Make your own free website on Tripod.com

Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 

Fatima Bououchane : Tameṭṭut ay d-yerẓan asalu n ssinima tamaziγt

 

Anwa ur neẓri ara isura n Bu Tfunast, Tihiya, Tamγart n Wureγ neγ Tigigelt ? Isura-a, d wid ay d-yerẓan asalu deg ssinima n tamaziγt ay ten-id-igan, d Imaziγen ay ten-id-igan yerna ssawalen s tmaziγt, aṭas n medden ur ten-nessin ara, maca isura-a sseḍsen u ssrun aṭas n medden niḍen ula deg tuddar tubεidin akk n Ssus akk d tmiwa niḍen n Meṛṛuk anda ay ssawalen tamaziγt. Fatima Bououchane d yiwet seg wigi. Asmi ay tfuk taγuri deg uγerbaz (llakul) amenzu, Fatima teqqel tettaru isefra s taεṛabt akk d tmaziγt. Asmi ay tesεa 16 n yiseggasen, teqqel d «tanaddamt», am yinaddamen imaziγen n Ssus.

 

Deg 1970, Ssi Abdallah Anidif, ad t-yeṛḥem Ṛebbi, yellan d amekfaḍu (animateur) n d aneγmas (amesjeṛnan) ameqran n terga n tmaziγt n RTM, u d win yettwassnen s yisem n  Σemmi Musa, yefka-as i Fatima yiwet n tesgilt (nnuba), d nettat ara tt-id-yettqeddimen deg ṛṛadyu s tmaziγt. Tasgilt-a isem-is Lḥadit n Temγart, u teqqim Fatima la tt-id-tettqeddim sin n yiseggasen, yal ass n lexmis, deg ṛṛadyu n Agadir. Sakk-in, Fatima teffeγ seg ṛṛadyu u tedda γer temdint n Leεyun anda ay teqdec deg yiwet n teṛmist (takebbanit) n ṣ̣ṣ̣yada n yiselman. Tella mazal-itt meẓẓiyet.

 

Fatima tekka deg Leεyun telṭac n yiseggasen, sakk-in teqqel-d γer Agadir. Imir-n, yufa-d lḥal tejmeε-d ciṭṭ n yedrimen yerna tura-d amsayes (scénario) n usaru-ines amezwaru,  Γayelli yekrez, yemger-t (Ay-n yekrez, yemger-it), dγa txemmem ad d-teg asaru-a u ad d-turar deg-s. Imir-n, tebda tettnadi γef medden ara tt-iεawnen deg leqdic-is amaynut. Yuγ lḥal, deg tallit-nni yufa-d lḥal tlata-nni n yisura imaziγen yettwassnen deg Meṛṛuk ffγen-d yagi : Tamγart n Wureγ (1989), Bu Tfunast (1990) akk d Tigigelt [Tagujilt] (1991).

 

Fatima Bououchane tella ur tessin ula d yiwen ixeddmen deg wenrar-a amaynut n ssinima tamaziγt. Dγa temlal d Mohamed Oualkach yellan d aneγmas (amesjeṛnan) yettwassnen deg Agadir, u tessawel-as γef way-n tebγa ad t-teg. Aneggaru-a yellan la iqeddec d amalal uffiγ (collaborateur externe) n ṛṛadyu yenṣ̣eḥ-itt ad as-tγer i Ahmed Baddouge yellan deg tiddukla n Tifawin. Asmi ay temlal id-s, tufa-t ula d netta la d-yettheyyi tamezgunt (pièce théâtrale) umi isemma Taggudi, dγa teγli-d deg tegnit ay deg yezmer ad tt-iεawen. Imir-n daγen ay d-temlal d tcennayt tamaziγt tameqrant, Fatima Tabaεemṛant, u d tin ay as-yefkan nnaṣ̣ayeḥ yelhan deg wenrar-a n ssinima.

 

Seg tama niḍen, yiwen wass, Fatima yenna-as-d yiwen yettili-as belli Mohamed Outaleb n Sawt Mzouda, deg Wexxam Amellal (Casablanca) yella la yettnadi tin ara d-yuraren deg usaru-ines amaynut Littihal n Wemγar, dγa imir-n kan ay as-teγra. Asmi ay d-turar deg usaru-a, Fatima tufa abrid akk-n ad tekcem deg wenrar n ssinima akk-n iwata. Ass-a, tessaweḍ ad d-teg neγ tettekki deg wazal n 70 n yisura.

 

Fatima Bououchane d nettat ay yesseγren iman-is i yiman-is, u teqqel daγen d tamezrirt (maquilleuse), ttnadin fell-as akk yemsuffγen n yisura imeṛṛukiyen. Dγa tettekka deg usaru n Kamal Kamal, win umi qqaren Taït Nizar, sin n yisura n Hassan Bouchlikha, «Le Facteur» akk d Lamdamma, akk d yiwen n usaru n Mustapha Fakhir, Attayaba. Am wakk-n d-tura deg yisura niḍen am Hammou Ounamir akk d Douiba n Fatima Boubkdi, akk d usaru n Al Makroum n Daoud Oulad Sayad. Fatima teqdec daγen deg yisura n Ahmed Baddouge, Lahoucine Bouizgaren, Brahim Chkiri d Aziz Oussayeh.

 

Fatima tura-d imsuyas (scénario) n waṭas n yisura ay deg ay d-turar ledwaṛ. Ad d-nebder gar-asen Ḥmed-inu,  Γayelli yekrez, yemger-t,  Γassad dari akk d Sbh dark, u tessuffeγ-d sin n yisura : El Famila (Tawacult) akk d Boulamlayen (Bu yimelyunen), am wakk-n la d-tettheyyi asaru niḍen, Tallayet (Agazu n ttmeṛ), ay deg ara d-yurar Messaoud Lyazidi n Disco Vision Inezgane.

 

Fatima tettxemmim ssinima tmaziγt [deg Meṛṛuk] d tikebbaniyin n wesfares (production) ay tt-irefden, u gar-asent Warda Vision, Sawt Mzouda n Wexxam Amellal (Casablanca), Ayouz Vision akk d Disco Vision n Inezgan d Chtouka Vision n Biougra. Nezmer daγen ad d-nebder leqdic aneggaru n ay iga Nabil Ayouch, ay yes ay d-yesban aṭas n yisegbaren (acteurs) imaziγen ilmeẓyen ama deg temdint n Agadir neγ deg tama-ines.

 

Lahoucine Bouizgaren, Ahmed Baddouge d Fatima Bououchane d kra seg wid ay d-yerẓan asalu deg ssinima tamaziγt u ass-a zemren ad tteklen, ur ttagaden ara γef uzekka n ssinima-a acku wid ara irefden asafu llan, u deg yiseggasen-a iεeddan kkren-d yimestekniyen (techniciens) d yemsuffγen imaziγen imaynuten ay izemren ad kemmlen leqdic. Maca, seg tama niḍen, γas ssinima-a mechuṛet mliḥ γer wegdud ameṛṛuki, mazal teḥwaj aεawen sγur iduba (autorités), ladγa sγur Aγlif n Yedles (Ministère de la culture), Ammas asinimaṭugrafi ameṛṛuki (Centre cinématographique marocain), war ma nettu daγen IRCAM (Asudu Ageldan n Yedles Amaziγ). 

 

Taγbalut : Libération

http://www.souss.com/Fatima-Bououchane-parcours-d-une.html

 

Tasuqilt sγur Omar Mouffok

(24 Ctembeṛ 2007)

 

 

Qqel γer usebter n umager

 

 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37