(29/04/2007)
*département
Akk ay-n yettwagan
i lmend n welday n ugezdu (département) n tmaziγt deg Tubiret ur yenfiε i wacemma aseggas-a. D ay-a ay yejjan iselmaden
n tesdawit, inelmaden d kra n medden niḍen ad gen yiwet n tsakbabt (pétition) deg wussan-a iεeddan akk-n ad qennεen
imḍebbren dakk-n yessefk ad yettwaldi ugezdu-a. Yuγ lḥal, aṭas ay-a seg wasmi ay ssuttren ad bdun asselmed
n tmaziγt deg tesdawit n Tubiret, maca aseggas-a, d anemhal (directeur) n tesdawit akk d weγlif (ministère) n usselmed
aεlayan ay yegguman.
Tasdawit n
Tubiret llan deg-s ass-a yigezda (départements) n tussniwin tizerfanin (sciences juridiques), n tesnafsit (psychologie) akk
d tsekla (littérature) taεṛabt. D acu kan, tlata n yiselmaden ay d-ilulen deg Tubiret u qeddcen deg tesdawit n Tizi
Wezzu heyyan-d yiwen n wahil (programme) n usselmed n tmaziγt u fkan-t i unemhal n tesdawit n Tubiret.
D acu kan,
aneggaru-a, mi iwala dakk-n ahil-nni (programme) yettuheyya-d mliḥ, yeqbel naqal, sakk-in, yeqqel deg wawal-is, u yufa-d
ssebba dakk-n tasdawit n Tubiret mazal ixuṣ̣ṣ̣-itt ttawil d wemkan akk-n ad d-rnun γer-s
tamaziγt.
Seg tama-ines,
Aseqqamu Unnig i Timmuzγa (HCA) yuwey ahil-nni (programme) γer weγlif (ministère) n Usselmed aεlayan akk-n ad yeεreḍ ad t-iqenneε ad
sbedden agezdu i yiles d yedles amaziγ deg Tubiret.
Imḍebbren
n weγlif (ministère) bγan ad jjen tamsalt n ugezdu (département) n tmaziγt i yiseggasen ara d-ittedun. D acu kan,
yettban-d dakk-n ttun dakk-n agezdu n tmaziγt deg Tubiret d tamsalt iḥaren, ladγa i yinelmaden n tama-nni ay
yessiggzen (mmeṛkan) iman-nsen deg tesdawiyin niḍen neγ wid la yessaramen ad gen turagt (licence) neγ ay-n yugaren ay-a deg
yiles amaziγ.
Yessefk ad
d-nger tamawt dakk-n tawilayt n Tuburet llan deg-s azal n tlatin n yiγerbazen (llakulat) ay deg sselmaden tamaziγt i yigerdan yesεan
iswiren (niveaux) yemgerraden, deg lweqt ay deg llan yiγerbazen niḍen xuṣ̣ṣ̣en-ten yiselmaden
n tmaziγt.
Γef way-a ay yessefk ad yili ugezdu (department) ay deg ara γren yiselmaden ara yeslemden
tamaziγt.
Sγur A. SEBAI
L’Expression, 29 Yebrir 2007
