḥten-ten u stenyan aẓmaẓ amyagan (procès verbal).
Inmula (syndicats) la d-qqaren belli iselmaden-a ttalasen ad ssuttren ad asen-d-rren imukan-nsen n leqdic. Seg tama-ines,
CLA (Tasmizwert n tesnawiyin n Ldzayer – Coordination des lycées d’Algérie) tenna-d ”uqbel ad awḍen
yiselmaden γer taluft-a ay γef yettγaḍ lḥal, meḥsub asunded n laẓ [grève de la faim],
imeddukal-a-nneγ ttwaḍelmen yagi imi takadimit n Tubiret tfuk-asen iguta-nsen (contrats) seg yidis-ines kan nettat”.
CLA terna-d belli ”tamsalt-a terza taḥeqranit n wid yellan d imezwura deg usselmed n tmaziγt”, u tenna-d
”aγlif (ministère) n tteṛbeyya taγelnawt la irewwel γef tmasayin-ines (responsabilités), imi tifrat
tella”, ma d netta yeqqen allen-ines γef yiselmaden u la d-yettaf ssebba belli xuṣ̣ṣ̣en yimukan
n umeṣ̣ruf (postes budgétaires).
Γef wakk-n la d-teqqar CLA, tifrat nettat d ”tiririt n yiselmaden-a γer yimukan-nsen n usselmed n tmaziγt,
akk-n ay d-teqqar tanaḍt 168/05 n 7 Mayyu 2005, yerna ad yettuqader way-n d-teqqar tebṛat (circulaire) 446/07”.
CLA tehettet daγen akk-n ad d-bdunt lemcawṛat ed yinelmaden, am wakk-n ay d-tger tiγri akk-n ad bedden medden
ed yiselmaden-a u ad timγur terbaεt, imi d ay-a kan ay d abrid awḥid ay asen-d-yeqqimen akk-n ad d-awyen lḥeqq-nsen.
Seg tama niḍen, Aseqqamu Unnig i Timmuzγa (HCA), d tasudut (institution) yeqqnen γer tselwit (présidence),
iger-d ula d netta iman-is. Yuγ lḥal, Youcef Merahi, amaru amatu (secréraire général) n Useqqamu, yewεed iselmaden-a
akk-n ”ad yessiweḍ ay-n la d-ssutturen i tselwit n Tegduda (République), γef wakk-n ay aγ-d-yenna yiwen
seg yiselmaden.
Seg La Dépêche de Kabylie, 30 Tubeṛ, 2007, uṭṭun 1646
Sγur N. Belbachir
Tasuqilt sγur
Omar Mouffok
Tameddit n 29 Tubeṛ : yusa-d yiwen n umazun* n Benbouzid γer yiselmaden
*emissaire
Iḍelli
tameddit, tamarit tamatut (secrétariat général) n weγlif (ministère) n tteṛbeyya tuzen-d yiwen n umazun (émissaire)
akk-n ad yemlil ed yiselmaden igan asunded (grève) n laẓ γer-sen tlata wussan ay-a.
Mass
Khaldi, amaru amatu (secrétaire général) n uneγlaf (lewzir) n tteṛbeyya yenna-asen i yiselmaden-nni ad d-asen ass-a
(30 Tubeṛ), γef 9 n tṣ̣ebḥit, γer weγlif (ministère) akk-n ad d-afen tifrat i wugur-nsen,
γef wakk-n ay aγ-d-nnan yiselmaden. Amazun (émissaire) n uneγlaf yenna-asen i yiselmaden belli aγlif ”ur
yettuxebber ara γef tmeskant-a (protestation)”, yili, iselmaden bdan-tt-id seg unebdu-a iεeddan.
Seg
La Dépêche de Kabylie, 30 Tubeṛ, 2007, uṭṭun 1646
M.M.
Iselmaden igan asunded* la tent-ttaγen deg tezmert-nsen
*grève
31 Tubeṛ 2007
Axxam
n tγamsa (presse) Tahar Djaout, deg Ldzayer tamaneγt. Iḍelli, γef 4:45 n tmeddit, tenneṣ̣reε
yiwet seg tselmadin igan asunded (grève) yessefcel-itt εeyyu ed laẓ, dγa uwyen-tt ssrabes n Ummesten aγarim
(protection civile) γer sbiṭar n Mustapha Bacha, deg Ldzayer.
Iselmaden
n tmaziγt igan asunded (grève) n laẓ llan ḍemεen s tidet ad frun uguren-nsen deg temlilit ay gan ed
Weγlif (ministère) n tteṛbeyya taγelnawt, maca aneggaru-a yefka-asen-d tifratin ay ten-ixeyyben.
Iselmaden-a
aṭas ay ṛjan. Sakk-in, mi ay ten-yemmuger umaru amatu (secrétaire général) n weγlif (ministère), Mass Khaldi,
sqerdcen id-s, maca ay-a ur d-yegli ara s tifrat-nni ay llan ssaramen-tt. Iselmaden ugin tifratin ay asen-d-yefka Benbouzid,
u nnan-d belli γas akk-n qedcen xemsa n yiseggasen deg usselmed n tmaziγt, tifratin ay asen-d-fkan ”ssexlaεent”.
”Aγlif yegguma ad yesteεṛef s way-n la nessuttur”, ay aγ-d-yenna s leḥzen uneṭṭaq
(porte-parole) n tfagla (délégation) n yiselmaden-a.
