|
Tamaziγt deg tesdawit n Agadir
6 Ctembeṛ 2007 
Aγlif (ministère) ameṛṛuki n usselmed aγelnaw akk ed welmud imineg (enseignement
supérieur) iwekkel Tasdawit n tsekliwin (littératures) akk d tussniwin talsiyin (sciences humaines) yeqqnen γer Tesdawit
n Ibn Zohr, deg Agadir, deg Meṛṛuk, akk-n ad teldi afurk (filière) i tezrawin (études) timaziγin.
Inelmaden ara yeγren deg ufurk-a (filière), ad lemden ay-n yellan d llsas deg wenrar n yiles
akk ed tsekla tamaziγt. Taγuri-nsen ad tebḍu γef setta yimesḍisen (semestres), ad teṭṭef
tlata n yiseggasen u mi ara faken, ad asen-yettunefk ugerdas n turagt (diplôme de licence).
Γef leḥsab n Abdallah El Mountassir, win ay d-yelhan d usseqεed n lecγal deg
ufurk-a (filière), ”yiwen seg yeswan (buts) n llsas n ufurk-a netta d attekki deg ussekcem n yiles akk ed yedles amaziγ
deg unagraw (système) n usselmed aγelnaw (national) ameṛṛuki”. (Kemmel ...)
29/04/2007 
Slimane Azem, ameqran deg yimedyazen-icennayen n Tmurt n Leqbayel, yemmut u yettwamḍel deg lγerba deg 1983. D acu kan, dduṛt-agi ad d-yeqqel γer
tmurt-ines.
Acḥal n yiseggasen ay ttwamenεent tezlatin n Dda
Slimane seg ṛṛadyu d tilibizyu n Ldzayer, d acu kan, medden akk llan ssnen-tent u cennun-tent-id. Ccna-ines ur
yelli d tizlatin n zzhu ur nemεin wanag d isefra yesεan lmeεna meγγren, d wid yettḥazen medden
deg wul-nsen. Slimane Azem yecna γef lγerba (A Muḥ, a Muḥ ; Aγrib, abeṛṛani ;
Afrux Ifirelles), am wakk-n yecna γef werway ay rwint lumuṛ deg ddunit-a (Terwi, tebberwi,
atg.), u yesmekti-d i waṭas n medden terẓeg d lweεṛan n tudert deg lγerba.
Taγiwant (commune) n Wegni Geγran tessebded-d Aseqqamu
akudan (comité provisoire), u d amγiwan (lmir) ay d imḍebber-ines. Deg 23 Yebrir iεeddan ay yebda useqqamu-a
la yeγγaz amkan anda ara yettwabnu usektu (stèle) i Slimane Azem. Amkan-a yuzga-d sdat n tsenbert (place) n taddart
yernu d tiddukla ay t-id-ifernen. (Kemmel ...)
Agezdu* n tmaziγt
deg Tubiret : ar melmi ?
*département
Akk ay-n yettwagan i lmend n welday n ugezdu (département) n tmaziγt deg Tubiret ur yenfiε i wacemma aseggas-a.
D ay-a ay yejjan iselmaden n tesdawit, inelmaden d kra n medden niḍen ad gen yiwet n tsakbabt (pétition) deg wussan-a
iεeddan akk-n ad qennεen imḍebbren dakk-n yessefk ad yettwaldi ugezdu-a. Yuγ lḥal, aṭas ay-a
seg wasmi ay ssuttren ad bdun asselmed n tmaziγt deg tesdawit n Tubiret, maca aseggas-a, d anemhal (directeur) n
tesdawit akk d weγlif (ministère) n usselmed aεlayan ay yegguman.
Tasdawit n Tubiret llan deg-s ass-a yigezda (départements) n tussniwin tizerfanin (sciences juridiques), n tesnafsit
(psychologie) akk d tsekla (littérature) taεṛabt. D acu kan, tlata n yiselmaden ay d-ilulen deg Tubiret u qeddcen deg
tesdawit n Tizi Wezzu heyyan-d yiwen n wahil (programme) n usselmed n tmaziγt u fkan-t i unemhal n tesdawit n Tubiret.
