Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Tamaziγt deg tesdawit n Agadir

 

6 Ctembeṛ 2007

Tasdawit n Ibn Zohr

 

Aγlif (ministère) ameṛṛuki n usselmed aγelnaw akk ed welmud imineg (enseignement supérieur) iwekkel Tasdawit n tsekliwin (littératures) akk d tussniwin talsiyin (sciences humaines) yeqqnen γer Tesdawit n Ibn Zohr, deg Agadir, deg Meṛṛuk, akk-n ad teldi afurk (filière) i tezrawin (études) timaziγin.

 

Inelmaden ara yeγren deg ufurk-a (filière), ad lemden ay-n yellan d llsas deg wenrar n yiles akk ed tsekla tamaziγt. Taγuri-nsen ad tebḍu γef setta yimesḍisen (semestres), ad teṭṭef tlata n yiseggasen u mi ara faken, ad asen-yettunefk ugerdas n turagt (diplôme de licence).

 

Γef leḥsab n Abdallah El Mountassir, win ay d-yelhan d usseqεed n lecγal deg ufurk-a (filière), ”yiwen seg yeswan (buts) n llsas n ufurk-a netta d attekki deg ussekcem n yiles akk ed yedles amaziγ deg unagraw (système) n usselmed aγelnaw (national) ameṛṛuki”.

 

Iles amaziγ la yettusselmed deg kra n yiγerbazen (llakulat) imenza deg Meṛṛuk seg useggas n tγuri n 2003-2004. Maca ttejṛiba-a tamaynut lulen-d id-s wuguren meγγren qqnen γer tesnadwelt (pédagogie) akk ed tesnelmudt (didactique) : assizeγ (standardisation) n yiles, assileγ (formation) n wid ara yesseγren, lebni n wallalen (instruments) n usselmed n llsas ...

 

Tullya n ufurk-a (filière) n tezrawin (études) timaziγin tella-d deg yiwet n tallit ay deg anadi γef tmaziγt yeqqel tura d taluft ay yerzan aṭas n tmura u lhan-d yes-s medden seg tmura yemgerraden (yemxallafen).

 

Ma d taγlamt (équipe) n yiselmaden ara iqedcen deg ufurk-a (filière) la d-teqqar attan tewjed akk-n ad tettekki deg yal leqdic n wemεiwen ussnan (scientifique) akk ed trebbaε niḍen.

 

6 Ctembeṛ 2007

Tasuqilt sγur Omar MOUFFOK

 

Taγbalut (source) : http://www.tamazight.biz/article886.html

 

 

Qqel γer usebter n umager 

 

 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37