Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Arraz i umezgun amaziγ deg Meṛṛuk

Tamezgunt tamazight deg Merruk

 

Akk-n ad d-yeflali yedles amaziγ, yennulfa-d warraz ara yettunefken i wid iẓewren deg wenrar-a.

 

Arraz-a yerza amezgun (théâtre) amaziγ [deg Meṛṛuk], semman-as arraz n yedles amaziγ u win ara t-yawin ad t-nessen deg wayyur-agi n Tubeṛ. D Tiddukla Tameṛṛukit n Unadi akk d wembaddel adelsan ara t-yefken i win ara d-yettwafernen yuklal-it.

 

Deg wussan n Tfaska taγelnawt (festival national) tis setta n umezgun amaziγ ay teεzem tiddukla-a ad d-tesnulfu arraz-a. Seg wasmi ay d-tennulfa tiddukla-a ara tqeddec akk-n ad d-yeflali yedles amaziγ u ad nnernin wuẓwiren yebdan tikli-nsen deg wenrar-a. Maca, uqbel kulci, tiddukla-a tga leqdic d ameqran akk-n ad yaf yedles amaziγ amkan-is deg wenrar n yedles ameṛṛuki, yerna twet akk-n ad yettusteεṛef s yedles amaziγ u ad yettwaḥseb d idles i yiman-is, s ccan-is, u ad yettuqader akk-n yella. D acu kan, ccγel am wa yeḥwaj assekcem n yiles amaziγ seg ussileγ (formation) n yikataren (cadres) imi d ay-a kan ara yejjen ayt yedles amaziγ ad sseddun imenzayen-nsen (principes) akk-n yessefk.

 

Ay-n yejjan daγen tiddukla-a ad d-tesnulfu arraz-a netta d lebγi-ines akk-n ad tesseddu iles amaziγ, yerna iles-a d ttawil yesεan azal akk-n ad ssiwḍen yes-s i medden ay-n yessefken ad t-ẓren neγ ad t-lemden. Maca, wid ay d-yesnulfan arraz-a mmugren-d yiwen wugur, wten akk-n ad t-kksen seg webrid-nsen akk-n ad kemmlen leqdic-nsen u ad ssiwḍen s iswi (but). Ugur-a netta d assetrer (modernisation) n yiles amaziγ, imi iles-a yessefk ad yernnerni u ad yeddu ed tallit n wass-a akk-n ur isebbek ara kan deg way-n yellan d aqbur u ad yesbek id-s yedles. Yuγ lḥal, lemmer ad yeqqim yedles d ukrif, ur itteddu γer sdat, ad yeqqel d win yesserwalen medden, urd win ay ten-id-ijebbden.

 

Leεtab ay tεetteb tiddukla-a γef yedles amaziγ yeqqel yewwi-d lfayda. Asselmed n tmaziγt yesskanay-d ay-a yerna ass-a, iles amaziγ la tteqqlen γer-s ula d Imaziγen-nni ay t-yejjan acḥal ur la t-ssawalen. Dγa la nettwali yebda la d-itteqqel laman akk d zzux d lfeṛḥ s tneṣ̣lit γer medden, yili zik llan la ttxemmimen idles amaziγ ur yenfiε i wacemma yerna ur yuklal ad as-nefk azal u ad neqdec fell-as. Taγawsa niḍen ay d-yesskanayen amek ay tessaweḍ tiddukla-a γer yeswi-s (but) netta d tuffγa n waṭas n yisura, iklipen, tizlatin akk ed tmezgunin (pièces de théâtre) s yiles amaziγ, yerna simal la rennun tteffγen-d wiyaḍ.

 

Ass-a, tiddukla-a tuweḍ alama ara tetteg tifaskiwin (festivals). Gar tid ay d-tga, nezmer ad d-nebder Tafaska n usaru amaziγ (taẓrigt [édition] tis snat), Tafaska n umezgun amaziγ (taẓrigt tis setta), Tafaska n umezgun n wegrud amaziγ (taẓrigt tis 3), Tafaska n tẓuryin timaziγin (taẓrigt tis snat), Tafsut n Yimaziγen n Rbaṭ (taẓrigt tis 3), war ma nettu assuffeγ n 41 n yedlisen γef yedles akk ed tnettit (identité) tamaziγt.

 

Arraz-a ay d-tesnulfa Tiddukla tameṛṛukit n unadi akk d wembaddel adelsan (tagzimt [section] n Agadir) gan-t-id i lmend n wesnerni n umezgun amaziγ, u yennulfa-d deg wussan-nni n Tfaska tis setta n umezgun amaziγ ay d-yellan gar 28 Yunyu d umenzu n Yunyuz 2007. Iswi-ines (but) netta d aεiwen n yelmeẓyen yebdan tikli-nsen deg umezgun amaziγ akk-n ad d-banen u ad ttwassnen ladγa imi ay llan aṭas n yelmeẓyen yettgen amezgun maca ur la d-ttbanen ara. Akk-n ad ten-εiwnen, tiddukla-a teγra-d i tmanya n trebbaε yettgen amezgun, usant-d seg temdinin yemgerraden n Tgelda (Royaume), gar-asent Lḥusima, Inezgan, Rbaṭ, Agadir, Naḍur, Ayt Mellal akk ed Xmisat.

 

I wesmekti, ttunefken warrazen i yinuẓar (ifennanen) ay iẓewren deg leṣ̣naf yemgerraden (yemxallafen) n tẓuri (art) : yettunefk warraz n weḍris amalay (meilleur texte), arraz n turart tuntit (interprétation féminine) tamalayt, asseḍru (réalisation) tamalayt, tasinugṛafit (scénographie) tamalayt akk ed warraz n unadi amalay akk deg tẓuri n umezgun. Ma d win ara yawyen arraz n yedles amaziγ i lmend n umezgun (u d win ara yettunefken i lmend n tfaska taγelnawt n umezgun amaziγ), ur t-nettissin ara alama d ayyur-a n Tubeṛ. Tiddukla tameṛṛukit n unadi ed wembaddel ad d-tefren win ara t-yawyen u ad as-t-tefk s lfeṛḥ d ameqran.

 

Seg Albayane

Taγbalut (source) : http://www.tamazight.biz/article888.html

6 Ctembeṛ 2007

Tasuqilt sγur Omar MOUFFOK

 

 

Qqel γer usebter n umager

 

 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37