(Kemmel ...)
Timlilit deg Barcelona seg 26 γer 28 Yebrir 2007
*Standardisation
Acḥal
n yiseggasen ay-a seg wasmi ay teqqel Spenyul, u ladγa Katalunya, d taqaεet anda ara d-yettili leqdic γef tmaziγt.
Ay-a yennerna ugar seg wasmi ay d-iga wemni (parlement) akatalani tasemtert (recommandation) akk-n ad skecmen tamaziγt
γer tesdawit d yiγerbazen (llakulat) u iga-d tasumert (motion) ay deg yebded γer yidis n Yimaziγen yettnaγen
γef yizerfan-nsen (lḥuquq) deg tmura-nsen tineṣ̣liyin.
Deg sin n
yiseggasen-a ineggura, bdan la sselmaden tamaziγt
deg kra n yiγerbazen (llakulat) n ddula deg Katalunya. Nnig way-a, Ammas n Yilsawen Itraren (Centre de Langues Modernes)
n Tesdawit n Barcelona iga-d ahil (programme) akk-n ad sseγren wid ara yeqqlen ad sseγrayen tamaziγt dinna
u tettekka deg leqdic-a tsudut (institution) n Linguamón – Casa de Llengües (Axxam
n Yilsawen). (Kemmel ...)
(22/04/2007)
*Centre
Ammas
aγelnaw aslemdan d wesnilsi i lmend n usselmed n tmaziγt (Centre national pédagogique et linguistique pour l’enseignement
de tamazight) sbedden-t-id deg useggas n 2003, d acu kan, seg wass-nni ay yeqqim ur yesεi yettusseqεed seg sdaxel,
ur banen lecγal-is.
Ammas-a
(centre) d yiwen seg tsuda (institution) ay d-yettusbedden i lmend n wesnerni n yedles d yiles amaziγ u d yiwet seg tγawsiwin
ay d-terbeḥ tmaziγt [deg Ldzayer], imi ammas-a d win ara yesjehden asselmed d unadi deg wenrar n tmaziγt.
Anadi γef tmaziγt ar ass-a werεad ur yeqεid akk-n yessefk, llan kra n yemnuda d iwiziyen (bénévoles) u
tikkwal d Aseqqamu Unnig i Timmuzγa (HCA) ay d-ilehhun d uṣ̣eggem n lecγal n unadi imi ay yennum itteg-d
ussan n tezrawin (études), timliliyin n yimuzzag (spécialistes) d temliliyin niḍen, d acu kan, γas ma yella timliliyin-a
ssuffuγent-d isemtar (recommandations), ulac tasudut ara iqedcen s yisemtar-a deg wenrar neγ ad tḥettem medden
ad qedcen yes-sen. Ihi wa d yiwen seg lecγal ay
nessaram ad d-yelhu id-s wammas-a. (Kemmel ...)
*département
22
Yebrir, 2007
Deg
wussan n 17 ar 19 Yebrir iεeddan, tiddukla Itri Adelsan n Weqbu tesfugel asmekti wis 27 n Tefsut n Yimaziγen s wussan
n tewwura yeldin γef ugezdu (département) n yiles d yedles amaziγ n tesdawit Mouloud Mammeri n Tizi Wezzu.
Inebgawen
ay d-yusan seg ugezdu-a (département) d Mohand Akli Salhi, iqeddcen d aselmad n tmaziγt deg tesdawit n Tizi Wezzu, Saïd
Chemakh yettekkan deg Useqqamu Unnig i Timmuzγa (HCA) akk d tlata n yinelmaden n tmaziγt deg tesdawit n Tizi Wezzu
yellan qrib ad faken tizrawin-nsen (études).
(Kemmel ...)
