Tiddukla Tadelsant Imedyazen

Asebter n umager | Imagraden | Isalan | Imenzayen | Taftilt | Imawalen | Idlisen-nnegh | Leqdicat-nnegh | Imazighen | Lmed tamazight | English | Español | Français | Arabe | Anmager | Tabrat n Yimedyazen | Arum-agh-d | Imaslad'en | Tamesgida | Amezruy n Tiddukla

 
Timsizwert tis 6 n tlawin yettarun tullisin* deg tmura n Wegrakal
 
*nouvelles
 
Laṛebεa 11 Yebrir 2007
 
Timsizwert tis setta n tlawin yettarun tullisin (nouvelles) deg tmura n Wegrakal (Méditerranée) d tin yebdan seg wayyur n Fuṛaṛ iεeddan u mazal ad tkemmel alama d taggara n Mayyu. Timsizwert-a zemrent ad ttekkint deg-s akk tilawin tidzayriyin n wakk iswiren (niveaux) n leqraya d wakk leεmaṛ Zemrent ad ttekkint s tullist ur nettεeddi ara i 10 n yisebtar (pages), tura s taεṛabt, s tefṛensist neγ s tmaziγt, d acu kan, yessefk γef myall-is ur tettili ara tessuffeγ-d yagi kra n tullist neγ kra n wungal deg wedlis.
 
Timsizwert-a tga-tt-id tiddukla n « Femmes en communication » (Tilawin deg teγwalt) s wemεiwen akk d Forum des Femmes (Anmager n Tlawin). Asentel (thème) n temzizwert n useggas-a netta d « asfur » (masque). Wid igan timsizwert-a bγan ad gen ifadden i tmeṭṭut akk-n « ad taru, ad d-tessiwel γef yiγeblan-ines u ad d-tessuffeγ akk ay-n teffer ». D ay-a ay d-tenna tselwayt n tiddukla, Massa Nafissa Lahreche i APS.
 
Deg way-n yerzan taγara (qualité) n way-n d-yettwarun, tenna-d dakk-n « tilawin tidzayriwin sεant aswir (niveau) n tira am win n tlawin n tmura timeṛkantiyin n Wegrakal (Méditerranée), u tikkwal, ifent-tent ».
 
Yagi, snat n tdzayriyin ay d-irebḥen arraz (prix) ameqran n temzizwert-a. Tamezwarut d Nawel Djabali, deg 2003, asmi ay tettekka s tullist-ines Couloirs sombres (Igniren ibuṭlamen). Ma d tis snat d Nadjet Djibouni, s tullist-ines Le Rendez-vous (Ttiεad), deg 2006.
 
Deg way-n yerzan amek ara d-tili temzizwert-a, Massa Lahreche tenna-d dakk-n ad ilin wid ara d-ifernen tlata seg tullisin yifen akk tiyaḍ, u ad tent-aznen γer useqqamu agrakal (méditerranéen) ay deg ttekkan ama d wid ara d-igen timsizwert-a, ama d isdawanen (universitaires) yemmuzzgen (spécialisés) deg tullisin. Imir-n, aseqqamu-a ad d-yefren tlata seg yeḍrisen-nni akk ay asen-yettwaznen. Tid ara irebḥen, ad d-inin ismawen-nsent deg yiwet n tmeγra ara yettwagan deg wayyur n Tubeṛ ara d-itteddun, deg Marseille (Fṛansa).
 
Sγur Reda Cadi
 
La Tribune
 
 

Tiddukla Tadelsant Imedyazen
Association culturelle Imedyazen
BP 129 Poste Didouche Mourad
16006- Alger - Algérie
Tel. (+213) (0) 64 77 07 37