Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Zik tella d aṭabu*, ass-a la ssawalen fell-as s lejheṛ : tinettit** tamaziγt deg Libya

 

*tabou

**identité

 

 

Ikufan imazighen n Qasr Al Hajj deg Libya

 

Tamsalt n Yimaziγen deg Libya teqqim 37 n yiseggasen d aṭabu, rran-tt deg yidis yerna ur d-yessawal fell-as yiwen, maca taggara-a iduba (autorités) n Libya rran-d ddehn-nsen γer-s yerna testeεṛef yes-s s lejheṛ.

 

Imezdaγen n Libya llan deg-sen 10 % n Yimaziγen neγ ”imdanen ilelliyen” (iḥuṛṛiyen), yerna wigi zedγen ladγa deg yidurar ay d-yezgan deg utaram (lγerb) n Ṭ̣rables neγ deg wenẓul (sud), deg ṣ̣ṣ̣eḥra n tmurt-a anda ara naf Imucaγ (Itergiyen). Imaziγen n Libya la ssutturen seg udabu ad yesteεṛef s tnettit-nsen (identité) tadelsant akk d yiles-nsen, yerna gguman imi ay ten-rran deg yidis seg wasmi ay d-tebda tegrawla (révolution) talibit deg 1969 d wasmi ay yuli Mouamar Kadhafi γer leḥkem deg tmurt-a. Yuγ lḥal, Kadhafi yeqdec acḥal akk-n ad yesseddu tamurt s yiwet n tsertit (politique) yettwabnan γef tkaεṛabt (panarabisme).

 

Deg Meγres iεeddan, Kadhafi yerna yenkeṛ tikkelt niḍen belli llan Yimaziγen deg Libya, u yeggul ar ad yessenger ”wid yebγan ad zerεen ssem n temharsa (colonialisme)”. Kra n wayyuren sakk-in, yeḍra-d way-n werjin neḍri deg tmurt-a, imi adabu alibi yuwey-id, gar 14 d 15 Γuct, imnuda akk ed yimeγnasen (militants) imaziγen γer yiwen n usensu (hôtel) d ameqran deg Ṭ̣rables akk-n ad sqerdcen γef ”timmuzγa” deg Libya ”gar tidettit (authenticité) ed tetrara (modernité)”.

 

Aselway n Weswir Amaḍlan (Congrès Mondial) amaziγ, Belkacem Lounès yesteṛḥeb s ”ussumer-agi (initiative) amezwaru yellan d asurif abγas (courageux) i lmend n wesqerdec γef yiwet n temsalt yesεan azal meγγren γer wakk Ilibiyen”. Amnadi amaziγ alibi Chichank Issa yenna-d, seg tama-s : ”timmuzγa n Libya d ajrid azewwaγ, ur yessefk γef yiwen ad t-iεeddi”. ”Tura nezmer ad nekkes abeḥnuq-nni yesberbren γef umezruy (ttarix) n Yimaziγen n Libya u ad d-nessken belli γer-neγ igiman (luluf) n yiseggasen ay-a seg wasmi ay nella da, yerna tudert deg Libya tebda-d uqbel ma uwḍen-d Waεṛaben”.

 

Yiwet seg tγawsiwin timeqranin ara ssutturen Yimaziγen n Libya netta d asteεṛef s tnettit (identité) akk ed yiles-nsen, maca la ssutturen daγen ad iεawed ad yettwaru umezruy (ttarix) n tmurt-nsen akk-n ara ”ttuqadren yismawen n wid d-yeqqimen deg umezruy u jjan-d lweṛt adelsan”  i Yimaziγen. Sin wussan sdeffir ma yebda wesqerdec, aneγlaf amezwaru (premier ministre) alibi Baghdadi Mahmoudi yedda γer Jebel Gharbi yellan d yiwen seg yimukan anda ggten Yimaziγen deg Libya (300 n yikilumitren γef Ṭ̣rables), u yessers din aẓru amezwaru i lmend n lebni n lluzin n ssiman, am wakk-n ay d-yerra tudert i yiwen n usenfar (projet) n lebni ay yettwaḥebsen, naqal, seg yiseggasen n 1990.

 

Seif Al-Islam, memmi-s n Kadhafi, yeldi, azekka-nni, yiwet n teγsart (centrale) n trisiti akk ed yiwen n uxezzan n waman d ameqran ay d-yezgan deg yiwet n tama εlayet 860 n lmitrat nnig lebḥeṛ. Axezzan-a, d asif-nni ”ameqran akellax (artificiel)” ay as-d-yessawaḍen aman, yerna d asif-a daγen ay d-yettawyen s yiqudas imeqranen, aman yellan ddaw tmurt, deg wenẓul (sud) γer tmiwa iqerben s iri n lebḥeṛ. Sin-a n yisenfaren (projets) [lluzin-nni d uxezzan-nni n waman] sqamen-d 400 n yimelyunen n weuroten, yerna, asmi ara faken, ad sselhun tudert n yimezdaγen n tama-a yettwaεezlen anda ur teqεid ara tmurt. Yuγ lḥal, imezdaγen-a ddren, ladγa, s tfellaḥt ay xeddmen deg yizuγar isennden s

adrar n Jebel Gharbi.

 

Mi d-yusa Seif Al-Islam γer tullya n yisenfaren-a, imezdaγen rran-as tajmilt s trmeγriwin ay deg llan yegmaren (iεudiwen), lmuziga akk ed ccḍeḥ. Yuγ lḥal, memmi-s n Kadhafi γer-s acḥal n yiseggasen ay-a seg wasmi ara yekkat γef temsalt n Yimaziγen deg Libya, s yisem n Tsudut (Fondation) n Kadhafi. Tiddukla-a tessaweḍ, deg 2006, ad tekkes yiwen n lqanun yettwagan deg 1970 u d win ay imenεen tukci n yismawen imaziγen i yigerdan, d ay-n umi tsemma tiddukla-a d ”lbaṭel ay γef ur tessefk tsusmi”.

 

Llan azal n 26 n yimelyunen n Yimaziγen u nitni d agdud aneṣ̣li deg Tefriqt n Ugafa (Nord). Agdud-a yedder deg yiwet n tmurt meqqren azal n 5 n yimelyunen n yikilumitren imkuẓen (carrés), seg Meṛṛuk alama d Ataram (lγerb) n Maṣ̣er. Imaziγen bḍan d tirebbaε yemgerraden (yemxallafen), maca yecrek-iten yedles (culture) akk ed yiles umi qqaren tamaziγt.

 

Taγbalut (source) : http://cbf.fr/article_leger.php3?id_article=827

 

Sγur : Mahmud Turkia – AFP

Ṭ̣rables (AFP) - 22 Γuct 2007

 

Tasuqilt sγur Omar Mouffok

 

Qqel γer usebter n umager

 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37