*littérature
22 Yebrir 2007
Imḍebbren
n wexxam n yelmeẓyen n Ayt Maεuc εerḍen ad sfuglen (célébrer) ass n 20 Yebrir akk-n iwata.
I lmend
n wass-nni, axxam n yelmeẓyen yeεreḍ-d imseḍru (réalisateur) Abderrahmane Bouguermouh akk d memmi-s
n umaru Mouloud Feraoun, Mass Ali Feraoun, u gan yiwen n usarag (conférence) deg sin yid-sen, yeεjeb-asen aṭas
i wid ay iḥedṛen. Mass Bouguermouh yenna-d deg usarag-nni dakk-n « s lfeṛḥ d ameqran ay d-qqleγ
akk-n ad ẓreγ tamurt ay deg d-yettwakles (tourner) usaru (lfilm) aγezfan amezwaru s tmaziγt, Tawrirt
Yettwattun », am wakk-n ay d-yessawel γef wuguren yemgerraden (yemxallafen) ay d-ttemlilin wid ixeddmen isura deg
Ldzayer u yenna-d « nesḥissif imi ala d wid d-yettgen leqdicat n diri umi ttgen ifadden ». (Kemmel ...)
Taγlamt*
n tfinaγ tebda-d deg wass n 23 Yebrir
deg Meṛṛuk
*caravane
(20/04/2007)
Deg wass n 23 Yebrir iεeddan ay d-tebda Teγlamt (caravane) n Tfinaγ tis tlata deg tmurt n Meṛṛuk. D tiddukla Ziri ay tt-id-yebdan
deg temdint n Wejda, u yettekka deg-s Usudu Ageldan n Yedles Amaziγ (Asinaw Ageldan i Tussna Tamaziγt IRCAM) akk
d Ittisalat Al Maghrib. Taγlamt-a d yiwet n terbaεt ara yezzin γef yiγerbazen (llakulat) n Meṛṛuk deg tmiwa yemgerraden akk-n
ad sεelmen medden γef tfinaγ yernu tikkelt-a, tikli n teγlamt-a ad teqqim alama d ayyur n Tubeṛ
n useggas-a. Alγu (communiqué) n tiddukla Ziri yettxebbir-d dakk-n ass n lexmis, taγlamt ad teddu γer
tama n Waṭlas u ad teḥbes dinna deg 8 n tkadimiyin, tigi d tikadimiyin n Fas-Bulman, Γarb-Crarda-Bni Ḥsen,
Meknas-Tafilalt, Tadla-Azilal, Ccaweyya-Urdiγa, Dukkala-Abda akk d Wexxam Amellal Ameqran, u ad taweḍ teγlamt
alama d Rbaṭ-Salé-Zemmur-Zaër u terzu, deg tikli-agi-ines taγezfant ugar n 100 n yiγerbazen.
(Kemmel ...)
*nouvelles
Laṛebεa
11 Yebrir 2007
Timsizwert
tis setta n tlawin yettarun tullisin (nouvelles) deg tmura n Wegrakal (Méditerranée) d tin yebdan seg wayyur n Fuṛaṛ
iεeddan u mazal ad tkemmel alama d taggara n Mayyu. Timsizwert-a zemrent ad ttekkint deg-s akk tilawin tidzayriyin n
wakk iswiren (niveaux) n leqraya d wakk leεmaṛ Zemrent ad ttekkint s tullist ur nettεeddi ara i 10 n yisebtar
(pages), tura s taεṛabt, s tefṛensist neγ s tmaziγt, d acu kan, yessefk γef myall-is ur tettili
ara tessuffeγ-d yagi kra n tullist neγ kra n wungal deg wedlis.
Timsizwert-a
tga-tt-id tiddukla n « Femmes en communication » (Tilawin deg teγwalt) s wemεiwen akk d Forum des Femmes
(Anmager n Tlawin). Asentel (thème) n temzizwert n useggas-a netta d « asfur » (masque). Wid igan timsizwert-a bγan
ad gen ifadden i tmeṭṭut akk-n « ad taru, ad d-tessiwel γef yiγeblan-ines u ad d-tessuffeγ
akk ay-n teffer ». D ay-a ay d-tenna tselwayt n tiddukla, Massa Nafissa Lahreche i APS. (Kemmel ...)