Khaldi
yefka-asen-d snat n tifratin deg temlilit-nsen. Tamezwarut nettat d aεiwen n yiselmaden-a akk-n ad gen tannanin (stages)
ya deg Tesdawit n ussileγ yettkemmilen (Université de formation continue – UFC), ya deg Usudu (Institut) n ussileγ
n yiselmaden n Ben Aknoun. Ma deg way-n yerzan tuqqla-nsen γer leqdic, aneṭṭaq (porte-parole) n yiselmaden-a
yenna-d belli ”Khaldi yebded γef wawal-ines u yenna-aγ-d : ur tezmirem ara ad teqqlem γer yimukan-nsen
n leqdic, bitt, yenna-aγ-d : werjin ad teqqlem γer-sen”. Aneṭṭaq-nni yerna-aγ-d belli ”asmi
ay aγ-yeḥwaj Uwanak (ddula), yeγra-aγ-d, ass-a, yenkeṛ-aγ”.
Yuγ
lḥal, yessefk ad d-nesmekti belli gar yiselmaden-a igan asunded (grève) llan yibabaten n twaculin ed yiwet n tmeṭṭut
s tadist, yerna ur tesεin ara akk amedxul. Maca iselmaden-a ur gzimen ara assirem, yerna la ggaren tiγri i uselway
n Tegduda (président de la République) akk-n ad
tefru taluft-nsen u ad asen-yettwag way-n la ssutturen, yerna d lḥeqq-nsen kan ara ssutturen.
”Aselway
n Tegduda (président de la République) yessefk
ad d-iger iman-is qbel ad terwi tegnit ugar n wanect-a, ladγa imi seg melmi kan ay d-yessawel γef uεiwen n
yelmeẓyen” ay aγ-d-yerna uneṭṭaq n yiselmaden-a.
”Taluft-a
tesεa tifrat-ines, ur yessefk ara ad rewlen fell-as” ay d-yerna yiwen n uselmad. Γas ma yella deg tegnit iweεṛen
ay llan, qqimen i usemmiḍ ed ugeffur, iselmaden-a εewwlen ur ttajjan ara imenγi-nsen. Yagi, tiririt-nni ay
asen-d-yefka weγlif n tteṛbeyya ur asen-terẓi ara ifadden wanag tessejhed deg-sen lebγi akk-n ad kemmlen
assutter n wezref-nsen (droit).
Yessefk
ad d-nesmekti belli inmula (syndicats) n tteṛbeyya, ikabaren isertiyen (partis politiques) iwehhan γer tugdut (démocratie),
imdanen yettwassnen ed medden n menwala ddan-d akk γer yidis n yiselmaden imguta (contractuels) n tmaziγt n Tubiret.
Ula
d amesnilsi (linguiste) Abdennour Abdesselam yebded γer yidis-nsen, u yura-d yiwen n welγu (communiqué) ay deg nezmer
ad nγer ”tura nettkel γef Useqqamu Unnig i Timmuzγa (Haut Commissariat à l’Amazighité – HCA”.
”Deg lweqt ay deg ssrabes n Unesco la d-ttεeyyinen belli iles-nneγ yezmer ad yenger, aγlif (ministre)
n tteṛbeyya, γef wakk-n d-yettban, yefṛeḥ s lexbar-a yerna la t-yesseqdac akk-n ad d-yesseεjel
angar n yisel-nneγ”. A. Abdesselam yerna-d deg welγu-ines belli ”... iles amaziγ yekka-d γef
tegnatin iweεṛen ugar n ta, yerna yessukkes-d iman-is seg-sent”. Am wakk-n ay as-yekkes ugur i Benbouzid
u yenna-as belli Unesco, ay d-yelhan ed weḥraz n yilsawen ad yili d netta ay ”d tifrat-nneγ taneggarut”.
Deg
tgara, yessefk ad d-nesmekti belli iḍelli (30 Tubeṛ) d ass wis ṛebεa seg wasmi ay bdan yiselmaden imguta
(contractuels) n Tubiret asunded-nsen n laẓ, yerna εewwlen ad t-kemmlen alama d asmi ara frun wuguren-nsen.
Seg
La Dépêche de Kabylie n 31 Tubeṛ 2007
Sγur
N. Belbachir
Tasuqilt sγur
Omar Mouffok
Iselmaden izewlanen* ddan-d ed yimeddukal-nsen imguta**
*titulaires
**contractuels
Iselmaden
imguta (contactuels) n tmaziγt n Tubiret la ttgen asunded (grève) n laẓ sdat n Wexxam n tγamsa n Tahar Djaout,
deg Ldzayer tamaneγt yerna imeddukal-nsen, iselmaden izewlanen (titulaires) n Tubiret ur qqimen ara d isemmaḍen
sdat n tegnit am ta. Yuγ lḥal, iselmaden-a ssuffγen-d yiwet n tseγrut ay deg d-nnan belli ”bedden
γer tama” n yimeddukal-nsen ”imguta ay ssuffγen seg leqdic sdeffir ma qedcen kra n yiseggasen”.
Deg lkaγeḍ-nni ay d-ssuffγen u yuweḍ-aγ-d ula d nekni, iselmaden izewlanen la ggaren tiγri
i ”ssrabes ay terza temsalt akk-n ad qedcen s tidet akk-n ad frun taluft-a u ad as-d-afen tifratin ay tt-iwatan”.
Seg
La Dépêche de Kabylie n 31 Tubeṛ 2007
Sγur
M. Smaïl
Tasuqilt sγur
Omar Mouffok
Ẓer daγen :
