Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Tasegdalt* n Tubiret : D lateṛ la yetthuddun

 

*leḥṣ̣in / fort

 

26 Ctembeṛ 2007 

 

Tasegdalt (leḥsin) tateṛkit neγ Lbuṛj n Ḥemza, akk-n ay mazal qqaren-as kra, yeqqel ass-a d ixerban (ruines); d acu kan, ixerban-a yiwen ur la iqeddec akk-n ad iεawed ad ten-yebnu neγ, meqqar, ad ten-yeḥrez u ad asen-yeg leqrar.

 

Zik, Tasegdalt (leḥṣ̣in) tateṛkit tella tebded γef tiγilt umi qqaren Draa El Bordj, d tiγilt εlayen, u tekka-d sennig tsegdalt-nni, ula asmi werεad teγli tsegdalt-nni. Ass-a, tasegdalt-nni yebnan s tḍabit (prisé), la tetteqqel d aγebbar. Tiddukla n Umezruy ed Tesnadrizt (histoire et archéologie), γas yeqreḥ-itt lḥal, maca ur tessaweḍ ad teg acemma akk-n ad tḥudd amkan-a. Taswiεt-a, tiddukla-a tessaweḍ kan ad d-teg tamedyat (maquette) γef tsegdalt-nni akk-n tella deg tallit taεetmanit, asmi ay tettwabna.

 

Γef leḥsab n tmedyat-a (maquette), asektu-a (monument) ikecmen deg umezruy n tmurt, yebna-t Hasan Qurṣ̣u deg 1542. Tasegdalt-a (fort) tella temmug am yetru bu tmanya tuccar. Yal tiγmert seg-s yella deg-s lmedfeε. D wa ay d leslaḥ ay yes llan ttḥuddun akk tamurt ay d-yezzin i tsegdalt-a, yerna iεdawen ur yeshil ara fell-asen ad d-qerrben γer-s.

 

Γef leḥsab n uduktur Djeridane, aselway n tiddukla-a, tasegdalt-a (leḥṣ̣in) tettekka deg sin n yimenγiyen. Amenzu, deg tizi n 1700, asmi, yiwen seg yibayen (beys) n Mejjana (Lbuṛj Bu Σṛiṛij) yeεreḍ ad yeffeγ i leḥkem aεetmani, yessker-d tanekra timselleḥt u yemmeγ-d γef tsegdalt-nni. Asmi ay d-kecmen Yefṛensisen u uwḍen γer tama n Tubiret deg 1832, tasegdalt-a turar dduṛ d ameqran deg yimenγi akk ed Fṛansa. Imir-n, Ldzayer tella tebḍa γef tmanya n texlifin (khalifa) ama seg yidis n tedbelt (administration) neγ seg yidis aserdasi (militaire). Taxlift wuγur teqqen tsegdalt-a meγγret, akal-is yeṭṭef seg yidurar n Biban alama d Ldzayer. Seg-s ay d-bdant acḥal n tnekriwin (révoltes) mgal (contre) yiγallen n Fṛansa yellan ffren deg temdint n Ldzayer akk d Birxadem. Tinekriwin-a d Ḥmed Bensalem, win iḥekmen taxlift-nni, ay tent-id-yessekren. Maca, deg 1847, wid yellan deg tsegdalt-nni knan (se rendre) i Fṛansa, yerna igen (armée) afṛensis yessers din tarbaεt d tameqrant seg yiserdasen-is (iεsekṛiyen).

 

Imir-n, Fṛansa tεawed tebna tasegdalt-nni (leḥṣ̣in) u gar 1954 d 1962, sqedcen yiserdasen ifṛensisen amkan-a i weḥbas akk ed uεetteb n yemjuhad, γef leḥsab n uduktur Djeridane. Tamedyat (maquette) ay d-yersen deg umezgun n tγiwant (théâtre communal) n Tubiret tecbeḥ yerna tezmer ad tεawen deg uṣ̣eggem n tsegdalt-nni.

 

Yuweḍ-d lweqt akk-n ad as-nεawed lebni i tsegdalt-a (leḥṣ̣in) ma nebγa ad d-nessukkes aḥric seg umezruy-nneγ (ttarix) u ad d-nerr tudert i tmerrit (tourisme) yesεan aṭas ay-a seg wasmi yexsi deg twilayt-nneγ.

 

 

Seg El  Watan, 26 Ctembeṛ, 2007

 

Sγur Ali D.

Tasuqilt sγur Omar MOUFFOK
 
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37
 
Tararast taneggarut : 24 - 10 - 2007