*célébrer
23 Yebrir 2007
Mkira (Tizi Wezzu) – Aseggas-a, deg Mkira, d tiddukla tadelsant Tad’art, n taddart n Imεanden ay igan tameγra n Tefsut n Yimaziγen, deg lweqt ay deg
ilindi, d tiddukla Aider n taddart n Taṛemmant ay d-yelhan id-s.
Γas ma yella tlata kan n yiseggasen ay-a seg wasmi ay d-tettussebded, tiddukla Tad’art tga tameγra-a
akk-n iwata. Ahil (programme) ay d-theyya tiddukla-a d win yeṭṭfen dduṛt s lekmal-is, d ay-a ay yejjan akk
ilmeẓyen d yigerdan n taddart ad ttekkin deg leqdicat n yedles d waddal (sport) deg temsizizlin-nni (concours) akk ay
yettwagan. (Kemmel ...)
*bibliothèque
Deg wass n 20 Yebrir ay tettwaldi temkarḍit n Tkanna, i lmend n wesfugel (célébration) n Tefsut
n Yimaziγen. Taddart-a tuzga-d deg tγiwant n Wayt Yeḥya ay γef
tebεed s 5 n yikilumitren. Aseggas-a, tameγra n Tefsut n Yimaziγen
deg Wayt Yeḥya ur d-telli am leεwayed. D acu kan, tiddukla ”Tafrara” tga akk ay-n umi tezmer
akk-n ad tesfugel ass n 20 Yebrir akk-n iwata.
Deg taddart-a, anda ulac amkan anda ara zhun yelmeẓyen neγ ad kken
lweqt-nsen, alday n temkarḍit-a (bibliothèque) d ay-n llan ssaramen-t seg zik. Arezki Aït Salah, aselway n tiddukla,
yenna-aγ-d dakk-n d imezdaγen n taddart ay igan tacemlit, sgerwen-d idrimen,
uγen-d tiγawsiwin n lebni u ssulin tamkarḍit-a. Llan qeddcen ula deg wussan n
westeεfu, deg tgara n dduṛt. Ass-a, leqdic-nsen nettwali-t : tamkarḍit tuzga-d s ddaw
n tmesgida (ljameε) n taddart, yernu yecbeḥ mi ara tent-nwali akk-n
d tijiratin. (Kemmel ...)
(17/04/2007)
Kra kan n wussan uqbel n wesmekti wis 27 n Tefsut n Yimaziγen
d wesmekti wis 7 n Tefsut taberkant (ussan n 20 d 21 Yebrir), tiddukliwin tidelsanin deg Bgayet la qeddcent akk-n ad d-heyyint
ahilen (programmes) yemxallafen akk-n ad asen-rren tajmilt i yergazen n yedles d wid yefkan tudert-nsen d asfel i lmend n
tefsut-agi n lqerḥ. Leqdic yegget (yeṭṭuqqet) deg wakk timiwa n twilayt n Bgayet. (Kemmel ...)
(15/04/2007) 
Gar wussan n 5 d 8 Yebrir 2007, imezdaγen n Sedduq, Tamurt n
Leqbayel d Ldzayer s lekmal-is smektan-d Ccix Aḥeddad, yiwen seg yergazen yennuγen Ifṛensisen akk d lbaṭel-nsen
aberkan ay sεeddan γef wegdud-nneγ.
Deg wussan-nni n wesmekti, taγiwant (commune) n Sedduq akk d tiddukliwin
gant timzikkniyin (expositions) d yemzazwaren (concours). Nnig way-a, aseggas-a ara ifak ahat lemqam-nni ay as-bnan i Ccix
Aḥeddad, d amkan wuγur ara d-awin iγsan-is akk-n ad yettwamḍel deg wakal n taddart-is.
Lemqam-a yuzga-d deg wemkan umi qqaren Amdun n Sedduq, d
amkan anda ay d-yessegrew (yesnejmeε-d) Ccix Aḥeddad imezdaγen
n tama-nni akk-n ad asen-yini ad bdun imenγi d Yefṛensisen. (Kemmel ...)
Asselmed
n tmaziγt deg Tizi Wezzu : 250 n yimunan* deg wenrar
(09/04/2007)
 Tnac n yiseggasen seg wasmi ay tekcem γer uγerbaz (llakul), tamaziγt
mazal ur tufi ara iman-is ar ass-a. Γas ma yella aγlif (ministère) n usselmed yefka idrimen akk-n ad d-heyyin imukan
n leqdic i wid ara tt-yeslemden deg yal tama, tamaziγt werεad ur tekcim akk iγerbazen.
D acu kan , aseggas-a yella ussirem akk-n ad beddlent lumuṛ. Deg umekraḍ (trimestre)
wis tlata n useggas-a, 250 n yinelmaden ara d-yettheyyin ajdel-nsen (thèse) deg usselmed n tmaziγt yernu atni tura d imanunen
(stagiaires), la ttṛuḥun γer yiγerbazen anda ay ttselmaden tamaziγt akk-n ad ssnen ula d nitni
amek ara slemden iles n Masensen. Deg uγerbaz alemmas n Waytmaten Harchaoui, deg Dreε Lmizan [Tizi Wezzu] nemlal-d
ṛebεa n tmanunin. (Kemmel ...)
*nouvelles
Laṛebεa
11 Yebrir 2007
Timsizwert
tis setta n tlawin yettarun tullisin (nouvelles) deg tmura n Wegrakal (Méditerranée) d tin yebdan seg wayyur n Fuṛaṛ
iεeddan u mazal ad tkemmel alama d taggara n Mayyu. Timsizwert-a zemrent ad ttekkint deg-s akk tilawin tidzayriyin n
wakk iswiren (niveaux) n leqraya d wakk leεmaṛ Zemrent ad ttekkint s tullist ur nettεeddi ara i 10 n yisebtar
(pages), tura s taεṛabt, s tefṛensist neγ s tmaziγt, d acu kan, yessefk γef myall-is ur tettili
ara tessuffeγ-d yagi kra n tullist neγ kra n wungal deg wedlis.
Timsizwert-a
tga-tt-id tiddukla n « Femmes en communication » (Tilawin deg teγwalt) s wemεiwen akk d Forum des Femmes
(Anmager n Tlawin). Asentel (thème) n temzizwert n useggas-a netta d « asfur » (masque). Wid igan timsizwert-a bγan
ad gen ifadden i tmeṭṭut akk-n « ad taru, ad d-tessiwel γef yiγeblan-ines u ad d-tessuffeγ
akk ay-n teffer ». D ay-a ay d-tenna tselwayt n tiddukla, Massa Nafissa Lahreche i APS. (Kemmel ...)
*célébrer
23 Yebrir 2007
Mkira (Tizi Wezzu) – Aseggas-a, deg Mkira, d tiddukla tadelsant Tad’art, n taddart n Imεanden ay igan tameγra n Tefsut n Yimaziγen, deg lweqt ay deg
ilindi, d tiddukla Aider n taddart n Taṛemmant ay d-yelhan id-s.
Γas ma yella tlata kan n yiseggasen ay-a seg wasmi ay d-tettussebded, tiddukla Tad’art tga tameγra-a
akk-n iwata. Ahil (programme) ay d-theyya tiddukla-a d win yeṭṭfen dduṛt s lekmal-is, d ay-a ay yejjan akk
ilmeẓyen d yigerdan n taddart ad ttekkin deg leqdicat n yedles d waddal (sport) deg temsizizlin-nni (concours) akk ay
yettwagan. (Kemmel ...)
|
